مرثئیهلر 3
3
جزا آراسیندا بئر اومئد
1من او آدامام کی،
تارینین قضب دَیَنهیئندن عذاب چکئرم.
2او منی چکئب آپاریب،
ائشیقدا یوخ، قارانلیقدا گَزدئرئب.
3دوغرودان دا بوتون گون، دفهلرله اَلئنی
اوستومه قالدیریب.
4اَتئمی، دَرئمی چورودوب،
سوموکلرئمی سیندیریب.
5منی عذابلا، ذئلّتله ساریییب،
موحاصئرهیه سالیب.
6چوخدان اؤلوب-گِدنلر کئمی،
منی ظولمتده ساکئن ادئب.
7اطرافیمی هر طرفدن حاصارا آلیب،
اِله کی، قاچا بئلمئرم؛
منی آغیر زنجئرلرله زنجئرلهیئب.
8حتّا فریاد ادئب ائمدادا چاغیردیغیم زامان،
او، دوعامین قاباغینی سدّ ادئر.
9یوللاریمی یونما داشلارلا کَسئب،
طرئقلرئمی دولاشدیریب.
10منه آیی کئمی کمئن دوزَلدئر،
گئزلَنمئش آصلان کئمیدئر.
11یوللاریمی آزدیریب، منی پارچالاییب؛
چارهسئز حالا سالیب.
12کامانینین یایینی چکدی،
منی اوخو اوچون بئر هدف اتدی.
13اوخدانین اوخلارینی بؤیرهیئمه ساپلادی.
14خالقیمین گولوش هدفئنه دؤنموشم،
مضحکهلی نغمه ائله گون بویو منی اَله سالیرلار.
15او، منی آجیلارلا دویوردوب،
منه دویونجاق یووشان سویونو ائچئرتدئرئب.
16دئشلرئمی چینقیللا قیریب،
منی کول ائچئنه باسیب.
17جانیمی سالاماتلیقدان اوزاق ادئب،
یاخشیلیغی یاددان چیخارتدیم.
18بونا گؤره دیئرم: «قووّتئم گدئب،
ربدن اومئدئم کَسئلئب.»
19عذابیمی، سرگردانلیغیمی،
یووشانی و آجیلاری یادا سال.
20دوغرودان کی، جانیم اونلاری خاطیرلاییر،
جانیم ائچئمده سیخیلیر.
21آمّا بونو خاطیرلادیقجا اومئدلهنئرم؛
22ربّئن مهرئبانلیغی دوغرودان اصلا تؤکَنمَز،
چونکی اونون شَفقَتئنه نهایت یوخ.#3:22 و یا «ربّئن سِوگئسی سایهسئنده یوخ اولمادیق.»
23بونلار هر سحر تزهلهنئر،
سنئن وفادارلیغین بؤیوکدور.
24جانیم دیئر: «رب منئم نصئبئمدئر»،
بو اوزدن اونا اومئد باغلاییرام.
25رب اونا بِل باغلایانلارا،
اونو آختارانلارا خیئرخاهدیر.
26ربّئن نئجاتینی سَسسئزجه گؤزلهمَک نه یاخشیدیر!
27یاخشی اولار کی، ائنسان
یوغونو جاوانلیغیندا داشیسین.
28قوی ساکئت اولوب تک باشینا اوتورسون،
چونکی رب اونا یوک قویوب.
29قوی آغزینی تورپاغا قویسون،
بلکه حله اومئد وار.
30قوی ائجازه ورسئن کی، یاناغینا وورسونلار،
قوی ذلئلّئک ائچئنده بوغولسون.
31چونکی پروردئگار ابدئلئک ردّ اتمز.
32قم-قوصّه ورسه بِله،
مهرئبانلیغینین بوللوغونا گؤره شَفقَت گؤرسهدر.
33چونکی اورَکدن ائستیهرک بشر اؤولادلارینا عذاب ورمز،
هچ کئمی کَدَرلَندئرمَز.
34دونیاداکی بوتون اسئرلرئن آیاق آلتیندا اَزئلمهسئنی،
35حاق-تاعالانین حوضوروندا ائنسانین
اؤز حاقلاریندان محروم اولماسینی،
36ائنسانین عدالتدن محروم اولماسینی
پروردئگار مگر گؤرمَز؟
37پروردئگار فرمان ورمهسه،
کئمئن ددئیی حیاتا کچر؟
38مگر هم خیئر، هم ده شر،
حاق-تاعالانین آغزیندان چیخماز؟
39ائنسان، یاشایان ائنسان،
نه اوچون گوناهینین جزاسیندان شئکایتلهنئر؟
40قوی یوللاریمیزا دئقّتله باخاق،
اونلاری ائمتاحان اِدَک،
قوی ربّه تزهدن اوز توتاق.
41گؤیلردهکی تارییا اَللرئمئزی،
هم ده اورَکلرئمئزی آچیریق.
42دیئرئک: «بئز تقصئرکاریق، عاصئلئک اتمئشئک،
بونو بئزه باغیشلاماییبسان.»
43قضبه بورونوبسن، بئزی تعقئب ادئبسن؛
آمان ورمهدن بئزی اؤلدوروبسن.
44اؤزونو بولودلا اؤرتوبسن،
اِله کی، اونلارین آراسیندان هچ دوعا کچمهسئن.
45خالقلار آراسیندا
بئزی زئبئله، فضلهیه چِوئرئبسن.
46بوتون دوشمنلرئمئز بئزئم ضئدّئمئزه
آغیزلارینی آچیبلار.
47دهشت و چوخور،
هلاکت و قیرغین باشیمیزا گلئب.
48قیریلان خالقیمین قیزی اوچون،
گؤزلرئمدن سل کئمی یاش آخیر.
49دئنمهدن، دایانمادان گؤزلرئمدن یاش آخیر،
50او زاماناجاق کی، رب گؤیلردن آشاغی باخسین،
و اونلاری گؤرسون.
51شهرئمدهکی قیزلارین حالینی گؤردوکجه،
اورهیئم سیزلاییر.
52دوشمنلرئم سببسئز منی
قوش کئمی شئکار اتدئلر.
53قویویا سالیب منی اؤلدورمیه چالیشدیلار،
باشیمین اوستونو بئر داشلا اؤرتوبلر.
54سولار باشیمدان آشدی،
ددئم: «عؤمروم آخیرا چاتیب.»
55یارب، آدینی او قویونون دئبئندن سَسلهدئم.
56سَسئمی اشئتدئن کی، باغیریردیم:
«قولاغینی منئم ائستئغاثمه، ائمدادا چاغیران باغیرتیما باغلاما.»
57سنی چاغیراندا یانیما گلدئن،
منه «قورخما» ددئن.
58ای پروردئگار، جانیمین داعواسینی سن ادئبسن؛
حیاتیمی سن قورتاریبسان.
59یارب، باشیما گتئردئکلری سئتمی گؤروبسن؛
بو ائش بارهده حؤکمونو ور.
60منه باغلادیقلاری بوتون کئنی،
منئم ضئدّئمه قورولان بوتون فَندلری گؤروبسن.
61یارب، منه اتدئکلری حقارتی،
ضئدّئمه قوردوقلاری بوتون فَندلری اشئدئبسن.
62ضئدّئمه اولانلارین دوداقلاری،
اونلارین پیچیلتیلاری،
بوتون گون منئم ضئدّئمهدئر.
63اونلارین اوتوروشونا-دوروشونا باخ،
اونلارا مضحکه نغمهسی اولموشام.
64یارب، اونلارین اَللرئنئن عمللرئنه گؤره
عوضئنی ورهجکسن.
65اونلارین قلبئنی عئنادکار ات،
لعنتئن اونلارین اوستونه اولاجاق.
66قضبئنده اونلاری قوواجاقسان،
اونلاری ربّئن گؤیونون آلتیندان محو ادهجکسن.
Currently Selected:
مرثئیهلر 3: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
