حِزِقیال 41
41
1سونرا او آدام منی معبدئن بؤیوک اوتاغینا گتئرئب یان تاختالارینی#41:1 قدئم یونان ترجومه‌سئنده بله‌دئر، لاکئن عئبرانی متنده «چادیرین» گلمئشدئر. اؤلچدو: یان تاختالارین اِنی هر طرفدن آلتی قول‌آچ ائدی. 2گئرئشئنئن اِنی اون قول‌آچ ائدی، اونا هر ائکی طرفدن بئر دووار بئتئشئردی کی، هر دووارینین اِنی بش قول‌آچ ائدی. او آدام معبدئن بؤیوک اوتاغینی دا اؤلچدو: اوزونلوغو قیرخ، اِنی ائیئرمی قول‌آچ ائدی.
3سونرا او ائچ اوتاغا گئرئب گئرئشئن یان تاختالارینی اؤلچدو: هر بئرئنئن اِنی ائکی قول‌آچ ائدی. گئرئشئن اِنی آلتی قول‌آچ ائدی، اونا هر ائکی طرفدن بئتئشَن دووارلارین اِنی یدّی قول‌آچ ائدی. 4او آدام بؤیوک اوتاغین او بئری طرفئنده‌کی ائچ اوتاغی اؤلچدو: هم اوزونلوغو، هم ده اِنی ائیئرمی قول‌آچ ائدی. او منه ددی: «بورا لاپ موقدّس یِردئر.»
5سونرا معبدئن دووارینی اؤلچدو: قالینلیغی آلتی قول‌آچ ائدی. معبدئن اطرافینداکی یان اوتاقلاردان هر بئرئنئن اِنی دؤرد قول‌آچ ائدی. 6بو یان اوتاقلار اوچ مرتبه ائدی، هر مرتبه او بئری مرتبه‌نئن اوستونده، و هر مرتبه‌ده اوتوز اوتاق وار ائدی. معبدئن دووارلاری بویو، چیخینتی‌لار وار ائدی کی، یان اوتاقلار اوچون دایاق ائدئلر، اِله کی، دایاقلار معبدئن دووارلارینا گئرمه‌سئن. 7معبدئن اطرافینداکی یان اوتاقلار یوخاری مرتبه‌‌یه طرف چیخدیقجا گِنئشله‌نئردی. معبدئن اطرافینداکی تئکئلئنئن یوخارییا قالخان طبقه‌لری وار ائدی. یوخارییا طرف چیخدیقجا یان اوتاقلار گِنئشله‌نئردی. پئلّه‌کَن ائله آشاغی مرتبه‌دن اورتا مرتبه‌‌یه، اورادان دا اوست مرتبه‌‌یه چیخیردیلار.
8معبدئن اطرافیندا اوجا بئر دؤشَمه گؤردوم کی، یان اوتاقلارین بونؤوره‌سئنی تشکئل ورئردی: اوزونلوغو بئر قامیش کامئل، یعنی آلتی قول‌آچ ائدی. 9یان اوتاقلارین باییر دووارینین قالینلیغی بش قول‌آچ ائدی. معبدئن یان اوتاقلاری ائله کاهئن اوتاقلاری آراسیندا آچیق بئر ساحه وار ائدی. 10آچیق ساحه‌نئن اِنی ائیئرمی قول‌آچ ائدی کی، معبدئن اطرافی بویونجا اوزانیردی. 11یان اوتاقلارین گئرئشلری آچیق ساحه‌یه باخیردی: بئری شئمالدا، او بئری ده جنوبدا ائدی. آچیق ساحه‌یه بئتئشَن بونؤوره‌نئن اِنی هر طرفدن بش قول‌آچ ائدی.
12معبدئن قربئنده آچیق ساحه‌یه باخان بئر تئکئلی وار ائدی: اِنی یتمئش قول‌آچ ائدی. دووارینین قالینلیغی هر طرفدن بش قول‌آچ، اوزونلوغو دوخسان قول‌آچ ائدی.
13سونرا او آدام معبدی اؤلچدو: اوزونلوغو یوز قول‌آچ ائدی. آچیق ساحه، تئکئلی و اونون دووارلاری یوز قول‌آچ اوزونلوغوندا ائدی. 14شرقده‌کی معبدئن آچیق ساحه‌سئنئن اِنی معبدئن قاباق طرفی ائله بئرلئکده یوز قول‌آچ ائدی.
15او آدام معبدئن آرخاسینداکی آچیق ساحه‌یه باخان تئکئلئنئن و هر ائکی طرفئنده‌کی دهلئزلرئن اوزونلوغونو اؤلچدو: یوز قول‌آچ ائدی. معبدئن بؤیوک اوتاغی، ائچ اوتاق، حیطه باخان ایوان، 16آستانالار، موشَبّک پنجره‌لر، آستانانین موقابئلئنده اوچ مرتبه‌نی اَحاطه ادن دهلئزلر، دؤشَمه‌دن پنجره‌لره قدر، آغاجلا اؤرتولموشدو. پنجره‌لر آچیلیب-باغلانیردی.
17گئرئشئن اوستو، ائچ اوتاق، اونون باییری، بوتون ائچه‌ری و باییر دووارلار نئظاملی آرالیقلارلا، 18کَرّوب و خورما آغاجی اویما تصوئرلری ائله دوزَ‌لدئلمئشدی. ائکی کَرّوب آراسیندا بئر خورما آغاجی تصوئری وار ائدی. هر کَرّوبون ائکی اوزو وار ائدی: 19بئر یاندان خورما آغاجینا باخان ائنسان اوزو، او بئری یاندان خورما آغاجینا باخان شئر اوزو. معبد هر طرفدن بو اویما تصوئرلری ائله بَزه‌نمئشدی. 20دؤشَمه‌دن گئرئشئن اوستونده‌کی حئصّه‌یه قدر معبدئن بؤیوک اوتاغینین دووارلاری کَرّوب و خورما آغاجلارینین اویما تصوئرلری ائله دوزَ‌لدئلمئشدی.
21بؤیوک اوتاغین قاپیسینین یان تاختالاری دؤردبوجاقلی شکلئنده ائدی. لاپ موقدّس یِرئن قاباغینداکی قاپینین یان تاختالاری دا او بئرئلرئنه بَنزه‌یئردی. 22اورادا اوچ قول‌آچ هوندورلویونده، ائکی قول‌آچ اوزونلوغوندا آغاجدان دوزَ‌لدئلمئش بئر قوربانگاه وار ائدی. اونون کونجلری، آلتلیغی #۴۱:۲۲ «آلتلیغی» - قدئم یونان ترجومه‌سئنده بله‌دئر، آمّا عئبرانی متنئنده «اوزونلوغو». و یانلاری دا آغاجدان ائدی. او آدام منه ددی: «ربّئن قاباغیندا اولان مئز بودور.» 23بؤیوک اوتاغین و لاپ موقدّس یِرئن جوت قانادلی قوشا قاپیسی وار ائدی. 24هر قاپینین ائکی طرفه ائکی قانادی وار ائدی: بئر قاپی اوچون ائکی قاناد، او بئری قاپی اوچون ائکی قاناد. 25دووارلار اوستونده اولدوغو کئمی، بؤیوک اوتاغین قاپیلاریندا دا کَرّوب و خورما آغاجلارینین اویما تصوئرلری دوزَ‌لدئلمئشدی. باییردا، ایوانین قاباغیندا آغاجدان اولان بئر آسما تاوان وار ائدی. 26اِیوانین یان دووارلارینداکی قفسلی پنجره‌لرئن هر ائکی طرفی خورما آغاجلارینین اویما تصوئرلری ائله اؤرتولموشدو. معبدئن یان اوتاقلارینین آسما تاوانلاری دا وار ائدی.
Currently Selected:
حِزِقیال 41: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
