فئلئپئلی‌لره 1
1
شوکرانلار
1مسئح عئسایا اؤزلرئنی قول اتمئش پولوس و تئموتاعوسدان، فئلئپئده مسئح عئسایا عایید اولان بوتون موقدّسلره، ناظئرلر و شمّاسلاری ائله: 2آتامیز تاری و ربّئمئز عئسا مسئحدن سئزه فیض و باریش اولسون.
3سئزی هر زامان خاطیرلایاندا تاریما شوکور ادئرم. 4و همئشه هر دوعامدا سئزئن هامینیز اوچون شادلیقلا دوعا اِدئرم. 5چونکی ائلک گوندن ائندئیه کئمی ائنجئلئن ائشئنده شئرکت ادئبسئنئز. 6آرخایینام او کی، یاخشی ائشی سئزده باشلاییب، مسئح عئسانین گونونه کئمی، اونو کامئل‌لَشدئره‌جک. 7حاقلی‌یام کی، سئزئن هامینیز حاقّیندا بله دوشونم، چونکی سئز منئم اوره‌یئمده‌سئنئز. حبسده ده اولسام، ائنجئلئن مودافئعه‌سئنده و تصدئق اتمه‌یئنده ده اولسام، هامینیز منئمله برابر تارینین فیضئنه شرئکسئنئز. 8تاری شاهئدئمدئر کی، مسئح عئسانین شفقتئنده نجه سئزئن هامینیزین حسرتئنی چکئرم. 9و دوعا ادئرم کی، محبّتئنئز حقئقی معرئفت و هر جور ائدراکدا آرتیق و داها آرتیق چوخالسین. 10اِله کی، افضل اولان شیلری تصدئق ادئب، مسئحئن گونونه کئمی خالئص و مذمّتسئز اولاسینیز، 11و تارینین شؤوکت و مدحی اوچون صالحلئک ثمره‌سی ائله دولاسینیز کی، عئسا مسئحئنئن واسئطه‌سی‌ائله‌‌دئر.
ائنجئل وعظ اولونور
12ائندی قارداشلار، ائسته‌یئرم بئله‌سئنئز کی، منئم باشیما گلنلر، داها چوخ ائنجئلئن ترقّئسئنه باعئث اولدو. 13بله کی، بوتون سارای موحافئظلرئنه و اؤزگه هر کسه معلوم اولوب کی، منئم حبسئم مسئح اوچوندور. 14و قارداشلاردان چوخو، حبسئمدن اؤتری ربّه اعتئماد ادئب، داها چوخ جورعت تاپیبلار کی، ربّئن کلامینی قورخوسوز دانیشسینلار. 15دوغروسو، بعضئلری حتّا پاخیلّیق اوزوندن مسئحی وعظ ادئرلر، لاکئن بعضئلری ده یاخشی نئیّتله. 16آخیرکی‌لار بونو محبّت اوزوندن ادئرلر و بئلئرلر کی، من ائنجئلئن مودافئعه‌سی اوچون تعیئن اولونموشام. 17اوّلکئلر مسئحی ائخلاصلا یوخ، اؤز منئیّت‌لرئنئن دالیندا اولدوقلاری اوزوندن اعلان ادئرلر و دوشونورلر کی، بو حبسئمده منئم اذئیّت چکمه‌یئمه باعئث اولسونلار. 18نه اولور؟ آنجاق بو کی، هر حالدا، ائستر یالان نئیّتده، ائستر دوغرو نئیّتده، مسئح اعلان اولونور و من بوندا سوئنئرم، بلی، سوئنه‌جه‌یم ده. 19چونکی بئلئرم کی، بو، سئزئن دوعالارینیزلا و عئسا مسئحئن روحونون کؤمه‌یی ائله منئم خئلاصیمی یتئره‌جک. 20خالئص ائنتئظار و اومئدئم بودور کی، هچ بئر شیده اوتانماییم و همئشه‌کی کئمی ائندی ده، یاشاسام دا، اؤلسَم ده، بوتون جسارتله مسئحی بدنئمده اوجالدیم.
یاشاماق یعنی مسئح
21چونکی منئم اوچون یاشاماق مسئحدئر، اؤلمک ده قازانج. 22لاکئن اگر بدنده عؤمور سورمه‌لی اولسام، بو منه ثمره‌لی بئر زحمت اولاجاق. آمّا بئلمئرم هانسینی سچئم. 23من ائکی طرفدن سیخیشدیریلیرام؛ آیریلماق و مسئحله اولماق حسرتئنده‌یم، چونکی بو داها یاخشی‌دیر. 24لاکئن سئزئن خاطئرئنئز اوچون بدنده قالماق داها چوخ لازیمدیر. 25بوندان یقئنئم وار و بئلئرم کی، قالاجاغام و سئزئن ائماندا اولان شادلیق و ترقّئنئز اوچون سئزئنله داوام وره‌جه‌یم. 26بله کی، گئنه یانینیزا گلنده، مسئح عئسادا منئم حاقّیمدا اولان فخرئنئز آرتسین.
27آنجاق مسئحئن ائنجئلئنه لایئق طرزده یاشایین کی، من، ائستر گلئب سئزی گؤرَ‌نده، ائستر قایئب، سئزئن باره‌ده اشئدئم کی، سئز بئر روحدا ثابئت دورورسونوز و همن فئکئرده ائنجئلئن ائمانی اوچون بئرلئکده جهد ادئرسئنئز. 28و سئزه ضئدّ دورانلاردان اصلا قورخمورسونوز کی، بو، اونلارا هلاکت علامتی‌دئر، لاکئن سئزه نئجات علامتی، بو دا تاریداندیر. 29چونکی مسئحئن خاطئری اوچون سئزه عطا اولوب کی، اونا آنجاق ائمان گتئرمه‌یه‌سئنئز، اونون خاطئری اوچون عذاب دا چکه‌سئنئز 30و اِله همن موبارئزه‌نی تجروبه اده‌سئنئز کی، منده گؤردونوز و ائندی منده اولدوغونو اشئدئرسئنئز.
Currently Selected:
فئلئپئلی‌لره 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
فئلئپئلی‌لره 1
1
شوکرانلار
1مسئح عئسایا اؤزلرئنی قول اتمئش پولوس و تئموتاعوسدان، فئلئپئده مسئح عئسایا عایید اولان بوتون موقدّسلره، ناظئرلر و شمّاسلاری ائله: 2آتامیز تاری و ربّئمئز عئسا مسئحدن سئزه فیض و باریش اولسون.
3سئزی هر زامان خاطیرلایاندا تاریما شوکور ادئرم. 4و همئشه هر دوعامدا سئزئن هامینیز اوچون شادلیقلا دوعا اِدئرم. 5چونکی ائلک گوندن ائندئیه کئمی ائنجئلئن ائشئنده شئرکت ادئبسئنئز. 6آرخایینام او کی، یاخشی ائشی سئزده باشلاییب، مسئح عئسانین گونونه کئمی، اونو کامئل‌لَشدئره‌جک. 7حاقلی‌یام کی، سئزئن هامینیز حاقّیندا بله دوشونم، چونکی سئز منئم اوره‌یئمده‌سئنئز. حبسده ده اولسام، ائنجئلئن مودافئعه‌سئنده و تصدئق اتمه‌یئنده ده اولسام، هامینیز منئمله برابر تارینین فیضئنه شرئکسئنئز. 8تاری شاهئدئمدئر کی، مسئح عئسانین شفقتئنده نجه سئزئن هامینیزین حسرتئنی چکئرم. 9و دوعا ادئرم کی، محبّتئنئز حقئقی معرئفت و هر جور ائدراکدا آرتیق و داها آرتیق چوخالسین. 10اِله کی، افضل اولان شیلری تصدئق ادئب، مسئحئن گونونه کئمی خالئص و مذمّتسئز اولاسینیز، 11و تارینین شؤوکت و مدحی اوچون صالحلئک ثمره‌سی ائله دولاسینیز کی، عئسا مسئحئنئن واسئطه‌سی‌ائله‌‌دئر.
ائنجئل وعظ اولونور
12ائندی قارداشلار، ائسته‌یئرم بئله‌سئنئز کی، منئم باشیما گلنلر، داها چوخ ائنجئلئن ترقّئسئنه باعئث اولدو. 13بله کی، بوتون سارای موحافئظلرئنه و اؤزگه هر کسه معلوم اولوب کی، منئم حبسئم مسئح اوچوندور. 14و قارداشلاردان چوخو، حبسئمدن اؤتری ربّه اعتئماد ادئب، داها چوخ جورعت تاپیبلار کی، ربّئن کلامینی قورخوسوز دانیشسینلار. 15دوغروسو، بعضئلری حتّا پاخیلّیق اوزوندن مسئحی وعظ ادئرلر، لاکئن بعضئلری ده یاخشی نئیّتله. 16آخیرکی‌لار بونو محبّت اوزوندن ادئرلر و بئلئرلر کی، من ائنجئلئن مودافئعه‌سی اوچون تعیئن اولونموشام. 17اوّلکئلر مسئحی ائخلاصلا یوخ، اؤز منئیّت‌لرئنئن دالیندا اولدوقلاری اوزوندن اعلان ادئرلر و دوشونورلر کی، بو حبسئمده منئم اذئیّت چکمه‌یئمه باعئث اولسونلار. 18نه اولور؟ آنجاق بو کی، هر حالدا، ائستر یالان نئیّتده، ائستر دوغرو نئیّتده، مسئح اعلان اولونور و من بوندا سوئنئرم، بلی، سوئنه‌جه‌یم ده. 19چونکی بئلئرم کی، بو، سئزئن دوعالارینیزلا و عئسا مسئحئن روحونون کؤمه‌یی ائله منئم خئلاصیمی یتئره‌جک. 20خالئص ائنتئظار و اومئدئم بودور کی، هچ بئر شیده اوتانماییم و همئشه‌کی کئمی ائندی ده، یاشاسام دا، اؤلسَم ده، بوتون جسارتله مسئحی بدنئمده اوجالدیم.
یاشاماق یعنی مسئح
21چونکی منئم اوچون یاشاماق مسئحدئر، اؤلمک ده قازانج. 22لاکئن اگر بدنده عؤمور سورمه‌لی اولسام، بو منه ثمره‌لی بئر زحمت اولاجاق. آمّا بئلمئرم هانسینی سچئم. 23من ائکی طرفدن سیخیشدیریلیرام؛ آیریلماق و مسئحله اولماق حسرتئنده‌یم، چونکی بو داها یاخشی‌دیر. 24لاکئن سئزئن خاطئرئنئز اوچون بدنده قالماق داها چوخ لازیمدیر. 25بوندان یقئنئم وار و بئلئرم کی، قالاجاغام و سئزئن ائماندا اولان شادلیق و ترقّئنئز اوچون سئزئنله داوام وره‌جه‌یم. 26بله کی، گئنه یانینیزا گلنده، مسئح عئسادا منئم حاقّیمدا اولان فخرئنئز آرتسین.
27آنجاق مسئحئن ائنجئلئنه لایئق طرزده یاشایین کی، من، ائستر گلئب سئزی گؤرَ‌نده، ائستر قایئب، سئزئن باره‌ده اشئدئم کی، سئز بئر روحدا ثابئت دورورسونوز و همن فئکئرده ائنجئلئن ائمانی اوچون بئرلئکده جهد ادئرسئنئز. 28و سئزه ضئدّ دورانلاردان اصلا قورخمورسونوز کی، بو، اونلارا هلاکت علامتی‌دئر، لاکئن سئزه نئجات علامتی، بو دا تاریداندیر. 29چونکی مسئحئن خاطئری اوچون سئزه عطا اولوب کی، اونا آنجاق ائمان گتئرمه‌یه‌سئنئز، اونون خاطئری اوچون عذاب دا چکه‌سئنئز 30و اِله همن موبارئزه‌نی تجروبه اده‌سئنئز کی، منده گؤردونوز و ائندی منده اولدوغونو اشئدئرسئنئز.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.