وحی 7
7
مؤهورلنمئش آداملار
1بوندان سونرا دؤرد ملک گؤردوم کی، یرئن دؤرد گوشه‌سئنده دورموشدولار و یرئن دؤرد یلئنئن قاباغینی توتموشدولار، اله کی، هچ یل یر اوزونه، دهنز اوزونه، یا دا هچ بئر آغاج اوزونه اسمه‌سئن. 2باشقا بئر ملک ده گؤردوم کی، گون‌دوغان یردن یوخاری قالخیردی و دئری تارینین مؤهورو وار ائدی. ملک اوجا بئر سسله او دؤرد مله‌یی کی، یره و دهنزه زئیان یتئرمک اونلارا عطا اولموشدو، چاغیریب 3ددی: «اؤزلرئنی تاریمیزا قول اِتمئشلرئن آلینلارینی مؤهورله‌ینه‌جک، یره، دهنزه و آغاجلارا زئیان یتئرمه‌یئن.»
4و من، مؤهورلنمئشلرئن ساییسینی اشئتدئم؛ ائسرایئل اؤولادلارینین بوتون قبئله‌لرئندن یوز قیرخ دؤرد مئن نفر نفر مؤهورلَنمئشدی. 5یهودا قبئله‌سئندن اون‌ائکی مئن نفر مؤهورلَنمئشدی، رعوبئن قبئله‌سئندن اون‌ائکی مئن نفر، جاد قبئله‌سئندن اون‌ائکی مئن نفر، 6آشر قبئله‌سئندن اون‌ائکی مئن نفر، نفتالی قبئله‌سئندن اون‌ائکی مئن نفر، منسّه قبئله‌سئندن اون‌ائکی مئن نفر، 7شمعون قبئله‌سئندن اون‌ائکی مئن نفر، لاوی قبئله‌سئندن اون‌ائکی مئن نفر، یسّاکار قبئله‌سئندن اون‌ائکی مئن نفر، 8زبولون قبئله‌سئندن اون‌ائکی مئن نفر، یوسئف قبئله‌سئندن اون‌ائکی مئن نفر و بنیامئن قبئله‌سئندن اون‌ائکی مئن نفر مؤهورلنمئشدی.
9بونلاردان سونرا باخدیم، و باخ، هر مئلّتدن و بوتون قبئله‌لردن و خالقلاردان و دئللردن سایی‌یا گلمه‌ین بؤیوک بئر جاماعات تختئن و قوزونون حوضوروندا دورموشدو؛ آغ شئنل‌لره گیئنمئشدئلر، اَللرئنده ده خورما آغاجینین بوداقلاری وار ائدی. 10و اوجا سسله سسله‌نئب، دیئردئلر: «نئجات تختده اوتوران تاریمیزا و قوزویا مخصوصدور!» 11بوتون ملکلر تختئن، آغساقّاللارین و دؤرد جانلی مخلوقون اطرفیندا دورموشدولار. و تختئن حوضوروندا اوزلری اوستونده یره دوشدولر و تارییا پرستئش ادئب، 12دیئردئلر: «آمئن، برکت و شؤوکت و حئکمت و شوکران و حؤرمت و قودرت و قووّت ابددن ابده کئمی تاریمیزا مخصوصدور، آمئن.»
13او واخت، آغساقّاللاردان بئری جاواب ورئب، منه ددی: «آغ شئنل‌لره گیئنمئش بو آداملار کئمدئرلر و هارادان گلئبلر؟» 14اونا ددئم: «آغام، سن بئلئرسن.» منه ددی: «بونلار او بؤیوک مشقّتدن چیخانلاردیرلار. شئنل‌لرئنی یویوبلار و اونلاری قوزونون قانیندا آغ ادئبلر. 15بو سببدندئر کی، تاری تختئنئن حوضوروندادیرلار و اونون معبدئنده گجه-گوندوز اونا خئدمت ادئرلر و تختده اوتوران اؤز خیمه‌سئنی اونلارین اوستونه قوراجاق. 16اونلار بئر داها آجلیق چکمه‌یه‌جکلر، سوسوز اولمایاجاقلار، گونون ائستئسی و اؤزگه هر بئر ائستی اونلاری یاندیرمایاجاقدیر. 17چونکی تختئن اورتاسیندا اولان قوزو اونلارا چوبانلیق اده‌جک و اونلاری حیات سویونون بولاقلارینا آپاراجاق و تاری هر یاشی اونلارین گؤزلرئندن سئله‌جکدئر.»
Currently Selected:
وحی 7: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
