سایلار 22
22
بالاقین بَلعامی چاغیرماسی
1ائسرایئل اؤولادلاری یولا دوشوب موآب اووالاریندا، اوردونون او بئری طرفئنده، اَرئحانین موقابئلئنده دوشَرگه سالدیلار.
2صئپّور اوغلو بالاق ائسرایئلئن اِمورلولارین باشینا گتئردئیی هر شیی گؤرموشدو. 3جاماعاتی گؤردوکده موآبلی‌لار بَرک قورخدولار، چونکی ائسرایئل خالقی چوخ ائدی. موآب ساکئنلری ائسرایئل اؤولادلاریندان واهئمه‌یه دوشدولر. 4موآبلی‌لار مئدیان آغساقّاللارینا ددئلر: «اؤکوز چؤل اوتونو یِیئب یالادیغی کئمی، بو جاماعات دا بوتون اطرافیمیزی یِیئب یالایاجاق.» او واختلار صئپّور اوغلو بالاق موآب پادشاهی ائدی. 5بالاق پِعور اوغلو بَلعامی چاغیرماق اوچون فَرات چایینین کناریندا اولان آماو اؤلکه‌سئنده‌کی پِتورا قاصئدلر گؤندَ‌رئب ددی: «مئصئردن بئر خالق چیخیب، باخ، یر اوزونو بورویه‌رک موقابئلئمده یرلَشئب. 6خاهئش ادئرم، ائندی گل، منئم خیرئمه بو خالقی لعنت ات، چونکی اونلار مندن چوخ گوجلودورلر. بلکه اوندا من اونلاری مغلوب ادئب، اؤلکه‌دن قووا بئلدئم. چونکی بئلئرم کی، سنئن برکت وردئیئن خیئر-دوعالی، لعنت اتدئیئن ده ملعون اولاجاق.»
7موآب آغساقّاللاری ائله مئدیان آغساقّاللاری فالا باخماق اوجرتئنی گؤتوروب بَلعامین یانینا گتدئلر و بالاقین سؤزلرئنی اونا ددئلر. 8بَلعام اونلارا ددی: «بو گجه‌نی بورادا کچئردئن کی، ربّئن منه ددئیئنی سئزه دیئم.» بله‌جه، موآب باشچیلاری بَلعامین یانیندا قالدیلار.
9تاری بَلعامین یانینا گلئب سوروشدو: «یانینداکی بو آداملار کئمدئر؟» 10بَلعام تارییا ددی: «موآب پادشاهی صئپّور اوغلو بالاق منه سؤز گؤندَ‌رئب کی، 11”باخ، مئصئردن چیخان خالق یر اوزونو بویورور. ائندی گل، منئم خیرئمه اونلاری لعنت ات. بلکه دؤیوشوب اونلاری قووا بئلئم.“» 12تاری بَلعاما ددی: «او آداملارلا گتمه، او خالقا لعنت اتمه، چونکی موبارک خالقدیر.» 13بَلعام سحر دوردو و بالاقین باشچیلارینا ددی: «تورپاغینیزا قاییدین، چونکی رب منه ائجازه ورمه‌دی کی، سئزئنله بئرلئکده گدئم.» 14موآب باشچیلاری قالخدیلار و بالاقین یانینا گلئب ددئلر: «بَلعام ائستمه‌دی کی، بئزئمله بئرلئکده گلسئن.»
15گئنه بالاق اَوّلکئلردن داها چوخ و داها اِعتئبارلی باشچیلار گؤندَ‌ردی. 16اونلار بَلعامین یانینا گلئب، اونا ددئلر: «صئپّور اوغلو بالاق بله دیئر: ”خاهئش ادئرم، یانیما گلمکدن ائمتئناع اتمه. 17چونکی دوغرودان دا سنه سخاوتله حؤرمت اده‌جیم و نه دِسن، هامیسینی اده‌جیم. ائندی خاهئش ادئرم، گل، منئم خیرئمه بو خالقی لعنت ات.“» 18بَلعام جاواب ورئب بالاقین آداملارینا ددی: «بالاق اِوئنی قیزیل و گوموشله دولدوروب منه ورسه بله، تاریم ربّئن سؤزونون ضئدّئنه هچ بئر ائش نه کئچئک، نه ده بؤیوک اده بئلمه‌رم. 19ائندی خاهئش ادئرم، سئز ده بو گجه بورادا قالین و گؤروم رب منه باشقا نه دئیه‌جک.» 20تاری گجه بَلعاما گلئب اونا ددی: «اگر بو آداملار سنی چاغیرماق اوچون گلئبلر، دور اونلارلا گت؛ آنجاق منئم سنه دئیه‌جیئم شیی ات.»
21بله‌جه بَلعام سحر قالخیب اِششه‌یئنی پالانلادی و موآب باشچیلاری ائله بئرلئکده گتدی. 22لاکئن اونون گتدئیی اوچون تارینین قضبی آلوولاندی و ربّئن مَله‌یی یول اوستونده اونون ضئدّئنه دوردو. بَلعام اِششه‌یئنه مئنمئشدی و ائکی نؤکری ده اونونلا ائدئلر. 23او زامان کی، اِششَک، ربّئن مله‌یئنی گؤردو کی، یول اوستونده دورور، الئنده ده سئیرئلمئش قیلینج وار، یولدان دؤنوب زمئیه گئردی. بَلعام اِششه‌یی ووردو کی، اونو یولا دؤندَ‌رسئن. 24سونرا ربّئن مَله‌یی باغلارین آراسیندا دار بئر یولدا دوردو. هر ائکی طرف دووار ائدی. 25اِششَک ربّئن مَله‌یئنی گؤرَ‌نده دووارا سیخیلدی و بَلعامین آیاغینی دووارا سیخیشدیردی. او گئنه اِششه‌یی ووردو. 26ربّئن مَله‌یی ائره‌لی گتدی و اله دار بئر یرده دوردو کی، صاغا-سولا دؤنمک اوچون یول اولمادی. 27اِششَک ربّئن مَله‌یئنی گؤرَ‌نده بَلعامین آلتیندا خیخدی. بَلعامین قضبی آلوولاندی و دَیَنَکله اِششه‌یی ووردو. 28رب اِششه‌یئن دئلئنی آچدی و او، بَلعاما ددی: «سنه نه اتدئم کی، منی بو اوچ دفه ووردون؟» 29بَلعام اِششه‌یه ددی: «چونکی منی مسخره اتدئن. اگر الئمده بئر قیلینج اولسایدی، سنی ائندئیه کئمی اؤلدورموشدوم.» 30اِششَک بَلعاما ددی: «عؤمرونون اوّلئندن بو گونه قدر بِلئنه مئندئیئن اِششه‌یئن من مگر دیئلم؟ مگر اولوب کی، من سنه بله ائش اتمئش اولوم؟» بَلعام ددی: «خِیر.»
31سونرا رب بَلعامین گؤزلرئنی آچدی. بَلعام ربّئن مَله‌یئنی گؤردو کی، الئنده سئیرئلمئش قیلینجلا یول اوستونده دورور. و اَیئلئب اوزو اوسته یره سَرئلدی. 32ربّئن مَله‌یی اونا ددی: «نه اوچون اِششه‌یئنی بو اوچ دفه ووردون؟ باخ، من سنئن ضئدّئنه دورموشام، چونکی سنئن یولون، منئم یولوما ضئدّدئر. 33اِششَک منی گؤردو و بو اوچ دفه قاباغیمدان یانا دؤندو. اگر یولدان دؤنمه‌سَیدی، حقئقتن سنی ائندئیه کئمی اؤلدورموشدوم و اونو صاغ بوراخمیشدیم.» 34بَلعام ربّئن مَله‌یئنه ددی: «گوناه اتمئشَم، چونکی بئلمه‌دئم کی، سن منئم ضئدّئمه یولدا دورورسان. ائندی اگر بو سنئن گؤزونده پئس گؤرونور، قوی اِوئمه قاییدیم.» 35لاکئن ربّئن مَله‌یی بَلعاما ددی: «بو آداملارلا گت، آمّا فقط سنه دئیه‌جَیئم سؤزو دِه.» بله‌جه بَلعام بالاقین باشچیلاری ائله برابر گتدی.
36بالاق بَلعامین گلدئیئنی اشئتدئکده، موآبین بئر شهرئنه گتدی کی، اونو پئشواز اتسئن. موآب اَرنون سرحددئنده، سرحدئندئن لاپ اوزاق یرئنده‌دئر. 37بالاق بَلعاما ددی: «سنی چاغیرتدیرماق اوچون تعجئلله مگر آدام گؤندَ‌رمه‌دئم؟ نه اوچون منئم یانیما گلمه‌دئن؟ مگر من حقئقتن سنه حؤرمت اده بئلمئرم؟» 38بَلعام بالاقا ددی: «باخ، ائندی سنئن یانینا گلدئم! آمّا نه دئیه بئله‌رم کی؟ آنجاق تارینین دئلئمه قویاجاق سؤزو دئیه‌جیم.» 39بَلعام بالاقلا بئرلئکده گتدی و قئریَت-خوصوتا گلدئلر. 40بالاق اؤکوز و قویون قوربان کسئب، بَلعاما و اونونلا بئرلئکده اولان باشچیلارا اَت گؤندَ‌ردی. 41سحر بالاق بَلعامی گؤتوردو و اونو باموت-بَعَله چیخارتدی. بَلعام اورادان ائسرایئل خالقینین بئر حئصّه‌سئنی گؤردو.
Currently Selected:
سایلار 22: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
سایلار 22
22
بالاقین بَلعامی چاغیرماسی
1ائسرایئل اؤولادلاری یولا دوشوب موآب اووالاریندا، اوردونون او بئری طرفئنده، اَرئحانین موقابئلئنده دوشَرگه سالدیلار.
2صئپّور اوغلو بالاق ائسرایئلئن اِمورلولارین باشینا گتئردئیی هر شیی گؤرموشدو. 3جاماعاتی گؤردوکده موآبلی‌لار بَرک قورخدولار، چونکی ائسرایئل خالقی چوخ ائدی. موآب ساکئنلری ائسرایئل اؤولادلاریندان واهئمه‌یه دوشدولر. 4موآبلی‌لار مئدیان آغساقّاللارینا ددئلر: «اؤکوز چؤل اوتونو یِیئب یالادیغی کئمی، بو جاماعات دا بوتون اطرافیمیزی یِیئب یالایاجاق.» او واختلار صئپّور اوغلو بالاق موآب پادشاهی ائدی. 5بالاق پِعور اوغلو بَلعامی چاغیرماق اوچون فَرات چایینین کناریندا اولان آماو اؤلکه‌سئنده‌کی پِتورا قاصئدلر گؤندَ‌رئب ددی: «مئصئردن بئر خالق چیخیب، باخ، یر اوزونو بورویه‌رک موقابئلئمده یرلَشئب. 6خاهئش ادئرم، ائندی گل، منئم خیرئمه بو خالقی لعنت ات، چونکی اونلار مندن چوخ گوجلودورلر. بلکه اوندا من اونلاری مغلوب ادئب، اؤلکه‌دن قووا بئلدئم. چونکی بئلئرم کی، سنئن برکت وردئیئن خیئر-دوعالی، لعنت اتدئیئن ده ملعون اولاجاق.»
7موآب آغساقّاللاری ائله مئدیان آغساقّاللاری فالا باخماق اوجرتئنی گؤتوروب بَلعامین یانینا گتدئلر و بالاقین سؤزلرئنی اونا ددئلر. 8بَلعام اونلارا ددی: «بو گجه‌نی بورادا کچئردئن کی، ربّئن منه ددئیئنی سئزه دیئم.» بله‌جه، موآب باشچیلاری بَلعامین یانیندا قالدیلار.
9تاری بَلعامین یانینا گلئب سوروشدو: «یانینداکی بو آداملار کئمدئر؟» 10بَلعام تارییا ددی: «موآب پادشاهی صئپّور اوغلو بالاق منه سؤز گؤندَ‌رئب کی، 11”باخ، مئصئردن چیخان خالق یر اوزونو بویورور. ائندی گل، منئم خیرئمه اونلاری لعنت ات. بلکه دؤیوشوب اونلاری قووا بئلئم.“» 12تاری بَلعاما ددی: «او آداملارلا گتمه، او خالقا لعنت اتمه، چونکی موبارک خالقدیر.» 13بَلعام سحر دوردو و بالاقین باشچیلارینا ددی: «تورپاغینیزا قاییدین، چونکی رب منه ائجازه ورمه‌دی کی، سئزئنله بئرلئکده گدئم.» 14موآب باشچیلاری قالخدیلار و بالاقین یانینا گلئب ددئلر: «بَلعام ائستمه‌دی کی، بئزئمله بئرلئکده گلسئن.»
15گئنه بالاق اَوّلکئلردن داها چوخ و داها اِعتئبارلی باشچیلار گؤندَ‌ردی. 16اونلار بَلعامین یانینا گلئب، اونا ددئلر: «صئپّور اوغلو بالاق بله دیئر: ”خاهئش ادئرم، یانیما گلمکدن ائمتئناع اتمه. 17چونکی دوغرودان دا سنه سخاوتله حؤرمت اده‌جیم و نه دِسن، هامیسینی اده‌جیم. ائندی خاهئش ادئرم، گل، منئم خیرئمه بو خالقی لعنت ات.“» 18بَلعام جاواب ورئب بالاقین آداملارینا ددی: «بالاق اِوئنی قیزیل و گوموشله دولدوروب منه ورسه بله، تاریم ربّئن سؤزونون ضئدّئنه هچ بئر ائش نه کئچئک، نه ده بؤیوک اده بئلمه‌رم. 19ائندی خاهئش ادئرم، سئز ده بو گجه بورادا قالین و گؤروم رب منه باشقا نه دئیه‌جک.» 20تاری گجه بَلعاما گلئب اونا ددی: «اگر بو آداملار سنی چاغیرماق اوچون گلئبلر، دور اونلارلا گت؛ آنجاق منئم سنه دئیه‌جیئم شیی ات.»
21بله‌جه بَلعام سحر قالخیب اِششه‌یئنی پالانلادی و موآب باشچیلاری ائله بئرلئکده گتدی. 22لاکئن اونون گتدئیی اوچون تارینین قضبی آلوولاندی و ربّئن مَله‌یی یول اوستونده اونون ضئدّئنه دوردو. بَلعام اِششه‌یئنه مئنمئشدی و ائکی نؤکری ده اونونلا ائدئلر. 23او زامان کی، اِششَک، ربّئن مله‌یئنی گؤردو کی، یول اوستونده دورور، الئنده ده سئیرئلمئش قیلینج وار، یولدان دؤنوب زمئیه گئردی. بَلعام اِششه‌یی ووردو کی، اونو یولا دؤندَ‌رسئن. 24سونرا ربّئن مَله‌یی باغلارین آراسیندا دار بئر یولدا دوردو. هر ائکی طرف دووار ائدی. 25اِششَک ربّئن مَله‌یئنی گؤرَ‌نده دووارا سیخیلدی و بَلعامین آیاغینی دووارا سیخیشدیردی. او گئنه اِششه‌یی ووردو. 26ربّئن مَله‌یی ائره‌لی گتدی و اله دار بئر یرده دوردو کی، صاغا-سولا دؤنمک اوچون یول اولمادی. 27اِششَک ربّئن مَله‌یئنی گؤرَ‌نده بَلعامین آلتیندا خیخدی. بَلعامین قضبی آلوولاندی و دَیَنَکله اِششه‌یی ووردو. 28رب اِششه‌یئن دئلئنی آچدی و او، بَلعاما ددی: «سنه نه اتدئم کی، منی بو اوچ دفه ووردون؟» 29بَلعام اِششه‌یه ددی: «چونکی منی مسخره اتدئن. اگر الئمده بئر قیلینج اولسایدی، سنی ائندئیه کئمی اؤلدورموشدوم.» 30اِششَک بَلعاما ددی: «عؤمرونون اوّلئندن بو گونه قدر بِلئنه مئندئیئن اِششه‌یئن من مگر دیئلم؟ مگر اولوب کی، من سنه بله ائش اتمئش اولوم؟» بَلعام ددی: «خِیر.»
31سونرا رب بَلعامین گؤزلرئنی آچدی. بَلعام ربّئن مَله‌یئنی گؤردو کی، الئنده سئیرئلمئش قیلینجلا یول اوستونده دورور. و اَیئلئب اوزو اوسته یره سَرئلدی. 32ربّئن مَله‌یی اونا ددی: «نه اوچون اِششه‌یئنی بو اوچ دفه ووردون؟ باخ، من سنئن ضئدّئنه دورموشام، چونکی سنئن یولون، منئم یولوما ضئدّدئر. 33اِششَک منی گؤردو و بو اوچ دفه قاباغیمدان یانا دؤندو. اگر یولدان دؤنمه‌سَیدی، حقئقتن سنی ائندئیه کئمی اؤلدورموشدوم و اونو صاغ بوراخمیشدیم.» 34بَلعام ربّئن مَله‌یئنه ددی: «گوناه اتمئشَم، چونکی بئلمه‌دئم کی، سن منئم ضئدّئمه یولدا دورورسان. ائندی اگر بو سنئن گؤزونده پئس گؤرونور، قوی اِوئمه قاییدیم.» 35لاکئن ربّئن مَله‌یی بَلعاما ددی: «بو آداملارلا گت، آمّا فقط سنه دئیه‌جَیئم سؤزو دِه.» بله‌جه بَلعام بالاقین باشچیلاری ائله برابر گتدی.
36بالاق بَلعامین گلدئیئنی اشئتدئکده، موآبین بئر شهرئنه گتدی کی، اونو پئشواز اتسئن. موآب اَرنون سرحددئنده، سرحدئندئن لاپ اوزاق یرئنده‌دئر. 37بالاق بَلعاما ددی: «سنی چاغیرتدیرماق اوچون تعجئلله مگر آدام گؤندَ‌رمه‌دئم؟ نه اوچون منئم یانیما گلمه‌دئن؟ مگر من حقئقتن سنه حؤرمت اده بئلمئرم؟» 38بَلعام بالاقا ددی: «باخ، ائندی سنئن یانینا گلدئم! آمّا نه دئیه بئله‌رم کی؟ آنجاق تارینین دئلئمه قویاجاق سؤزو دئیه‌جیم.» 39بَلعام بالاقلا بئرلئکده گتدی و قئریَت-خوصوتا گلدئلر. 40بالاق اؤکوز و قویون قوربان کسئب، بَلعاما و اونونلا بئرلئکده اولان باشچیلارا اَت گؤندَ‌ردی. 41سحر بالاق بَلعامی گؤتوردو و اونو باموت-بَعَله چیخارتدی. بَلعام اورادان ائسرایئل خالقینین بئر حئصّه‌سئنی گؤردو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.