حِزِقیال 4
4
اورشلئمئن موحاصئرهسئنئن تصوئری
1سن، ای بشر اوغلو، اؤزون اوچون بئر کرپئج گؤتور و اونو قاباغینا قویوب اوستونده اورشلئم شهرئنی تصوئر ات. 2اونو موحاصئرهیه آل، قاباغیندا موحاصئره دوواری تئک، موقابئلئنده تورپاق قالاغی دوزَلت، اطرافیندا اوردوگاهلار دا قور و اونون ضئدّئنه هر طرفدن منجنئقلر قوی. 3بئر دمئر ساج گؤتور و اونو دمئر دووار اولماق اوچون اؤزونله شهرئن آراسینا قوی؛ اوزونو اونا چِوئر. قوی شهر موحاصئرهده قالسین و سن اونو موحاصئرهیه آل. بو ائسرایئل نسلئنه بئر علامتدئر.
4سن سول یانین اوستونه اوزان و ائسرایئل نسلئنئن جزاسینی اؤز اوستونه گؤتور، سول طرفه اوزاندیغین گونلرئن سایینا قدر، اونلارین جزاسینی چکهجکسن. 5من اونلارین جزا ائللرئنئن سایی قدر سنئن اوچون اوچ یوز دوخسان گون آییرمیشام. بلهجه اوچ یوز دوخسان گون ائسرایئل نسلئنئن جزاسینی چکهجکسن. 6بونو اتدئکدن سونرا، بو دفه صاغ یانین اوستونده اوزان و یهودا نسلئنئن جزاسینی چک. سنئن اوچون قیرخ گون، هر ائل اوچون بئر گون آییرمیشام. 7سونرا اوزونو اورشلئمئن موحاصئرهسئنه چِوئرهجکسن و چیلپاق قولونو قالدیریب اونون ضئدّئنه نبئلئک ادهجکسن. 8باخ، من سنی ائپلرله باغلایاجاغام اِله کی، تصوئر اتدئیئن موحاصئره گونلری قورتارمایینجا، بئر یانیندان او بئری یانین اوستونه چِورئله بئلمیهسن.
9سن بوغدا، آرپا، پاخلا، مرجی، داری و قیرمیزی بوغدا گؤتوروب، اونلاری بئر قابا قوی. اونلاردان اؤزونه چؤرک پئشئر. بئر یانین اوستونه اوزاندیغین اوچ یوز دوخسان گون عرضئنده اونو یِه. 10گوندهلئک یِمهیئنئن چکئسی ائیئرمی شِکِل#4:10 تقرئبن ۳۹۰ گرم اولاجاق، اونو تعیئن اولونموش زامانلار یئیهجکسن. 11ائچهجیئن سویون اؤلچوسو ده بئر هئنئن آلتی بئری قدر#4:11 تقرئبن ۶/۰ لئتر اولاجاق. اونو تعیئن اولونموش زامانلار ائچهجکسن. 12آرپا کؤکهسی دوزَلدئب هامینین گؤزو قاباغیندا ائنسان تاپالاسینا اود وور و اوستونده پئشئرئب یِه.“» 13رب گئنه ددی: «ائسرایئل اؤولادلاری دا آرالاریندا اسئر اتدئیئم مئلّتلرئن ائچئنده یمکلرئنی بلهجه نجئس یئیهجکلر.» 14آمّا من ددئم: «آمان، ای پروردئگار رب! باخ، من هچ واخت اؤزومو نجئس اتمهمئشم. جاوانلیغیمدان ائندئیه قدر نه لِش، نه ده حیوان پارچالامیش بئر اَت یِمئشم. حارام اَت منئم آغزیما دَیمهیئب.» 15او واخت او منه ددی: «یاخشی، من ائنسان تاپالاسینی مال تزهیی ائله عوض ادئرم. چؤرهیئنی اونون اوستونده پئشئر.» 16و علاوه اتدی: «ای بشر اوغلو، باخ، من اورشلئمدن چؤرهیئن کؤکونو کَسهجیم. چؤرهیی ائضطئراب ائچئنده چکی ائله یئیهجکلر، سویو دا حیرت ائچئنده اؤلچو ائله ائچهجکلر. 17بونو ادهجیم کی، چؤرک و سویا مؤحتاج قالسینلار. هر کس مات قالیب اؤز جزاسی ائچئنده اَرئیئب یوخ اولاجاق.
Currently Selected:
حِزِقیال 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
