لاوئلی‌لر 23
23
ربّئن بایراملاری
1سونرا رب موسایا دانیشیب ددی: 2«ائسرایئل اؤولادلارینا دانیش و اونلارا بله دِه: ”ربّئن تعیئن اتدئیی واختلار کی، اونلاری موقدّس ییغینلار چاغیراجاقسینیز، منئم تعیئن اتدئیئم واختلار بونلاردیر:
سَبّت ائستئراحت گونو
3آلتی گون ائش گؤرولسون، آمّا یدّئنجی گون سَبّت ائستئراحتی و موقدّس ییغین گونودور. هچ بئر ائش گؤرمه‌یه‌جکسئنئز. بو گون یاشادیغینیز بوتون یرلرده ربّه بئر سَبّتدئر.
پاسخا و مایاسیز چؤرک بایراملاری
(چیخیش. ۱۲:۱۴-۲۰؛ ساییلار. ۲۸:۱۶-۲۵؛ تثنئیه ۱۶:۱-۸)
4بونلار ربّئن تعیئن اتدئیی واختلاردیر، موقدّس ییغینلاردیرلار کی، سئز گرک اونلارا بو واختلاری بایرام اعلان اده‌سئنئز
5بئرئنجی آیین اون دؤردونجو گون، آخشامچاغی ربّئن پاسخا بایرامی‌دیر. 6همئن آیین اون بشئنجی گونو ربّئن مایاسیز چؤرک بایرامی‌دیر. یدّی گون مایاسیز چؤرک یئیه‌جکسئنئز. 7بئرئنجی گون موقدّس ییغینیز اولسون؛ بو گونده گونده‌لئک ائشلرئنئزی گؤرمه‌یئن. 8بو یدّی گون عرضئنده ربّه اودلا تقدئم اولان بئر تقدئم گتئرئن؛ یدّئنجی گون موقدّس ییغینیز اولسون؛ گونده‌لئک ائشلرئنئزی گؤرمه‌یئن.“»
ائلک دَرزئن تقدئم اولونماسی بایرامی
9سونرا رب موسایا دانیشیب بله ددی: 10«ائسرایئل اؤولادلاری ائله دانیش و اونلارا دِه: ”سئزه وره‌جیئم تورپاغا گلدئیئنئز زامان، اونون محصولونو بئچَنده، بئچدئیئنئز ائلک دَرزی کاهئنئن یانینا گتئرئن. 11کاهئن او دَرزی ربّئن حوضوروندا یِللَده‌رَک تقدئم اتسئن کی، قبول اولوناسینیز. کاهئن اونو سَبّتئن اِرته‌سی گون گرک یِللَتسئن. 12دَرزی یِللَتدئیئنئز گونو، ربّه بئر-ائلّئک عیبسئز اولان اِرکَک قوزونو یاندیرما قوربانی اولاراق کسئن. 13اونون تاخیل تقدئمی یاغلا قاتیلمیش بئر اِفانین اوندا ائکئسی#23:13 تقرئبن ۶/۲ کئلو مئقدار نارین اون گرک اولسون. بو، رب اوچون اودلا تقدئم اولان خوش عطئردئر. اونون مایع تقدئمی ده گرک بئر هئن شرابین دؤردده بئری#23:13 تقرئبن ۹/۰ لئتر اولسون. 14تارینیزا بو قوربانی تقدئم اتدئیئنئز همئن گونه قدر نه چؤرک ییئن، نه قووورغا، نه ده تزه سونبول. بو بوتون یاشادیغینیز یرلرده نسئلدن-نسئله سئزئن اوچون ابدی قایدا اولسون.
بئچئن بایرامی
(ساییلار. ۱۶:۹-۱۲، ۲۸:۲۶-۳۱)
15سَبّت گونونون صاباحیندان، یعنی دَرزی گتئرئب یِللَده‌رَک تقدئم اتدئیئنئز گوندن تام یدّی سَبّت سایاجاقسینیز. 16یدّئنجی سَبّت گونون صاباحی اَلّی گون سایمیش اولاجاقسینیز. او گون ربّه تزه تاخیل تقدئمی گتئرئن. 17یاشادیغینیز یردن یِللَتمه تقدئمی اولاراق ائکی چؤرک گتئرئن کی، بئر اِفانین اوندا ائکئسی مئقدار نارین اوندان مایا ائله پئشئرئلمئشدئر و ربّه نوبار تقدئمی‌دئر. 18چؤرکله بئرلئکده بئر-ائلّئک یدّی عیبسئز اولان قوزو، مال-حیواندان بئر گامیش و ائکی قوچ تقدئم ادئن؛ اونلار ربّه یاندیرما قوربانی‌دیرلار. اونلارین تاخیل تقدئملرئنی و مایع تقدئملرئنی ده گتئرئن. بو، ربّه اودلا تقدئم اولان خوش عطئر اوچوندور. 19گوناه قوربانی اوچون بئر اِرکَک کچی، و باریش قوربانی اوچون ائکی بئر-ائلّئک اِرکَک قوزو گتئرئن. 20کاهئن بو ائکی قوزونو نوبار چؤره‌یی ائله بئرلئکده ربّئن حوضوروندا یِللَتمه تقدئمی اولاراق یِللَتسئن. بونلار کاهئنئن رب اوچون موقدّس پایی اولسون. 21همئن گون موقدّس ییغین اعلان ادئن و هچ بئر گونده‌لئک ائش گؤرمه‌یئن. بو بوتون یاشادیغینیز یرلرده نسئلدن-نسئله سئزئن اوچون ابدی قایدا اولسون.
22تورپاغینیزدا محصول بئچَنده، زمئنئن قیراقلارینی بئچمه‌یئن و بئچئندن تؤکولن سونبول‌لری ده ییغمایین. اونلاری کاسیبلار و قرئبلر اوچون بوراخین قالسین. تارینیز رب، منم.“»
کَره‌نای چالینما گونو
(ساییلار. ۲۹:۱-۶)
23رب گئنه دانیشیب موسایا ددی: 24«ائسرایئل اؤولادلارینا دانیشیب اونلارا بله دِه: ”یدّئنجی آیین بئرئنجی گونو سئزئن اوچون ائستئراحت گونودور. موقدّس بئر ییغین کی، کَره‌نای چالینماقلا سئزه خاطیرلاناجاق. 25او گون هچ بئر گونده‌لئک ائش گؤرمه‌یئن، آنجاق ربّه اودلا تقدئم اولان تقدئم گتئرئن.“»
کفّاره گونو
(ساییلار ۱۶:۲-۳۴، ۲۹:۷-۱۱)
26رب موسایا دانیشیب ددی: 27«ائسرایئل اؤولادلارینا دِه: ”یدّئنجی آیین اونونجو گونو کفّاره گونودور، سئزئن اوچون موقدّس ییغین اولسون؛ اؤزونوزو هر شیدن محروم ادئن و ربّه اودلا تقدئم اولان تقدئم گتئرئن. 28بو گون هچ بئر ائش گؤرمه‌یئن، چونکی بو، تارینیز ربّئن حوضوروندا سئزئن اوچون کفّاره ادئلن کفّاره گونودور. 29بو گون اؤزونو هر شیدن محروم اتمه‌ین آدام، خالقی آراسیندان قووولسون. 30او گون هر هانسی بئر ائش گؤرن آدامی، من خالقی آراسیندان یوخ اده‌جیم. 31هِچ بئر ائش اصلا گؤرمه‌یئن. بو، بوتون یاشادیغینیز یِرلرده نسئلدن-نسئله سئزئن اوچون ابدی قایدا اولسون. 32او گون سئزئن اوچون سَبّت ائستئراحت گونو کئمی‌دئر. اؤزونوزو هر شیدن گرک محروم اده‌سئنئز. آیین دوقّوزونجو گونو آخشامدان، گلن آخشاما قدر سَبّت گونونو ساخلایین.“»
چارداقلار بایرامی
(ساییلار ۲۹:۱۲-۴۰، تَثنئیه. ۱۶:۱۳-۱۷)
33رب گئنه موسایا دانیشیب ددی: 34«ائسرایئل اؤولادلارینا دانیشیب اونلارا دِه: ”یدّئنجی آیین اون بشئنجی گونوندن رب اوچون یدّی گون چارداقلار بایرامی اولاجاق. 35بئرئنجی گون موقدّس ییغین گونودور. بو گونده هچ بئر ائش گؤرمه‌یئن. 36بو یدّی گون عرضئنده ربّه اودلا تقدئم اولان بئر تقدئم گتئرئن. سکّئزئنجی گون موقدّس ییغینیز اولسون و ربّه اودلا تقدئم اولان بئر تقدئم گتئرئن. بو گون جاماعاتین ییغین گونودور. بو گونده، گونده‌لئک ائشلرئنئزی گؤرمه‌یه‌جکسئنئز.
37بونلار ربّئن تعیئن اتدئیی بایراملاردیر: بو زامان موقدّس ییغین چاغیریب ربّه اودلا تقدئملر گتئرئن؛ یاندیرما قوربانلاری، تاخیل تقدئملری، قوربانلار و مایع تقدئملری. هر بئرئنی اؤز گونونده تقدئم ادئن. 38بونلار ربّئن سَبّتلرئندن و ربّه وردئیئنئز هدئیّه‌لردن، نذرلردن و اؤز گؤیلو ائله تقدئم اتدئیئنئز تقدئملردن علاوه‌دئر.
39یدّئنجی آیین اون بشئنجی گونو، تورپاغین محصوللارینی ییغاندان سونرا، یدّی گون رب اوچون بایرام کچئردئن. بئرئنجی گون و سکّئزئنجی گون ائستئراحت گونلری اولسون. 40بئرئنجی گون گؤزل آغاجلارین میوه‌لرئنی، خورما آغاجلارینین بوداقلارینی، سیخ یارپاقلی آغاجلارین و چای قیراغیندا بئتَن سؤیود آغاجلارینین بوداقلارینی اؤزونوز اوچون ییغیب، تارینیز ربّئن حوضوروندا یدّی گون شَنلئک ادئن. 41هر ائل رب اوچون بو بایرامی یدّی گون کچئردئن. بو نسئلدن-نسئله ابدی قایدادیر؛ بو بایرامی یدّئنجی آیدا جشن توتون. 42یدّی گون چارداقلاردا قالین؛ بوتون یرلی ائسرایئللی‌لر چارداقلاردا یاشاسینلار. 43بله‌جه سئزئن نسئل‌لرئنئز بئله‌جک کی، من ائسرایئل اؤولادلارینی مئصئر تورپاغیندان چیخارداندان سونرا اونلاری چارداقلاردا یرلشدئردئم. تارینیز رب، منم.“»
44بله‌جه موسا ائسرایئل اؤولادلارینا ربّئن تعیئن اتدئیی بایراملار باره‌سئنده نقل اتدی.
Currently Selected:
لاوئلی‌لر 23: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
لاوئلی‌لر 23
23
ربّئن بایراملاری
1سونرا رب موسایا دانیشیب ددی: 2«ائسرایئل اؤولادلارینا دانیش و اونلارا بله دِه: ”ربّئن تعیئن اتدئیی واختلار کی، اونلاری موقدّس ییغینلار چاغیراجاقسینیز، منئم تعیئن اتدئیئم واختلار بونلاردیر:
سَبّت ائستئراحت گونو
3آلتی گون ائش گؤرولسون، آمّا یدّئنجی گون سَبّت ائستئراحتی و موقدّس ییغین گونودور. هچ بئر ائش گؤرمه‌یه‌جکسئنئز. بو گون یاشادیغینیز بوتون یرلرده ربّه بئر سَبّتدئر.
پاسخا و مایاسیز چؤرک بایراملاری
(چیخیش. ۱۲:۱۴-۲۰؛ ساییلار. ۲۸:۱۶-۲۵؛ تثنئیه ۱۶:۱-۸)
4بونلار ربّئن تعیئن اتدئیی واختلاردیر، موقدّس ییغینلاردیرلار کی، سئز گرک اونلارا بو واختلاری بایرام اعلان اده‌سئنئز
5بئرئنجی آیین اون دؤردونجو گون، آخشامچاغی ربّئن پاسخا بایرامی‌دیر. 6همئن آیین اون بشئنجی گونو ربّئن مایاسیز چؤرک بایرامی‌دیر. یدّی گون مایاسیز چؤرک یئیه‌جکسئنئز. 7بئرئنجی گون موقدّس ییغینیز اولسون؛ بو گونده گونده‌لئک ائشلرئنئزی گؤرمه‌یئن. 8بو یدّی گون عرضئنده ربّه اودلا تقدئم اولان بئر تقدئم گتئرئن؛ یدّئنجی گون موقدّس ییغینیز اولسون؛ گونده‌لئک ائشلرئنئزی گؤرمه‌یئن.“»
ائلک دَرزئن تقدئم اولونماسی بایرامی
9سونرا رب موسایا دانیشیب بله ددی: 10«ائسرایئل اؤولادلاری ائله دانیش و اونلارا دِه: ”سئزه وره‌جیئم تورپاغا گلدئیئنئز زامان، اونون محصولونو بئچَنده، بئچدئیئنئز ائلک دَرزی کاهئنئن یانینا گتئرئن. 11کاهئن او دَرزی ربّئن حوضوروندا یِللَده‌رَک تقدئم اتسئن کی، قبول اولوناسینیز. کاهئن اونو سَبّتئن اِرته‌سی گون گرک یِللَتسئن. 12دَرزی یِللَتدئیئنئز گونو، ربّه بئر-ائلّئک عیبسئز اولان اِرکَک قوزونو یاندیرما قوربانی اولاراق کسئن. 13اونون تاخیل تقدئمی یاغلا قاتیلمیش بئر اِفانین اوندا ائکئسی#23:13 تقرئبن ۶/۲ کئلو مئقدار نارین اون گرک اولسون. بو، رب اوچون اودلا تقدئم اولان خوش عطئردئر. اونون مایع تقدئمی ده گرک بئر هئن شرابین دؤردده بئری#23:13 تقرئبن ۹/۰ لئتر اولسون. 14تارینیزا بو قوربانی تقدئم اتدئیئنئز همئن گونه قدر نه چؤرک ییئن، نه قووورغا، نه ده تزه سونبول. بو بوتون یاشادیغینیز یرلرده نسئلدن-نسئله سئزئن اوچون ابدی قایدا اولسون.
بئچئن بایرامی
(ساییلار. ۱۶:۹-۱۲، ۲۸:۲۶-۳۱)
15سَبّت گونونون صاباحیندان، یعنی دَرزی گتئرئب یِللَده‌رَک تقدئم اتدئیئنئز گوندن تام یدّی سَبّت سایاجاقسینیز. 16یدّئنجی سَبّت گونون صاباحی اَلّی گون سایمیش اولاجاقسینیز. او گون ربّه تزه تاخیل تقدئمی گتئرئن. 17یاشادیغینیز یردن یِللَتمه تقدئمی اولاراق ائکی چؤرک گتئرئن کی، بئر اِفانین اوندا ائکئسی مئقدار نارین اوندان مایا ائله پئشئرئلمئشدئر و ربّه نوبار تقدئمی‌دئر. 18چؤرکله بئرلئکده بئر-ائلّئک یدّی عیبسئز اولان قوزو، مال-حیواندان بئر گامیش و ائکی قوچ تقدئم ادئن؛ اونلار ربّه یاندیرما قوربانی‌دیرلار. اونلارین تاخیل تقدئملرئنی و مایع تقدئملرئنی ده گتئرئن. بو، ربّه اودلا تقدئم اولان خوش عطئر اوچوندور. 19گوناه قوربانی اوچون بئر اِرکَک کچی، و باریش قوربانی اوچون ائکی بئر-ائلّئک اِرکَک قوزو گتئرئن. 20کاهئن بو ائکی قوزونو نوبار چؤره‌یی ائله بئرلئکده ربّئن حوضوروندا یِللَتمه تقدئمی اولاراق یِللَتسئن. بونلار کاهئنئن رب اوچون موقدّس پایی اولسون. 21همئن گون موقدّس ییغین اعلان ادئن و هچ بئر گونده‌لئک ائش گؤرمه‌یئن. بو بوتون یاشادیغینیز یرلرده نسئلدن-نسئله سئزئن اوچون ابدی قایدا اولسون.
22تورپاغینیزدا محصول بئچَنده، زمئنئن قیراقلارینی بئچمه‌یئن و بئچئندن تؤکولن سونبول‌لری ده ییغمایین. اونلاری کاسیبلار و قرئبلر اوچون بوراخین قالسین. تارینیز رب، منم.“»
کَره‌نای چالینما گونو
(ساییلار. ۲۹:۱-۶)
23رب گئنه دانیشیب موسایا ددی: 24«ائسرایئل اؤولادلارینا دانیشیب اونلارا بله دِه: ”یدّئنجی آیین بئرئنجی گونو سئزئن اوچون ائستئراحت گونودور. موقدّس بئر ییغین کی، کَره‌نای چالینماقلا سئزه خاطیرلاناجاق. 25او گون هچ بئر گونده‌لئک ائش گؤرمه‌یئن، آنجاق ربّه اودلا تقدئم اولان تقدئم گتئرئن.“»
کفّاره گونو
(ساییلار ۱۶:۲-۳۴، ۲۹:۷-۱۱)
26رب موسایا دانیشیب ددی: 27«ائسرایئل اؤولادلارینا دِه: ”یدّئنجی آیین اونونجو گونو کفّاره گونودور، سئزئن اوچون موقدّس ییغین اولسون؛ اؤزونوزو هر شیدن محروم ادئن و ربّه اودلا تقدئم اولان تقدئم گتئرئن. 28بو گون هچ بئر ائش گؤرمه‌یئن، چونکی بو، تارینیز ربّئن حوضوروندا سئزئن اوچون کفّاره ادئلن کفّاره گونودور. 29بو گون اؤزونو هر شیدن محروم اتمه‌ین آدام، خالقی آراسیندان قووولسون. 30او گون هر هانسی بئر ائش گؤرن آدامی، من خالقی آراسیندان یوخ اده‌جیم. 31هِچ بئر ائش اصلا گؤرمه‌یئن. بو، بوتون یاشادیغینیز یِرلرده نسئلدن-نسئله سئزئن اوچون ابدی قایدا اولسون. 32او گون سئزئن اوچون سَبّت ائستئراحت گونو کئمی‌دئر. اؤزونوزو هر شیدن گرک محروم اده‌سئنئز. آیین دوقّوزونجو گونو آخشامدان، گلن آخشاما قدر سَبّت گونونو ساخلایین.“»
چارداقلار بایرامی
(ساییلار ۲۹:۱۲-۴۰، تَثنئیه. ۱۶:۱۳-۱۷)
33رب گئنه موسایا دانیشیب ددی: 34«ائسرایئل اؤولادلارینا دانیشیب اونلارا دِه: ”یدّئنجی آیین اون بشئنجی گونوندن رب اوچون یدّی گون چارداقلار بایرامی اولاجاق. 35بئرئنجی گون موقدّس ییغین گونودور. بو گونده هچ بئر ائش گؤرمه‌یئن. 36بو یدّی گون عرضئنده ربّه اودلا تقدئم اولان بئر تقدئم گتئرئن. سکّئزئنجی گون موقدّس ییغینیز اولسون و ربّه اودلا تقدئم اولان بئر تقدئم گتئرئن. بو گون جاماعاتین ییغین گونودور. بو گونده، گونده‌لئک ائشلرئنئزی گؤرمه‌یه‌جکسئنئز.
37بونلار ربّئن تعیئن اتدئیی بایراملاردیر: بو زامان موقدّس ییغین چاغیریب ربّه اودلا تقدئملر گتئرئن؛ یاندیرما قوربانلاری، تاخیل تقدئملری، قوربانلار و مایع تقدئملری. هر بئرئنی اؤز گونونده تقدئم ادئن. 38بونلار ربّئن سَبّتلرئندن و ربّه وردئیئنئز هدئیّه‌لردن، نذرلردن و اؤز گؤیلو ائله تقدئم اتدئیئنئز تقدئملردن علاوه‌دئر.
39یدّئنجی آیین اون بشئنجی گونو، تورپاغین محصوللارینی ییغاندان سونرا، یدّی گون رب اوچون بایرام کچئردئن. بئرئنجی گون و سکّئزئنجی گون ائستئراحت گونلری اولسون. 40بئرئنجی گون گؤزل آغاجلارین میوه‌لرئنی، خورما آغاجلارینین بوداقلارینی، سیخ یارپاقلی آغاجلارین و چای قیراغیندا بئتَن سؤیود آغاجلارینین بوداقلارینی اؤزونوز اوچون ییغیب، تارینیز ربّئن حوضوروندا یدّی گون شَنلئک ادئن. 41هر ائل رب اوچون بو بایرامی یدّی گون کچئردئن. بو نسئلدن-نسئله ابدی قایدادیر؛ بو بایرامی یدّئنجی آیدا جشن توتون. 42یدّی گون چارداقلاردا قالین؛ بوتون یرلی ائسرایئللی‌لر چارداقلاردا یاشاسینلار. 43بله‌جه سئزئن نسئل‌لرئنئز بئله‌جک کی، من ائسرایئل اؤولادلارینی مئصئر تورپاغیندان چیخارداندان سونرا اونلاری چارداقلاردا یرلشدئردئم. تارینیز رب، منم.“»
44بله‌جه موسا ائسرایئل اؤولادلارینا ربّئن تعیئن اتدئیی بایراملار باره‌سئنده نقل اتدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.