فئلئپئلی‌لره 3
3
حیاتین مقصدی
1نهایت، قارداشلاریم، ربده شادلیق ادئن. سئزه همن شیلری موکرّر یازماق منئم اوچون اصلا زحمت دیئل، لاکئن سئزئن اوچون موحافئظدئر. 2او ائتلردن آییق اولون، او پئسلئک اِدَنلردن آییق اولون، یالان ختنه‌دن آییق اولون. 3چونکی حقئقی ختنه بئزئک کی، تارینین موقدّس روحوندا پرستئش ادئرئک و مسئح عئسادا باشیمیز اوجادیر و جئسمه اعتئماد اتمئرئک. 4گرچی من اؤزوم حتّا جئسمه ده اعتئماد اده بئله‌رم. اگر اؤزگه بئر آدام جئسمه اعتئماد اتمه‌یی دوشونسه، من داها آرتیق: 5سکّئز گونلوک ائکن ختنه اولوندوم، ائسرایئل خالقیندان، بنیامئن قبئله‌سئندن، عئبرانئلردن بئر عئبرانی، شرئعته گؤره بئر فرئسی، 6قیرت باخیمیندان کئلئسایا عذاب وره‌نئن بئری، شرئعتدن گلن صالحلئک باخیمیندان مذمّتسئز بئر آدام! 7لاکئن مسئحئن خاطئری اوچون، منه قازانج اولان هر شیی ضرر سایدیم. 8بوندان دا چوخ، ربّئم مسئح عئسانین معرئفتئنئن افضل‌لئیی قاباغیندا هر شیی ضرر ساییرام کی، اونون اوچون هر شیئن ضررئنی چکمئشم و اونلاری زئبئل سایمیشام. اِله کی، مسئحی قازانیم 9و اوندا تاپیلیم؛ شرئعت اساسینا اولان بئر صالحلئکله یوخ، عئسایا اولان ائمان واسئطه‌سی‌ائله گلن صالحلئکله، او صالحلئکله کی، ائمان اساسینا گؤره تاریدان گلئر. 10و اؤلولردن دئرئلدئیئنئن قودرتئنی و چکدئیی عذابلارینین رفاقتئنی تانی‌ییم و اونون اؤلومونده اونا بنزه‌یئم. 11اِله کی، اؤلومدن دئرئلمه‌یه نایئل اولوم.
12بو، او دمک دیئل کی، اونا نایئل اولموشام و یا کامئل‌لَشمئشم. لاکئن جهدله چالیشیرام، اله کی، اونو توتوب اله گتئرئم؛ اونو کی، مسئح عئسا دا منی اونون اوچون توتوب اَله گتئردی. 13قارداشلار، من اِله حساب اتمئرم کی، اونو اَله گتئرمئشم. لاکئن بئر شی ادئرم: آرخادا قالان شیی اونودوب، جان آتیرام کی، قاباغیمدا اولانا چاتیم. 14مسئح عئسادا تارینین افضل دعوتئنئن جایئزه‌سی اوچون جهدله مقصده طرف تلاش ادئرم. 15بله‌جه آرامیزدا کامئل اولانلارین بله مَنئشلری اولسون و اگر بئر مؤوضوعدا آیری بئر جور مَنئشلرئنئز وار، تاری اونو دا سئزه آیدین اده‌جک. 16لاکئن نه‌یه چاتمیشیق، او عیارا گؤره ده یاشایاق.
17قارداشلار، مندن نومونه گؤتورون و دئقّتله او آداملارا باخین کی، بئزده گؤردویونوز نومونه‌یه گؤره رفتار ادئرلر. 18چونکی بئر چوخلاری مسئحئن چارمیخینین دوشمنلری کئمی رفتار ادئرلر کی، اونلارین حاقّیندا سئزئنله تز-تز دانیشیردیم و حتّا ائندی ده گؤزو‌یاشلی دیئرم. 19اونلارین آخیری هلاکت، اونلارین تاریسی قارین و اونلارین ائفتئخاری روسوایچیلیقلاریندادیر کی، فئکئرلرئنی دونیه‌وی شیلرئن اوستونه قویوبلار. 20چونکی بئزئم وطنداشلیغیمیز گؤیده‌دئر کی، قورتاریجیمیز رب عئسا مسئحی ائشتئیاقلا اورادان گؤزله‌یئرئک. 21او، بئزئم بو ذلئل بدنئمئزئن وضعئیّتئنی دیئشدئره‌جک، اِله کی، اؤز شؤوکتلی بدنئنه اوخشار اولسون. او بو ائشی او قودرتئن واسئطه‌سی‌ائله اده‌جک کی، اونونلا هر شیی اؤزونه موطئع اتمه‌یه قادئردئر.
Currently Selected:
فئلئپئلی‌لره 3: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
