لاوئلی‌لر 16
16
کفّاره گونو
1هارونون ائکی اوغلونون ربّئن حوضورونا یاخینلاشیب اؤلدویوندن سونرا، رب موسا ائله دانیشدی. 2رب موسایا ددی: «قارداشین هارونا دِه کی، پرده‌نئن ائچ طرفئنده‌کی موقدّس یره، ساندیق اوستونده‌کی کفّاره قاپاغینین قاباغینا هچ واخت کچمه‌سئن، یوخسا اؤلر؛ چونکی من بولوددا کفّاره قاپاغینین اوستونده گؤرونه‌جیم. 3بونا گؤره هارون آنجاق بونلارلا موقدّس یره گئره بئلر: گوناه قوربانی اوچون بئر گامیش، و یاندیرما قوربانی اوچون بئر قوچلا. 4موقدّس کتان خئرقه گیسئن، اَینئنده کتان آلت پالتاری دا اولسون، بِلئنه کتان قورشاق باغلاسین، باشینا کتان عمّامه قویسون. بونلار موقدّس پالتارلاردیر. هارون اوّل بدنئنی سو ائله یوسون، سونرا اونلاری گیسئن. 5ائسرایئل اؤولادلارینین جاماعاتیندان گوناه قوربانی اوچون ائکی اِرکَک کچی و یاندیرما قوربانی اوچون بئر قوچ گؤتورسون.
6سونرا هارون اؤزو اوچون گوناه قوربانی اولان گامیشی تقدئم اتسئن کی، هم اؤزو، هم ده عایئله‌سی اوچون کفّاره اتسئن. 7هارون ائکی کچئنی گؤتوروب، حوضور چادیرینین گئرئشئنده ربّئن حوضورونا گتئرسئن. 8هارون بو کچئلرئن آراسیندا پوشک آتیب، بئرئنی رب اوچون، او بئرئسئنی ده عَزازئل#16:8 عَزازئل او کچی ائدی کی، خالقین گوناهینی کفّاره اتمک اوچون چؤله قووولوردو. اوچون سِچسئن. 9سونرا هارون پوشکله ربّه عایید اولان کچئنی گوناه قوربانی اولاراق تقدئم اتسئن. 10لاکئن پوشکله آزاد بوراخیلماق اوچون سچئلن کچئنی ربّئن قاباغیندا دئری ساخلاسین کی، کفّاره‌نی اونون اوستونه قویوب عَزازئل اولاراق چؤله آزاد بوراخسین.
11سونرا هارون گوناه قوربانی اولان گامیشی تقدئم ادئب، بونونلا اؤزو ائله عایئله‌سی اوچون کفّاره اتسئن و اؤزو اوچون گوناه قوربانی اولان گامیشی کسسئن. 12ربّئن حوضوروندان، قوربانگاهدان گؤتورولَن کؤزَرمئش کؤمورله دولموش بئر بوخوردان گؤتوروب، ائکی اوووج دولو نارین اَزئلَن خوش عطئرلی بوخورلا پرده‌نئن ائچ طرفئنه کچسئن. 13ربّئن حوضوروندا بوخورو اودا قویسون. بله‌جه بوخورون توستو بولودو شهادت ساندیغینین اوستونده اولان کفّاره قاپاغینی اؤرتسون، یوخسا اؤلر. 14گامیشین قانیندان بئر آز گؤتوروب، بارماغی ائله کفّاره قاپاغینین شرق سمتئنه، هم ده اونون موقابئلئنه بارماغی ائله قاندان یدّی دفه سَپسئن. 15سونرا خالق اوچون گوناه قوربانی اولان کچئنی کسسئن و اونون قانینی پرده‌نئن ائچ طرفئنه گتئرئب، قانینی گامیشین قانی کئمی کفّاره قاپاغینا و اونون موقابئلئنه سَپسئن. 16بونونلا هارون ائسرایئل اؤولادلارینین نجئسلئکلرئنه، بوتون گوناهلاری اوچون اولان تقصئرلرئنه لاپ موقدّس یر اوچون کفّاره اتسئن؛ حوضور چادیرینا دا کی، اونلارین نجئسلئیئنئن آراسیندا یرله‌شئر، بله اتسئن. 17لاپ موقدّس یرده کفّاره اتمَیه گئرندن چیخانا قدر، حوضور چادیریندا هچ کئم اولماسین. هارون اؤزو، عایئله‌سی و بوتون ائسرایئل جاماعاتی اوچون کفّاره اتسئن. 18سونرا ربّئن حوضوروندا اولان قوربانگاها گدئب، اونون اوچون کفّاره اتسئن؛ گامیشین و کچئنئن قانیندان بئر آز گؤتوروب، قوربانگاهین بوینوزلارینین هر طرفئنه چکسئن. 19هارون قوربانگاهین اوستونه بارماغی ائله یدّی دفه قاندان بئر آز سَپئب اونو تمئزله‌سئن. بله‌جه اونو ائسرایئل اؤولادلارینین نجئسلئکلرئندن تقدئس اتسئن.
20هارون لاپ موقدّس یری، حوضور چادیرینی، و قوربانگاهی کفّاره ادئب قورتاراندان سونرا، صاغ قالان کچئنی تقدئم اتسئن. 21ائکی الئنی او دئری کچئنئن باشینا قویوب، ائسرایئل اؤولادلارینین بوتون گوناهلارینی و اونلارین خاطالاری اوچون اولان بوتون تقصئرلرئنی اعتئراف اتسئن. و اونلاری کچئنئن باشینا قویوب، بو ائش اوچون تعیئن اولونان آدامین واسئطه‌سی‌ائله اونو چؤلده بوراخسین. 22کچی اونلارین بوتون تقصئرلرئنی اؤز اوستونده آیاق دیمه‌مئش تورپاغا آپارار. آدام کچئنی چؤله آزاد بوراخسین.
23هارون حوضور چادیرینا گئرسئن و لاپ موقدّس یره گئرمه‌دن، گیمئش اولدوغو کتان پالتاری چیخاردیب اورادا قویسون. 24موقدّس بئر یرده بدنئنی سو ائله یوسون و اؤز پالتارینی گیسئن و گلئب کفّاره اوچون اؤز یاندیرما قوربانینی و خالقین یاندیرما قوربانینی تقدئم اتسئن. 25گوناه قوربانینین پئیئنی ده قوربانگاهدا توستوله‌دئب یاندیرسین. 26عَزازئل کچئسئنی آزاد بوراخان آدام دا پالتارینی و بدنئنی سو ائله یوسون، سونرا دوشَرگه‌یه گئرسئن. 27لاپ موقدّس یرده کفّاره اتمک اوچون قانی اورایا گتئرئلَن گوناه قوربانی اولان گامیشلا کچئنئن دَرئسی، اَتی و باغیرساقلاری دوشَرگه‌نئن کنارینا آپاریلیب یاندیریلسین. 28اونلاری یاندیران آدام پالتارینی و بدنئنی سو ائله یوسون، اوندان سونرا دوشَرگه‌یه گئرسئن.
29بو سئزئن اوچون ابدی بئر قایدا اولسون. یدّئنجی آیین اونونجو گونونده اؤزونوزو هر شیدن محروم ادئب هچ بئر ائش گؤرمه‌یئن؛ هم یِرلی‌لرئنئز، هم ده آرانیزدا یاشایان یاد‌اِللی‌لرئنئز بله اتسئن. 30چونکی او گون سئزی تمئزلمک اوچون کفّاره اولونسون کی، ربّئن حوضوروندا بوتون گوناهلارینیزدان تمئزلنه‌سئنئز. 31او گون سئزئن اوچون سَبّت گونونه بَنزه‌ر ائستئراحت گونودور، اله کی، سئز جانلارینیزی موته‌واضِع اده‌سئنئز. بو ابدی بئر قایدادیر. 32آتاسینین یرئنه کاهئنلئک اتمک اوچون مسح ادئلمئش وظئفه‌لی کاهئن بله کفّاره اتسئن: او، موقدّس کتان پالتارلارینی گیئب 33موقدّس مکان، حوضور چادیری و قوربانگاه اوچون کفّاره اتسئن؛ کاهئنلر و بوتون جاماعات اوچون ده کفّاره اتسئن. 34ائلده بئر دفه ائسرایئل اؤولادلارینین بوتون گوناهلارینین کفّاره ادئلمه‌سی اوچون بو، سئزه ابدی قایدا اولسون.»
رب نجه موسایا امر اتمئشدی، او دا اله اتدی.
Currently Selected:
لاوئلی‌لر 16: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
لاوئلی‌لر 16
16
کفّاره گونو
1هارونون ائکی اوغلونون ربّئن حوضورونا یاخینلاشیب اؤلدویوندن سونرا، رب موسا ائله دانیشدی. 2رب موسایا ددی: «قارداشین هارونا دِه کی، پرده‌نئن ائچ طرفئنده‌کی موقدّس یره، ساندیق اوستونده‌کی کفّاره قاپاغینین قاباغینا هچ واخت کچمه‌سئن، یوخسا اؤلر؛ چونکی من بولوددا کفّاره قاپاغینین اوستونده گؤرونه‌جیم. 3بونا گؤره هارون آنجاق بونلارلا موقدّس یره گئره بئلر: گوناه قوربانی اوچون بئر گامیش، و یاندیرما قوربانی اوچون بئر قوچلا. 4موقدّس کتان خئرقه گیسئن، اَینئنده کتان آلت پالتاری دا اولسون، بِلئنه کتان قورشاق باغلاسین، باشینا کتان عمّامه قویسون. بونلار موقدّس پالتارلاردیر. هارون اوّل بدنئنی سو ائله یوسون، سونرا اونلاری گیسئن. 5ائسرایئل اؤولادلارینین جاماعاتیندان گوناه قوربانی اوچون ائکی اِرکَک کچی و یاندیرما قوربانی اوچون بئر قوچ گؤتورسون.
6سونرا هارون اؤزو اوچون گوناه قوربانی اولان گامیشی تقدئم اتسئن کی، هم اؤزو، هم ده عایئله‌سی اوچون کفّاره اتسئن. 7هارون ائکی کچئنی گؤتوروب، حوضور چادیرینین گئرئشئنده ربّئن حوضورونا گتئرسئن. 8هارون بو کچئلرئن آراسیندا پوشک آتیب، بئرئنی رب اوچون، او بئرئسئنی ده عَزازئل#16:8 عَزازئل او کچی ائدی کی، خالقین گوناهینی کفّاره اتمک اوچون چؤله قووولوردو. اوچون سِچسئن. 9سونرا هارون پوشکله ربّه عایید اولان کچئنی گوناه قوربانی اولاراق تقدئم اتسئن. 10لاکئن پوشکله آزاد بوراخیلماق اوچون سچئلن کچئنی ربّئن قاباغیندا دئری ساخلاسین کی، کفّاره‌نی اونون اوستونه قویوب عَزازئل اولاراق چؤله آزاد بوراخسین.
11سونرا هارون گوناه قوربانی اولان گامیشی تقدئم ادئب، بونونلا اؤزو ائله عایئله‌سی اوچون کفّاره اتسئن و اؤزو اوچون گوناه قوربانی اولان گامیشی کسسئن. 12ربّئن حوضوروندان، قوربانگاهدان گؤتورولَن کؤزَرمئش کؤمورله دولموش بئر بوخوردان گؤتوروب، ائکی اوووج دولو نارین اَزئلَن خوش عطئرلی بوخورلا پرده‌نئن ائچ طرفئنه کچسئن. 13ربّئن حوضوروندا بوخورو اودا قویسون. بله‌جه بوخورون توستو بولودو شهادت ساندیغینین اوستونده اولان کفّاره قاپاغینی اؤرتسون، یوخسا اؤلر. 14گامیشین قانیندان بئر آز گؤتوروب، بارماغی ائله کفّاره قاپاغینین شرق سمتئنه، هم ده اونون موقابئلئنه بارماغی ائله قاندان یدّی دفه سَپسئن. 15سونرا خالق اوچون گوناه قوربانی اولان کچئنی کسسئن و اونون قانینی پرده‌نئن ائچ طرفئنه گتئرئب، قانینی گامیشین قانی کئمی کفّاره قاپاغینا و اونون موقابئلئنه سَپسئن. 16بونونلا هارون ائسرایئل اؤولادلارینین نجئسلئکلرئنه، بوتون گوناهلاری اوچون اولان تقصئرلرئنه لاپ موقدّس یر اوچون کفّاره اتسئن؛ حوضور چادیرینا دا کی، اونلارین نجئسلئیئنئن آراسیندا یرله‌شئر، بله اتسئن. 17لاپ موقدّس یرده کفّاره اتمَیه گئرندن چیخانا قدر، حوضور چادیریندا هچ کئم اولماسین. هارون اؤزو، عایئله‌سی و بوتون ائسرایئل جاماعاتی اوچون کفّاره اتسئن. 18سونرا ربّئن حوضوروندا اولان قوربانگاها گدئب، اونون اوچون کفّاره اتسئن؛ گامیشین و کچئنئن قانیندان بئر آز گؤتوروب، قوربانگاهین بوینوزلارینین هر طرفئنه چکسئن. 19هارون قوربانگاهین اوستونه بارماغی ائله یدّی دفه قاندان بئر آز سَپئب اونو تمئزله‌سئن. بله‌جه اونو ائسرایئل اؤولادلارینین نجئسلئکلرئندن تقدئس اتسئن.
20هارون لاپ موقدّس یری، حوضور چادیرینی، و قوربانگاهی کفّاره ادئب قورتاراندان سونرا، صاغ قالان کچئنی تقدئم اتسئن. 21ائکی الئنی او دئری کچئنئن باشینا قویوب، ائسرایئل اؤولادلارینین بوتون گوناهلارینی و اونلارین خاطالاری اوچون اولان بوتون تقصئرلرئنی اعتئراف اتسئن. و اونلاری کچئنئن باشینا قویوب، بو ائش اوچون تعیئن اولونان آدامین واسئطه‌سی‌ائله اونو چؤلده بوراخسین. 22کچی اونلارین بوتون تقصئرلرئنی اؤز اوستونده آیاق دیمه‌مئش تورپاغا آپارار. آدام کچئنی چؤله آزاد بوراخسین.
23هارون حوضور چادیرینا گئرسئن و لاپ موقدّس یره گئرمه‌دن، گیمئش اولدوغو کتان پالتاری چیخاردیب اورادا قویسون. 24موقدّس بئر یرده بدنئنی سو ائله یوسون و اؤز پالتارینی گیسئن و گلئب کفّاره اوچون اؤز یاندیرما قوربانینی و خالقین یاندیرما قوربانینی تقدئم اتسئن. 25گوناه قوربانینین پئیئنی ده قوربانگاهدا توستوله‌دئب یاندیرسین. 26عَزازئل کچئسئنی آزاد بوراخان آدام دا پالتارینی و بدنئنی سو ائله یوسون، سونرا دوشَرگه‌یه گئرسئن. 27لاپ موقدّس یرده کفّاره اتمک اوچون قانی اورایا گتئرئلَن گوناه قوربانی اولان گامیشلا کچئنئن دَرئسی، اَتی و باغیرساقلاری دوشَرگه‌نئن کنارینا آپاریلیب یاندیریلسین. 28اونلاری یاندیران آدام پالتارینی و بدنئنی سو ائله یوسون، اوندان سونرا دوشَرگه‌یه گئرسئن.
29بو سئزئن اوچون ابدی بئر قایدا اولسون. یدّئنجی آیین اونونجو گونونده اؤزونوزو هر شیدن محروم ادئب هچ بئر ائش گؤرمه‌یئن؛ هم یِرلی‌لرئنئز، هم ده آرانیزدا یاشایان یاد‌اِللی‌لرئنئز بله اتسئن. 30چونکی او گون سئزی تمئزلمک اوچون کفّاره اولونسون کی، ربّئن حوضوروندا بوتون گوناهلارینیزدان تمئزلنه‌سئنئز. 31او گون سئزئن اوچون سَبّت گونونه بَنزه‌ر ائستئراحت گونودور، اله کی، سئز جانلارینیزی موته‌واضِع اده‌سئنئز. بو ابدی بئر قایدادیر. 32آتاسینین یرئنه کاهئنلئک اتمک اوچون مسح ادئلمئش وظئفه‌لی کاهئن بله کفّاره اتسئن: او، موقدّس کتان پالتارلارینی گیئب 33موقدّس مکان، حوضور چادیری و قوربانگاه اوچون کفّاره اتسئن؛ کاهئنلر و بوتون جاماعات اوچون ده کفّاره اتسئن. 34ائلده بئر دفه ائسرایئل اؤولادلارینین بوتون گوناهلارینین کفّاره ادئلمه‌سی اوچون بو، سئزه ابدی قایدا اولسون.»
رب نجه موسایا امر اتمئشدی، او دا اله اتدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.