سایلار 24
24
1بَلعام ربّئن گؤزونده ائسرایئله برکت ورمهیئن یاخشی اولدوغونو گؤردوکده، اوّلکی کئمی باخیجیلیق اتمهدی، آمّا اوزونو صحرایا طرف چِوئردی. 2بَلعام گؤزلرئنی قالدیردی و ائسرایئلی قبئلهلرئنه گؤره یرلشمئش گؤرَنده، اونون اوستونه تارینین روحو اِندی. 3او، سؤزونو باشلاییب ددی:
«پِعور اوغلو بَلعامین کلامی،
گؤزو آچیلمیش کئشئنئن کلامی،
4تارینین سؤزلرئنی اشئدن آدامین کلامی،
قادئریموطلقئن رؤیاسینی گؤرن،
یره سَرئلَن، آمّا گئنه ده گؤزلری آچیق اولانین:
5”ای یعقوب، سنئن چادیرلارین نه گؤزلدئر
سنئن مسکنلرئن، ای ائسرایئل!
6یاییلمیش درهلر کئمی،
چای کنارینداکی باغلار کئمی،
ربّئن اَکدئیی عؤد آغاجلاری کئمی،
سولارین یانینداکی سئدر آغاجلاری کئمی.
7سطئللرئندن سولار آخاجاق،
توخوملاری بول سو ائله سولاناجاق،
پادشاهلاری اَقاقدان بؤیوک اولاجاق،
مملکتی اوجالاجاق.
8تاری اونلاری مئصئردن چیخاردیر؛
اونلارا چؤل اؤکوزونون قووّتی کئمیدئر.
اونا دوشمن اولان مئلّتلری یِیئب قورتاراجاق.
سوموکلرئنی قیراجاق،
اوخلاری ائله اونلاری دَلهجک.
9کمئن قوروب شئر کئمی یاتار،
دئشی آصلانا اوخشار.
اونو اویاندیرماغا کئم جورعت اِدَر؟
سئزه برکت ورن، خیئر-دوعالی اولسون،
سئزه لعنت ادن، قوی ملعون اولسون!“»
10بالاقین قضبی بَلعامین اوستونه آلوولاندی؛ اَللرئنی بئربئرئنه ووروب بَلعاما ددی: «سنی دوشمنلرئمه لعنت اتمک اوچون چاغیردیم و باخ، هر اوچ دفه، اونلارا آنجاق برکت ورئبسن. 11ائندی تِز گت، یرئنه قاییت. دمئشدئم کی، سنه سخاوتلی حؤرمت ادهجیم، آمّا باخ، رب سنی اوندان محروم اتدی.» 12بَلعام بالاقا ددی: «یانیما گؤندَردئیئن قاصئدلره مگر دمهدئم، 13بالاق اِوئنی قیزیل و گوموشله دولدوروب منه ورسه بله، ربّئن سؤزوندن چیخا بئلمهرم، اؤز نظرئمه گؤره یاخشی یا پئس هچ بئر شی اده بئلمهرم. رب نه دسه، اونو دئیهجیم؟ 14ائندی من خالقیمین یانینا گدئرم. قوی سنه بئلدئرئم کی، بو خالق گلهجک گونلرده سنئن خالقینین باشینا نه گتئرهجک.»
بَلعامین دؤردونجو دفه گلهجکدن خبر ورمهسی
15بَلعام سؤزونو باشلاییب ددی:
«پِعور اوغلو بَلعامین کلامی،
گؤزلری آچیلان کئشئنئن کلامی،
16تارینین سؤزلرئنی اشئدن آدامین کلامی،
او آدام کی، اوجالاردا اولانین بئلئیئنی بئلئر،
قادئریموطلقئن رؤیاسینی گؤرَن،
یره سَرئلَن، آمّا گئنه ده گؤزلری آچیق اولان:
17”اونو گؤرورَم، آمّا ائندی یوخ،
اونا باخیرام، آمّا یاخیندان دیئل.
یعقوبدان بئر اولدوز چیخاجاق،
ائسرایئلدن بئر عصا#24:17 عصا بورادا باشچی معناسیندا ائشلهنئر اوجالاجاق،
موآبلیلارین آلینلارینی اَزهجک،
بوتون شِت اؤولادلارینین باشلارینی قیراجاق.
18اِدوم اونون مولکو اولاجاق،
اونون دوشمنلری سِعئر ده اونون مولکو اولاجاق،
آمّا ائسرایئل گوجلهنهجک.
19یعقوبون نسلئندن اولان او آدام سلطنت سورهجک،
شهردهکئلرئن قالانلارینی محو ادهجک.“»
بَلعامین آخیر دفه گلهجکدن خبر ورمهسی
20بَلعام عَمالِقلئلره باخیب صؤحبته باشلادی:
«عَمالِق مئلّتلرئن بئرئنجئسی ائدی،
لاکئن عاقئبتی هلاکتدئر.»
21قِنلیلره باخیب سؤزونه داوام وردی:
«مَسکنئنئز مؤحکم،
یووانیز قایادا قورولوب.
22لاکئن آشورلولار سئزی اسئر آلاندا،
قِنلیلر یانیب یوخ اولاجاق.»
23بَلعام صؤحبتئنه داوام وردی:
«وای، تاری بونو اتدئیی زامان کئم یاشایا بئلهجک؟
24کئتّئم#24:24 بو گونکو قئبرئس ساحئللرئندن گَمئلر گلهجک،
آشورلا عِبِری ذلئل ادهجک،
بلهجه اونلار دا محو اولاجاق.»
25بوندان سونرا بَلعام قالخیب یولا چیخدی و اِوئنه قاییتدی. بالاق دا اؤز یولونا داوام وردی.
Currently Selected:
سایلار 24: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
