عئبرانئلره 7
7
کاهئن ملکئصدق
1چونکی سالئم پادشاهی اولان بو ملکئصدق، تاعالا تارینین کاهئنی ائدی کی، پادشاهلاری اؤلدوروب قاییدان ائبراهئمه راست گلدی و اونا برکت وردی. 2ائبراهئم ده هر شیئن اوندا بئر حئصّه‌سئنی اونا وردی کی، اونون آدی اوّل صالحلئک پادشاهی، سونراسی دا سالئم پادشاهی، یعنی باریش پادشاهی‌دیر. 3او آتاسیز و آناسیزدیر، نسئل‌نامه‌سی یوخدور. نه گونلرئنئن باشلانیشی وار نه ده عؤمرونون آخیری. لاکئن تارینین اوغلونا بنزه‌دئلمئش اولوب همئشه‌لئک کاهئن قالیر. 4ائندی باخین بو آدام نه‌قدر بؤیوک ائدی کی، بؤیوک آتا ائبراهئم لاپ سچئلمئش قنئمتلرئن اوندا بئرئنی اونا وردی.
5لاوئنئن دوغرو اوغوللاریندان کاهئنلئک وظئفه‌سئنی آلانلار، شرئعتده حؤکملری وار کی، خالقدان یعنی قارداشلاریندان، ائبراهئم نسلئندن اولدوقلاری حالدا اوندا-بئر حئصّه‌نی آلسینلار. 6آمّا اونلارین نسئل‌نامه‌سئندن اولمایان بئری ائبراهئمدن اوندا-بئر حئصّه‌نی آلدی و وعده‌لره مالئک اولانا برکت وردی. 7بو دا شوبهه‌سئزدئر کی، بؤیوک اؤزوندن کئچئیه برکت وِرَر. 8بورادا اوندا بئر حئصّه‌نی فانی ائنسانلار آلیرلار، آمّا اورادا یاشادیغینا دائر شهادته مالئک اولان بئری آلیر. 9و دمک اولار کی، حتّا اوندا-بئر حئصّه‌نی آلان لاوی ده، ائبراهئمئن واسئطهسیائله اوندا بئر حئصّه‌نی ورمئشدئر. 10چونکی ملکئصدق ائبراهئمه راست گلن واخت، لاوی حله آتاسینین بلئنده ائدی.
11بله‌جه، اگر کامئللئک لاوئلی‌لرئن کاهئنلئیی‌ائله اولسایدی (چونکی اونون اساسینا گؤره خالق شرئعتی آلدیلار)، بس داها نه احتئیاج وار ائدی کی، آیری بئر کاهئن هارون ترتئبئنه گؤره تعیئن اولونماییب، ملکئصدق ترتئبئنه گؤره ظوهور اتسئن؟ 12چونکی کاهئنلئیئن دیئشئلمه‌‌سی ائله لازیمدیر کی، شرئعت ده دیئشئلسئن. 13اونا گؤره کی، حاقّیندا بو سؤزلر دیئلن، آیری بئر قبئله‌یه عاییددیر کی، اوندان هچ کس قوربانگاهدا خئدمت اتمه‌یئب. 14چونکی بلّی‌دئر کی، بئزئم ربّئمئز یهودا قبئله‌سئندن گلدی کی، او قبئله‌نئن حاقّیندا کاهئنلئک باره‌ده موسا هچ بئر سؤز دمه‌دی.#7:14 یارادیلیش ۲۲:۲۲ 15و ملکئصِدِقه بنزه‌ر آیری بئر کاهئنئن ظوهور اتمه‌سی بونو داها دا آیدین گؤرسه‌دئر. 16او، جئسمانی شرطه باغلی بئر شرئعتئن اساسینا گؤره کاهئن اولمادی، آرادان گتمه‌ین حیات قودرتئنه گؤره کاهئن اولدو. 17چونکی شهادت ورئلئب کی:
سن ملکئصِدِق ترتئبئنه موطابئق ابدی بئر کاهئنسن.#7:17 مزمور ۱۱۰:۴
18چونکی بئر یاندان، اوّل گلن احکام، ضعئفلئیی و فایداسیزلیغی اوزوندن لغو اولونور، 19چونکی شرئعت هچ بئر شیی کامئل اتمه‌دی. و او بئری یاندان، داها یاخشی بئر اومئد میدانا گلئر کی، اونون واسئطهسیائله بئز تارییا یاخینلاشیریق. 20و بو ائش آندسیز اولمادی. 21چونکی اونلار دوغرودان دا آندسیز کاهئن اولدولار، لاکئن عئسا آند واسئطهسیائله اونون طرفئندن اولدو کی، اونا ددی:
رب آند ائچئب و فئکرئنی دیئشدئرمه‌یه‌جکدئر.
سن ابده کئمی کاهئنسن. #7:21 مزمور ۱۱۰:۴
22اِله بو قدر آرتیق دا عئسا داها یاخشی بئر عهدئن ضامئنی اولوب. 23بئر یاندا، او کاهئنلر ساییسی چوخ ائدی، چونکی اؤلوم اونلارین داوامینا مانع اولوردو. 24آمّا او بئری یاندا، عئسا ابدی قالدیغی اوچون دائمی کاهئنلئیه مالئکدئر. 25بونا گؤره ده، قادئردئر کی، اونون واسئطهسیائله تارییا یاخینلاشانلارا ابده کئمی نئجات ورسئن. چونکی اونلارین حاقّیندا شفاعت اتمک اوچون همئشه دئری‌دئر.
26دوغرودان دا بئزه موناسئب ائدی کی، بله بئر موقدّس، معصوم، قوصورسوز، گوناهکارلاردان آیریلمیش و گؤیلردن یوخاری قالدیریلمیش باش کاهئنئمئز اولسون کی، 27اؤزگه باش کاهئنلر کئمی مؤحتاج دیئل کی، اوّلجه اؤز گوناهلاری اوچون، سونرا دا خالقین گوناهلاری اوچون هر گون قوربانلار تقدئم اتسئن. چونکی او بونو اؤزونو قوربان تقدئم اتمکله بئردفه‌لئک اتدی. 28اوندان اؤتری کی، شرئعت ضعئف اولان ائنسانلاری باش کاهئن اولماغا تعیئن ادئر، لاکئن آندین کلامی کی، شرئعتدن سونرا گلدی، ابده کئمی کامئل اولموش اوغولو کاهئنلئیه تعیئن ادئر.
Currently Selected:
عئبرانئلره 7: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
