فئلئپئلی‌لره 2
2
مسئح کئمی اولون
1بله‌جه اگر مسئحده بئر تشوئق، محبّتئن بئر تسلّئسی، اگر موقدّس روحون بئر رفاقتی، اگر شفقت و مرحمت وار، 2هم فئکئر اولماقلا، همن محبّتی ساخلاماقلا، روحدا بئرلشمکله و بئر مقصد نئیّتئنده اولماقلا منئم شادلیغیمی کامئل ادئن. 3هچ بئر شیی خودپرستلئک اوزوندن و یا شؤهرتپرستلئکدن اتمه‌یئن. لاکئن تواضؤعله بئربئرئنئزی اؤزونوزدن اوستون سایین. 4آنجاق اؤز شخصی منفعتئنئزی آختارمایین، اؤزگه‌لرئن ده منفعتئنی نظرده آلین. 5مسئح عئسادا اولان دوشونجه سئزده ده اولسون کی، 6تارینین صورتئنده اولدوغو حالدا، تاری ائله برابرلئیی بئر قنئمت سایمادی. 7لاکئن هر شیدن ال چکدی و بئر قول صورتئنی آلیب، ائنسانلارین اوخشارینا دؤندو. 8و ائنسان شباهتئنی آلمیش اولاراق، اؤلومه موطئع اولماقلا، حتّا چارمیخ اوستونده اؤلمکله اؤزونو آلچالتدی. 9بونا گؤره ده تاری اونو چوخ اوجالتدی و اونا بوتون آدلاردان افضل اولان آدی وردی 10اله کی، گؤیده، یر اوزونده و یرئن آلتیندا اولانلارین هامیسی عئسانین آدیندا دئز چؤکسونلر. 11و آتا تارینین شؤوکتی اوچون هر دئل ائقرار اتسئن کی، عئسا مسئح ربدئر.
12بله‌جه سوگئلئلرئم، نجه کی، همئشه ائطاعت ادئبسئنئز-نه آنجاق من یانینیزدا اولاندا، لاکئن ائندی کی، قایئبم داها چوخ-نئجاتینیزی قورخو و تئتره‌مکله انجامینا یتئرئن. 13چونکی تاری‌دیر کی، اؤز ائلطئفاتینا مووافئق، هم ائستمه‌یئنئز، هم ده عمله گتئرمه‌یئنئز اوچون سئزده ائشله‌یئر. 14هر شیی شئکایتسئز و موناقئشه‌سئز یرئنه یتئرئن کی، 15سئز، فاسئد و ترسه بئر نسلئن آراسیندا، مذمّتسئز و معصوم، تارینین قوصورسوز اؤولادلاری اولاسینیز. سئز اونلارین آراسیندا دونیانین نورلاری کئمی ظاهئر اولوب، 16حیاتین کلامینی برک توتورسونوز کی، مسئحئن گونونده من ده عبث اللشمه‌دئیئم و عبث زحمت چکمه‌دئیئم اوچون فخر ادئم. 17لاکئن اگر من بئر ائچکی تقدئمه‌سی کئمی سئزئن ائمانینیزین قوربان و خئدمتی اوستونه تؤکولورم، گئنه ده سوئنئرم و شادلیغیمی سئزئن هامینیزلا پایلاشیرام. 18سئز ده اله بو جور سوئنئن و شادلیغینیزی منئمله پایلاشین.
19رب عئسادا اومئد ادئرم کی، بو یاخینلیقدا تئموتاعوسو سئزئن یانینیزا گؤندَ‌رئم کی، من ده سئزئن احوالاتینیزدان خبردار اولوب، تشوئق اولام. 20چونکی فئکئرده منه یاخین اولان هچ کس قالماییب کی، ائخلاصلا سئزئن قیدئنئزده اولسون. 21اونا گؤره کی، هر کس مسئح عئسانین منفعتئنی یوخ، اؤز منفعتئنی آختاریر. 22آمّا سئز اونون ثوبوت اتمئش دَیَرئنی بئلئرسئنئز کی، نجه ائنجئلئن خوش خبرئنی یایماقدا، آتاسینی خئدمت ادن بئر اوشاق کئمی منه خئدمت اتدی. 23بونا گؤره اؤز ائشلرئمئن نجه قاباغا گتدئیئنی بئلدئکده، اومئد ادئرم کی، تزلئکله اونو سئزئن یانینیزا گؤندَ‌رئم. 24و ربده اعتئمادیم بودور کی، اؤزوم ده تزلئکله یانینیزا گلئم. 25آمّا لازیم گؤردوم کی، قارداشیم، همکاریم و سئلاحداشیم اِپافرودئتوسو سئزئن یانینیزا گؤندَ‌رئم کی، مؤحتاج اولاندا منه کؤمکچی اولان گؤندَ‌ردئیئنئز الچی و خئدمتچئدئر. 26چونکی او، سئزئن هامینیز اوچون حسرت چکئردی و اونون ناخوش اولدوغونو اشئتدئیئنئزه گؤره چوخ ناراحات ائدی. 27حقئقتن ده کی، او، اؤلوم درجه‌سئنه قدر ناخوش ائدی، لاکئن تاری اونا، نه ائنکی آنجاق اونا، منه ده مرحمت گؤرستدی کی، مبادا قوصّه‌مئن اوستونه قوصّه آرتسین. 28بو سببدن اونو بوتون ائشتئیاقلا سئزئن یانینیزا گؤندَ‌رمئشم کی، اونو گؤرنده تکرار سوئنه‌سئنئز و منئم ده قوصّم آزالسین. 29بله‌جه اونو ربده بوتون شادلیقلا قبول ادئن و بله ائنسانلارا بؤیوک حؤرمت گؤرسه‌دئن. 30چونکی او، مسئحئن ائشی یولوندا جانینی خطره سالیب اؤلومه بله یاخین گلدی کی، سئزئن منئم حاقّیمدا اولان خئدمتئنئزئن نه اسکئک اولدوغونو، او تکمئل اتسئن.
Currently Selected:
فئلئپئلی‌لره 2: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
