حِزِقیال 37
37
قورو سوموکله موقایئسه
1ربّئن اَلی اوستومده ائدی. رب اؤز روحو ائله منی باییرا چیخاردیب وادئنئن اورتاسینا قویدو؛ وادی سوموکلرله دولو ائدی. 2او منی اونلارین اوستونده گَزدئرئب هر طرفه آپاردی. گؤردوم کی، وادئنئن اوستونده سایسیز-حسابسیز سوموک وار. اونلار بَرک قوروموشدو. 3رب منه ددی: «ای بشر اوغلو، بو سوموکلر مگر دئرئله بئلر؟» من جاواب وردئم: «ای پروردئگار رب، بونو سن بئلئرسن.» 4او منه ددی: «بو سوموکلر اوچون نبئلئک ادئب اونلارا دِه کی، ای قورو سوموکلر، ربّئن سؤزونو اِشئدئن. 5پروردئگار رب بو سوموکلره بله دیئر: ”باخین، من سئزئن ائچئنئزه نفس قویاجاغام کی، سئز دئرئله‌‌سئنئز. 6اوستونوزه وَتَرلر قویاجاغام، اَت بئتئره‌جیم، سئزی دَری ائله اؤرته‌جیم، ائچئنئزه نفس قویاجاغام کی، سئز دئرئله‌‌سئنئز؛ او واخت بئله‌جکسئنئز کی، رب منم.“»
7منه امر اولوندوغو کئمی نبئلئک اتدئم. من نبئلئک اِدَرکَن بئر گورولتو قوپدو، بئر تاقّیلتی اِشئدئلدی. سوموکلر بئربئرلرئنه یاخینلاشدیلار، سوموک سومویه بئتئشدی. 8من باخیب گؤردوم کی، اونلارین اوستونه وَتَرلر گلدی، اَت بئتدی، بونلاری دا دَری اؤرتدو. لاکئن اونلاردا نفس یوخ ائدی. 9رب منه ددی: «ای بشر اوغلو، نفس اوچون نبئلئک ات، نبئلئک ادئب نفسه دِه کی، پروردئگار رب بله دیئر: ”ای نفس، کوله‌یئن اَسدئیی دؤرد سمتدن گل، بو اؤلدورولَن آداملارین اوستونه اوفور کی، دئرئلسئنلر.“» 10منه امر اتدئیی کئمی نبئلئک اتدئم. نفس اونلارین ائچئنه گئردی و اونلار دئرئلئب آیاق اوسته قالخدیلار. چوخ بؤیوک بئر قوشون یاراندی.
11او واخت رب منه ددی: «ای بشر اوغلو، بو سوموکلر بوتون ائسرایئل نسلئنی تمثئل ادئر. باخ، اونلار بله دیئرلر: ”سوموکلرئمئز قورویوب، اومئدئمئز یوخ اولوب، کامئل کَسئلمئشئک.“ 12بونا گؤره ده نبئلئک ادئب اونلارا دِه کی، پروردئگار رب بله دیئر: ”ای خالقیم، من قبئرلرئنئزی آچیب سئزی اورادان چیخارداجاغام و ائسرایئل تورپاغینا گتئره‌جیم. 13ای خالقیم، من قبئرلرئنئزی آچاندا، سئزی قبئرلرئنئزدن چیخارداندا بئله‌جکسئنئز کی، رب منم. 14من ائچئنئزه اؤز روحومو قویاجاغام و سئز دئرئله‌جکسئنئز. سئزی اؤز تورپاغینیزا یِرلَشدئره‌جیم. او واخت بئله‌جکسئنئز کی، من رب بونو دِمئشم و یرئنه یتئره‌جیم.“ رب بله بویورور.»
ائکی عصانین موقایئسه‌سی
15منه ربّئن بو سؤزو نازئل اولدو: 16«سن، ای بشر اوغلو، اَلئنه بئر عصا گؤتور و اونون اوستونه یاز: ”یهودا و اونون همراهی اولان ائسرایئل اؤولادلاری اوچون.“ سونرا باشقا بئر عصا گؤتور و اونون اوستونه یاز: ”اِفرایئمئن عصاصی اولان یوسئف و اونون همراهی اولان بوتون ائسرایئل نسلی اوچون.“ 17بو عصالاری بئربئرئنئن اوستونه قویوب بئرلَشدئر. اِله ات کی، اَلئنده بئر عصا اولسون. 18اگر سنئن خالقینین اؤولادلاری سوروشسالار کی ”اتدئکلرئنئن معناسی نه‌دئر، بئزه بئلدئرمَزسن؟“ 19اونلارا دِه کی، پروردئگار رب بله دیئر: ”اِفرایئمئن اَلئنده‌کی عصانی، یعنی یوسئفئن عصاسینی و اونون همراهی اولان ائسرایئل قبئله‌لرئنئن عصاسینی گؤتورهجیم و یهودانین عصاسی ائله بئرلَشدئرئب بئر عصا اده‌جیم. اونلار اَلئمده بئر اولاجاقلار. 20اوستونه یازی یازدیغین عصالار اونلارین گؤزلری قاباغیندا اولاجاق. 21اونلارا دِه کی، پروردئگار رب بله دیئر: باخین، من ائسرایئل اؤولادلارینی، یانلارینا گتدئکلری مئلّتلرئن آراسیندان گؤتورهجیم، اونلاری هر یردن ییغیب اؤز تورپاقلارینا گتئره‌جیم. 22اونلاری اؤلکه‌ده، ائسرایئل داغلاری اوستونده واحئد بئر مئلّت اده‌جیم. هامیسینین واحئد پادشاهی اولاجاق. داها ائکی آیری مئلّت اولمایاجاقلار، ائکی پادشاهلیغا دا بؤلونمیه‌جکلر. 23آرتیق بوتلری ائله، ائیرنج شیلری ائله، عوصیانلاری ائله اؤزلرئنی نجئس اتمیه‌جکلر. اونلاری یاشادیقلاری و ائچئنده گوناه اتدئکلری یِرلردن قورتاریب تمئز اده‌جیم. اونلار منئم خالقیم، من ده اونلارین تاریسی اولاجاغام.
24قولوم داوود اونلارین پادشاهی اولاجاق، اونلارین هامیسینا واحئد چوبان اولاجاقدیر. اونلار منئم حؤکملرئمه گؤره رفتار اده‌جکلر و قایدالاریمی ساخلاییب یرئنه یتئره‌جکلر. 25قولوم یعقوبا وردئیئم، آتالارینین یاشادیقلاری اؤلکه‌ده یاشایاجاقلار، اؤزلری، اوغوللاری و نوه‌لری ابده کئمی اورادا یاشایاجاقلار. قولوم داوود دا ابده کئمی اونلارین رهبری اولاجاقدیر. 26من اونلارلا صولح عهدی باغلایاجاغام. بو اونلارلا ابدی بئر عهد اولاجاق. اونلاری اورادا یِرلَشدئرئب سایلارینی چوخالداجاغام. موقدّس مکانیمی ابده کئمی اونلارین آراسیندا قوراجاغام. 27منئم مسکنئم اونلارین آراسیندا اولاجاق. من اونلارین تاریسی، اونلار دا منئم خالقیم اولاجاقلار. 28موقدّس مکانیمی ابده کئمی اونلارین آراسیندا یِرلَشدئرَنده، مئلّتلر بئله‌جکلر کی، ائسرایئلی تقدئس ادن من رَبّم.“»
Currently Selected:
حِزِقیال 37: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
حِزِقیال 37
37
قورو سوموکله موقایئسه
1ربّئن اَلی اوستومده ائدی. رب اؤز روحو ائله منی باییرا چیخاردیب وادئنئن اورتاسینا قویدو؛ وادی سوموکلرله دولو ائدی. 2او منی اونلارین اوستونده گَزدئرئب هر طرفه آپاردی. گؤردوم کی، وادئنئن اوستونده سایسیز-حسابسیز سوموک وار. اونلار بَرک قوروموشدو. 3رب منه ددی: «ای بشر اوغلو، بو سوموکلر مگر دئرئله بئلر؟» من جاواب وردئم: «ای پروردئگار رب، بونو سن بئلئرسن.» 4او منه ددی: «بو سوموکلر اوچون نبئلئک ادئب اونلارا دِه کی، ای قورو سوموکلر، ربّئن سؤزونو اِشئدئن. 5پروردئگار رب بو سوموکلره بله دیئر: ”باخین، من سئزئن ائچئنئزه نفس قویاجاغام کی، سئز دئرئله‌‌سئنئز. 6اوستونوزه وَتَرلر قویاجاغام، اَت بئتئره‌جیم، سئزی دَری ائله اؤرته‌جیم، ائچئنئزه نفس قویاجاغام کی، سئز دئرئله‌‌سئنئز؛ او واخت بئله‌جکسئنئز کی، رب منم.“»
7منه امر اولوندوغو کئمی نبئلئک اتدئم. من نبئلئک اِدَرکَن بئر گورولتو قوپدو، بئر تاقّیلتی اِشئدئلدی. سوموکلر بئربئرلرئنه یاخینلاشدیلار، سوموک سومویه بئتئشدی. 8من باخیب گؤردوم کی، اونلارین اوستونه وَتَرلر گلدی، اَت بئتدی، بونلاری دا دَری اؤرتدو. لاکئن اونلاردا نفس یوخ ائدی. 9رب منه ددی: «ای بشر اوغلو، نفس اوچون نبئلئک ات، نبئلئک ادئب نفسه دِه کی، پروردئگار رب بله دیئر: ”ای نفس، کوله‌یئن اَسدئیی دؤرد سمتدن گل، بو اؤلدورولَن آداملارین اوستونه اوفور کی، دئرئلسئنلر.“» 10منه امر اتدئیی کئمی نبئلئک اتدئم. نفس اونلارین ائچئنه گئردی و اونلار دئرئلئب آیاق اوسته قالخدیلار. چوخ بؤیوک بئر قوشون یاراندی.
11او واخت رب منه ددی: «ای بشر اوغلو، بو سوموکلر بوتون ائسرایئل نسلئنی تمثئل ادئر. باخ، اونلار بله دیئرلر: ”سوموکلرئمئز قورویوب، اومئدئمئز یوخ اولوب، کامئل کَسئلمئشئک.“ 12بونا گؤره ده نبئلئک ادئب اونلارا دِه کی، پروردئگار رب بله دیئر: ”ای خالقیم، من قبئرلرئنئزی آچیب سئزی اورادان چیخارداجاغام و ائسرایئل تورپاغینا گتئره‌جیم. 13ای خالقیم، من قبئرلرئنئزی آچاندا، سئزی قبئرلرئنئزدن چیخارداندا بئله‌جکسئنئز کی، رب منم. 14من ائچئنئزه اؤز روحومو قویاجاغام و سئز دئرئله‌جکسئنئز. سئزی اؤز تورپاغینیزا یِرلَشدئره‌جیم. او واخت بئله‌جکسئنئز کی، من رب بونو دِمئشم و یرئنه یتئره‌جیم.“ رب بله بویورور.»
ائکی عصانین موقایئسه‌سی
15منه ربّئن بو سؤزو نازئل اولدو: 16«سن، ای بشر اوغلو، اَلئنه بئر عصا گؤتور و اونون اوستونه یاز: ”یهودا و اونون همراهی اولان ائسرایئل اؤولادلاری اوچون.“ سونرا باشقا بئر عصا گؤتور و اونون اوستونه یاز: ”اِفرایئمئن عصاصی اولان یوسئف و اونون همراهی اولان بوتون ائسرایئل نسلی اوچون.“ 17بو عصالاری بئربئرئنئن اوستونه قویوب بئرلَشدئر. اِله ات کی، اَلئنده بئر عصا اولسون. 18اگر سنئن خالقینین اؤولادلاری سوروشسالار کی ”اتدئکلرئنئن معناسی نه‌دئر، بئزه بئلدئرمَزسن؟“ 19اونلارا دِه کی، پروردئگار رب بله دیئر: ”اِفرایئمئن اَلئنده‌کی عصانی، یعنی یوسئفئن عصاسینی و اونون همراهی اولان ائسرایئل قبئله‌لرئنئن عصاسینی گؤتورهجیم و یهودانین عصاسی ائله بئرلَشدئرئب بئر عصا اده‌جیم. اونلار اَلئمده بئر اولاجاقلار. 20اوستونه یازی یازدیغین عصالار اونلارین گؤزلری قاباغیندا اولاجاق. 21اونلارا دِه کی، پروردئگار رب بله دیئر: باخین، من ائسرایئل اؤولادلارینی، یانلارینا گتدئکلری مئلّتلرئن آراسیندان گؤتورهجیم، اونلاری هر یردن ییغیب اؤز تورپاقلارینا گتئره‌جیم. 22اونلاری اؤلکه‌ده، ائسرایئل داغلاری اوستونده واحئد بئر مئلّت اده‌جیم. هامیسینین واحئد پادشاهی اولاجاق. داها ائکی آیری مئلّت اولمایاجاقلار، ائکی پادشاهلیغا دا بؤلونمیه‌جکلر. 23آرتیق بوتلری ائله، ائیرنج شیلری ائله، عوصیانلاری ائله اؤزلرئنی نجئس اتمیه‌جکلر. اونلاری یاشادیقلاری و ائچئنده گوناه اتدئکلری یِرلردن قورتاریب تمئز اده‌جیم. اونلار منئم خالقیم، من ده اونلارین تاریسی اولاجاغام.
24قولوم داوود اونلارین پادشاهی اولاجاق، اونلارین هامیسینا واحئد چوبان اولاجاقدیر. اونلار منئم حؤکملرئمه گؤره رفتار اده‌جکلر و قایدالاریمی ساخلاییب یرئنه یتئره‌جکلر. 25قولوم یعقوبا وردئیئم، آتالارینین یاشادیقلاری اؤلکه‌ده یاشایاجاقلار، اؤزلری، اوغوللاری و نوه‌لری ابده کئمی اورادا یاشایاجاقلار. قولوم داوود دا ابده کئمی اونلارین رهبری اولاجاقدیر. 26من اونلارلا صولح عهدی باغلایاجاغام. بو اونلارلا ابدی بئر عهد اولاجاق. اونلاری اورادا یِرلَشدئرئب سایلارینی چوخالداجاغام. موقدّس مکانیمی ابده کئمی اونلارین آراسیندا قوراجاغام. 27منئم مسکنئم اونلارین آراسیندا اولاجاق. من اونلارین تاریسی، اونلار دا منئم خالقیم اولاجاقلار. 28موقدّس مکانیمی ابده کئمی اونلارین آراسیندا یِرلَشدئرَنده، مئلّتلر بئله‌جکلر کی، ائسرایئلی تقدئس ادن من رَبّم.“»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.