روملو‌لارا 15
15
1ائندی بئز کی، قووّتلی‌یئک، گرک قووّتسئزلرئن ضعئفلئکلرئنه دؤزَک و آنجاق اؤز خوشلوغوموزو آختارمایاق. 2هر بئرئمئز یاخشیلیقدا بئنا اتمک اوچون قونشوموزو خوشلاندیراق. 3اونا گؤره کی، مسئح ده اؤز خوشلوغونو آختارمادی؛ آمّا نجه کی، یازیلیب: «سنی دانلایانلارین دانلاغی منئم اوستومه دوشدو.»#15:3 مزمور ۶۹:۹ 4چونکی قاباقدان یازیلانلارین هامیسی، بئزئم تعلئمئمئز اوچون یازیلدی کی، تحمّول و موقدّس یازیلارین تسلّئسی ائله اومئدئمئز اولسون. 5قوی تحمّول و تسلّی ورن تاری مسئح عئسایا گؤره، سئزه بئربئرئنئز‌له همفئکئر اولماغی احسان اتسئن کی، 6سئز بئرلئکده بئر سسله ربّئمئز عئسا مسئحئن آتاسی اولان تارینی اوجالداسینیز. 7بونا گؤره، نجه کی، مسئح سئزی تارینین عئزّتی اوچون قبول اتدی، سئز ده بئربئرئنئزی قبول ادئن. 8چونکی بونو دیئرم کی، مسئح تارینین حقئقتئندن اؤتری ختنه‌نئن خئدمتکاری اولدو کی، اجدادیمیزا ورئلن وعده‌لری تصدئق اتسئن. 9و قیرییهودئلر تارینین مرحمتی اوچون اونا عئزّت ورسئنلر، نجه کی، یازیلیب دا؛
بونا گؤره قیرییهودئلر آراسیندا حمد اده‌جه‌یم،
و سنئن آدینا اوخویاجاغام.#15:9 ۲سمویئل ۲۲:۵۰ و مزمور ۱۸:۴۹
10و گئنه دیئر:
ای قیرییهودئلر، اونون خالقی ائله شادلیق ادئن.#15:10 تثنئیه ۳۲:۴۳
11و گئنه:
ای قیرییهودئلر ربّه حمد ادئن.
قوی بوتون خالقلار اونا حمد اتسئنلر.#15:11 مزمور ۱۱۷:۱
12و گئنه اِشَعیا دیئر:
یسّه‌نئن کؤکوندن اولان گله‌جک.
و او، قیری‌یهودئلره حؤکمرانلیق اتمک اوچون قالخاجاق.
قیرییهودئلر اونا اومئد باغلایاجاقلار.#15:12 اِشَعیا ۱۱:۱۰
13قوی اومئد تاریسی ائماندا سئزی هر جور شادلیق و باریشلا دولدورسون کی، سئز موقدّس روحون قووّتی ائله، اومئدله دولوب داشاسینیز.
14بوندان علاوه، ای قارداشلار، من اؤزوم ده سئزئن حاقّینیزدا یقئنئم وار کی، سئز اؤزونوز ده یاخشیلیقدا دؤولتلی و هر معرئفتده دولوسونوز و بئربئرئنئزی ده نصئحت اتمه‌یه قادئرسئنئز. 15آمّا بعضی مسله‌لر باره‌ده سئزه داها جسارتله یازمیشام کی، سئزه خاطیرلامیش اولوم، او فیضدن اؤتری کی، تاری طرفئندن منه ورئلئب کی، 16قیری‌یهودئلره عئسا مسئحئن خئدمتکاری اولام و تارینین ائنجئلئنه بئر کاهئن کئمی خئدمت اِدَم، اِله کی، منئم تقدئم اتدئیئم قیرییهودئلر، تارییا مقبول و موقدّس روح طرفئندن تقدئس اولونموش بئر قوربان اولسون. 17بله‌جه مسئح عئسادا تارییا تقدئم اولان خئدمت اوچون فخر ادئرم. 18چونکی من هچ بئر شی دانیشماغا جسارت اِتمه‌رم، مگر اونلار حاقّیندا کی، مسئح منئم واسئطمله قیری‌یهودئلرئن ائطاعتی اوچون هم سؤزده، هم ده عملده، 19علامتلر و عجایئبلر قووّتئنده و موقدّس روحون قووّتئنده یرئنه یتئرئب؛ بله کی، اورشلئمدن باشلاییب ائلئرکوما قدر مسئحئن ائنجئلئنی تامام-کامال وعظ اتمئشم. 20و بله چالیشمیشام کی، ائنجئلی، مسئحئن حله آدی اونلارا یتئشمه‌مئش یرلرده وعظ ادئم کی، اؤزگه بئر آدامین بونؤوره‌سئنده بئنا اتمه‌یئم. 21آمّا نجه کی، یازیلیب:
اونون حاقّیندا خبرلری اولمایانلار گؤره‌جکلر،
و اشئتمه‌مئش اولانلار آنلایاجاقلار.#15:21 اِشَعیا ۵۲:۱۵
22بوندان اؤتری ده چوخ دفه سئزئن یانینیزا گلمکدن ساخلاندیم. 23آمّا ائندی کی، بو اؤلکه‌لرده آرتیق بئر یر قالماییب و اوزون ائللردن بری سئزئن طرفلرئنئزه گلمه‌یی آرزو ادئرم، 24ائسپانئیایا کچئب-گدنده اومئدئم وار کی، سئزی ده گؤرَم و اوّل بئر مودّت سئزئن یانینیزدا اولماقدان بئر آز دویام و سونرا سئز منی اورایا یولا سالاسینیز. 25لاکئن ائندی موقدّسلرئن خئدمتئنده اورشلئمه گدئرم. 26چونکی مقدونئیّه و اخایئه‌یه خوش گؤروندو کی، اورشلئمده‌کی موقدّسلرئن آراسیندا کاسیب اولانلارا کؤمک ییغسینلار. 27البتّه خوش گؤروندو، هم ده اونلارا بورجلودورلار. چونکی اگر قیرییهودئلر اونلارین روحانی برکتلرئنده شرئک اولدولار، اونلارا مادّی برکتلرله ده خئدمت اِتمه‌لی‌دئرلر. 28بله‌جه بو ائشی باشا چاتیریب و بو ثمره‌نی اونلارین الئنه چاتدیراندان سونرا، سئزئن طرفلرئنئزدن کچئب ائسپانئیایا گده‌جه‌یم. 29و بئلئرم کی، سئزئن یانینیزا گلنده مسئحئن بول برکتی ائله گله‌جه‌یم.
30ائندی ای قارداشلار! سئزه ربّئمئز عئسا مسئحئن خاطئری اوچون و روحون محبّتئنئن خاطئری اوچون یالواریرام کی، تارییا منئم حاقّیمدا اتدئیئنئز دوعالاردا منئمله بئرلئکده چالیشاسینیز کی، 31یهودئیه‌ده اولان ائطاعتسئزلردن خئلاص اولوم و اورشلئمه اولان خئدمتئم، موقدّسلره مقبول اولسون. 32و بله‌جه من تارینین ائراده‌سی ائله شادلیقلا سئزئن یانینیزا گلئم و سئزئن دوستلوغونوزلا بئر دئنجَلئم. 33ائندی باریش ورن تاری سئزئن هامینیزلا اولسون. آمئن.
Currently Selected:
روملو‌لارا 15: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
