هوشَع 1
1
1بو ربّئن سؤزودور کی، یهودا پادشاهلاری عوزّئیا، یوتام، آخاز، خئزقئیا و ائسرایئل پادشاهی یِهوآش اوغلو یِروبعامین دؤورونده بِعِری اوغلو هوشعه نازئل اولدو.
هوشعئن آروادی و اوشاقلاری
2رب هوشعئن واسئطه‌سی‌ائله دانیشماغا باشلایارکَن، اونا بله ددی: «گت فاحئشه بئر آرواد آل و اوندان زئنا اوشاقلارین اولسون، چونکی اؤلکه‌نئن خالقی ربدن اوز دؤندَ‌رئب اونا حدسئز خیانت ادئر.» 3هوشَع گدئب دئبلایئمئن قیزی گومِری اؤزونه آرواد آلدی. گومِر بویلو اولوب اونا بئر اوغول دوغدو. 4رب هوشعه ددی: «اونون آدینی یئزرِعِل قوی، چونکی عنقرئب من یئزرِعِلده تؤکولَن قانین جزاسینی یِیهو نسلئنه چکدئره‌جیم و ائسرایئل نسلئنئن پادشاهلیغینا آخیر قویاجاغام. 5همئن گون یئزرِعِل دره‌سئنده ائسرایئلئن کامانینی قیراجاغام.»
6گومِر گئنه بویلو اولوب بئر قیز دوغدو. رب هوشعه ددی: «اونون آدینی لو-روخاما #۱:۶ «لو-روخاما» - عئبرانی دئلئنده «مرحمت تاپمامیش». قوی، چونکی من داها ائسرایئل نسلئنه مرحمتلی اولمایاجاغام کی، اونلاری باغیشلاییم. 7آمّا یهودا نسلئنه من مرحمت گؤرسه‌ده‌جیم و اونلاری کامان، قیلینج، موحارئبه، آتلار و آتلی‌لار وسئله‌سی‌ائله یوخ، اونلارین رب تاریسی وسئله‌سی‌ائله خئلاص اده‌جیم.»
8گومِر لو-روخاما‌نی سوددن کَسن واخت، گئنه بویلو اولوب بئر اوغول دوغدو. 9رب ددی: «اونون آدینی لو-عَمّی #۱:۹ «لو-عَمّی» عئبرانی دئلئنده «خالقیم دیئل.» قوی، چونکی سئز منئم خالقیم دیئلسئنئز، من ده سئزئن تارینیز دیئلم.
10آنجاق ائسرایئل اؤولادلاری دهنز قومو کئمی سایسیز-حسابسیز اولاجاق. اونلارا ”سئز منئم خالقیم دیئلسئنئز“ دیئلَن یرده، ”سئز وار اولان تارینین اؤولادیسینیز“ دیئله‌جک. 11یهودا و ائسرایئل اؤولادلاری بئر یِره ییغیلیب اؤزلرئنه واحئد باشچی تعیئن اده‌جک. اونلار اؤلکه‌دن چیخاجاقلار، چونکی یئزرِعِل #۱:۱۱ «یئزرِعِل» - عئبرانی دئلئنده «تاری اَکئر» معناسیندا اولوب ائنکئشاف و رئفاه دِمَکدئر. گونو مؤحتشم بئر گون اولاجاق.
Currently Selected:
هوشَع 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
