عئبرانئلره 12
12
رب سودئکلرئنی تربئیه ادر
1بونا گؤره، اطرافیمیزدا بله بؤیوک بئر شاهئدلر بولودو اولارکن، گلئن بئز ده بئزی بو قدر راحاتجا گئرئفتار ادن هر مانع و گوناهی ترک ادئب، قاباغیمیزا قویولان میداندا طاقتله قاچاق 2و ائمانین پئشوا و کامئل اده‌نی عئسایا باخاق کی، قاباغینا قویولان شادلیق اوچون چارمیخا تاب گتئردی و روسوایچیلیغی هچ ساییب، تارینین تختئنئن صاغیندا اوتوردو. 3گوناهکارلار طرفئندن بله بئر دوشمنچئلئیه تاب گتئره‌نی نظرده ساخلایین، اِله کی، یورولماییب طاقتدن دوشمه‌یه‌سئنئز.
4گوناهین ضئدّئنه اولان ساواشینیزدا حله قان تؤکولنه قدر موقاوئمت اتمه‌یئبسئنئز. 5و اوغوللارا دیئلن کئمی، سئزه دیئلن بو نصئحتی یاددان چیخاردیبسینیز:
اوغلوم، ربّئن تربئیه‌سئنه حقارتله باخما،
اونون طرفئندن مذمّت اولاندا دا روحدان دوشمه.
6چونکی رب سودئکلرئنی تربئیه ادر،
و قبول اتدئیی هر اوغولو دؤیر.#12:6 امثال ۳:۱۱ و ۱۲
7تربئیه اوچوندور کی، طاقت گتئرئرسئنئز؛ تاری سئزئنله اوغوللار کئمی رفتار ادئر. چونکی هانسی اوغول وار کی، آتاسی اونو تربئیه اتمه‌سئن؟! 8اگر سئز هامیلارین شرئک اولدوغو تربئیه‌دن محروم اولاسینیز، دمه‌لی سئز اوغوللار یوخ، حرامزاده اؤولادلارسینیز. 9بوندان علاوه، بئزی تربئیه ادن جئسمانی آتالار وار و بئز اونلارا حؤرمت گؤرسدمئشئک، آیا روحلارین آتاسینا داها آرتیق موطئع اولوب یاشامایاق؟! 10چونکی اونلار قیسا بئر مودّت اوچون اؤز دوشونجه‌لرئنده یاخشی اولانا موطابئق بئزی تربئیه اتدئلر. لاکئن او، بئزی اؤز خیئرئمئز اوچون تربئیه ادئر کی، اونون موقدّسلئیئنه شرئک اولاق. 11بوتون تربئیه ائندئلئکده شادلیق یوخ، قم سببی گؤرونور، لاکئن اونونلا تربئیه گؤتورنلرده، سونرادان باریش گتئرن صالحلئیئن ثمره‌سئنی حاصئل ادئر.
12بونا گؤره ضعئف اَللری و اَسَن دئزلری قووّتلَندئرئن. 13آیاقلارینیز اوچون ده دوز یوللار دوزَ‌لدئن، اله کی، آخساق عوضوونوز یرئندن چیخماسین، لاکئن شفا تاپسین.#12:13 امثال ۴:۲۶
14هر کسله باریش ائچئنده یاشاماغا جهد ادئن و موقدّس اولونماق اوچون قیرت گؤرسه‌دئن کی، اونسوز هچ کس ربّی گؤرمه‌یه‌جکدئر. 15دئقّت ادئن کی، هچ کس تارینین فیضئندن محروم اولماسین؛ آرانیزدا آجیلیق کؤکو بؤیویوب زحمت آچماسین و اونونلا بئر چوخو زهرلنمه‌سئن. 16کئمسه اخلاقسیز و عئسو کئمی تاریدان اوزاق دوشَن اولماسین کی، اؤز اوغوللوق حاقّینی بئر قاب خوره‌یه ساتدی. 17چونکی بئلئرسئنئز کی، سونراسی حتّا برکتئن مئراث آلماغی آرزوسوندا اولاندا دا ردّ اولوندو. گرچی گؤزیاشلاری ائله اونون دالینجا ائدی، لاکئن آرتیق تؤوبه‌یه هچ بئر یر قالمامیشدی.
18چونکی سئز لمس اده‌بئلمه‌لی بئر داغا، آلوولو اودا، قارانلیغا، دومانا، فیرلانان یله، 19شیپور گورلمه‌سئنه و او سؤزلر نئداسینا یاخینلاشماییبسینیز کی، اشئدنلر یالواردیلار کی، اونلارا داها دانیشیلماسین. 20چونکی بو امره تحمّول اده بئلمئردئلر: «اگر داغا بئر حیوان بله توخونسا، داشا باسیلاجاق.»#12:20 چیخیش ۱۹:۱۲ و ۱۳ 21و بو منظره اِله دهشتلی ائدی کی، موسا ددی: «چوخ قورخو و لرزه ائچئنده‌یم.»#12:21 تثنئیه ۹:۱۹ 22لاکئن سئز صحیون داغینا و دئری تارینین شهرئنه یاخینلاشیبسینیز، سماوی اورشلئمه، ملکلرئن مئنلرئنه، 23عومومی مجلئسه و آدلاری گؤیده قید ادئلمئش ائلک دوغولانلارین کئلئساسینا و هامینین داوری اولان تارییا، کامالا چاتمیش صالحلرئن روحلارینا، 24و عئسایا، تزه عهدئن واسئطه‌چئسی اولانا، سَپئلمئش قانا کی، هابئلئن قانیندان داها یاخشی دانیشیر.
25دئقّتلی اولون کی، بو دانیشانی ردّ اتمه‌یه‌سئنئز. چونکی اگر یر اوزونده اونلارا ائخطار وره‌نی ردّ ادنده قاچا بئلمه‌دئلر، نه قدر آز بئز قاچا بئله‌جه‌یئک، اگر گؤیدن بئزه ائخطار وِرَندن اوز دؤندَ‌رَک. 26او واخت اونون سسی یری لرزه‌یه سالدی، آمّا ائندی وعده ورئب دیئر: «من بئر داها آنجاق یری یوخ، گؤیو ده لرزه‌یه سالاجاغام.»#12:26 حجّه‌ی ۲:۶ 27بو «بئر داها» سؤزو گؤرسه‌دئر کی، لرزه‌یه گله بئلن، یعنی یارادیلمیش شیلر آرادان قالدیریلاجاق کی، لرزه‌یه دوشمه‌ینلر برقرار قالسینلار. 28بونا گؤره لرزه‌یه دوشه بئلمه‌ین پادشاهلیغا نایئل اولدوغوموز اوچون، گلئن ممنونئیّت گؤرسه‌دک کی، اونون واسئطه‌‌سی‌ائله حؤرمت و قورخو ائچئنده تارییا مقبول بئر خئدمت تقدئم ادک؛ 29چونکی بئزئم تاریمیز یاندیریب تؤکن بئر اوددور.#12:29 تثنئیه ۴:۲۴
Currently Selected:
عئبرانئلره 12: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
