حِزِقیال 32
32
فئرعون اوچون مرثئیه
1اسئرلئیئمئزئن اون ائکئنجی ائلئنده، اون ائکئنجی آیین بئرئنجی گونو منه ربّئن بو سؤزو نازئل اولدو: 2«ای بشر اوغلو، مئصئر پادشاهی فئرعون اوچون مرثئیه اوخویوب اونا دِه:
”مئلّتلر ائچئنده اؤزونو جاوان بئر آصلانا بَنزه‌تدئن،
آمّا سن بئر دهنز اژداهاسی کئمی‌سن.
چایلاری قاریشدیریرسان،
آیاقلارینلا سولاری چالخالاییب
چایلاری بولاندیریرسان.“
3پروردئگار رب بله دیئر:
”چوخلو خالقدان عئبارت بئر قوشون گؤندَ‌رئب
تورومو اوستونه آتاجاغام.
اونلار سنی توروملا قالدیریب چیخارداجاقلار.
4سنی قورویا چیخارداجاغام،
چؤلون اوزونه آتاجاغام،
گؤیده‌کی قوشلاری اوستونه قوندوراجاغام.
بوتون یِر اوزونون وحشی حیوانلارینی
سنئنله دویدوراجاغام.
5بدنئنی داغلارین اوستونه سَره‌جیم،
دره‌لری لِشئنله دولدوراجاغام.
6اؤلکه‌نی داغلارا قدر آخان قانینلا سولایاجاغام،
دره‌لر مِیئتئنله دولاجاق.
7سنی محو اتدئیئم زامان
گؤیلری باغلایاجاغام،
اولدوزلاری قارالداجاغام،
گونشی بولودلا اؤرته‌جیم،
آی، ائشیغینی ورمه‌یه‌جک.
8سنئن اوستونده نور ساچان
بوتون گؤی جئسئملرئنی قارالداجاغام،
اؤلکه‌نی قارانلیغا قرق اده‌جیم.“
پروردئگار رب بله بویورور.
9”سنئن محو اولماق خبرئنی،
مئلّتلرئن آراسینا،
تانیمادیغین اؤلکه‌لره چاتدیردیغیم زامان
بئر چوخ خالقلارین اوره‌یئنی کَدَرلَندئره‌جیم.
10سنئن باشینا گلنلرله
بئر چوخ خالقی حیرته سالاجاغام.
اونلارین قاباغیندا قیلینجیمی یِلله‌دئیئم زامان
سنه گؤره پادشاهلارینین توکلری بئز-بئز اولاجاق.
ییخیلدیغین گون
اونلارین هامیسی اؤز جانلاری اوچون
دورمادان قورخو ائچئنده تئتره‌یه‌جک.“
11پروردئگار رب بله دیئر:
”بابئل پادشاهینین قیلینجی سنئن اوستونه گله‌جک.
12مئلّتلرئن لاپ رحمسئز ائگئدلرئنه ائجازه وره‌جیم کی،
سنئن چوخلو خالقینی قیلینجدان کچئرتسئنلر.
مئصئرئن تکبّورونو قیراجاقلار،
بوتون چوخلو خالقینی محو اده‌جکلر.
13بول سولارین یانیندا اوتلایان
بوتون مال-حیوانی یوخ اده‌جیم.
بوندان سونرا ائنسان آیاغی دا، حیوان آیاغی دا
سولاری قاریشدیریب بولاندیرمایاجاق.
14او زامان اونلارین سولارینی دورولداجاغام،
چایلارینی یاغ کئمی آخیداجاغام.“
پروردئگار رب بله بویورور.
15”مئصئری خارابالیغا چِوئردئیئم زامان،
اؤلکه هر شیدن محروم اولاندا،
اورادا یاشایان هر کسی محو اتدئیئم زامان
بئله‌جکلر کی، رب منم.“
16مئصئر اوچون اوخونان مرثئیه بودور. مئلّتلرئن قیزلاری بو مرثئیه‌نی اوخویاجاقلار. مئصئر و اونون چوخلو خالقی اوچون بو مرثئیه‌نی اوخویاجاقلار. پروردئگار رب بله بویورور.»
17اسئرلئیئمئزئن اون ائکئنجی ائلئنده، آیین اون بِشئنجی گونو منه گئنه ربّئن سؤزو نازئل اولدو: 18«ای بشر اوغلو، مئصئرئن چوخلو خالقی اوچون یاس توت. اونلاری و گوجلو مئلّتلرئن قیزلارینی قبئره اِنَنلرله بئرلئکده یِرئن درئنلئکلرئنه اِندئر. 19اونلارا دِه: ”مگر سن باشقالاریندان داها گؤزَلسن؟ یِرئن آلتینا اِن و اوراداکی ختنه‌سئزلرله بئرلئکده اوزان.“ 20مئصئر خالقی قیلینجلا اؤلدورولَنلرئن آراسینا دوشه‌جک. بو خالق قیلینجین ائختئیارینا ورئلدی. قوی مئصئر چوخلو خالقی ائله بئرلئکده سوروکلَنسئن. 21قودرتلی باشچیلار اؤلولر دئیاریندان مئصئر و اونا آرخا اولانلار اوچون بله دئیه‌جک: ”یِرئن آلتینا اِندئلر، قیلینجلا اؤلدورولَن ختنه‌سئزلر کئمی ائندی بورادا یاتیرلار.“
22آشور و بوتون قوشونو اورادادیر. قیلینجدان کچئرئلمئش، اؤلموش عسگرلرئنئن مزارلاری اطرافینی بوروموشدور. 23اونلارین مزارلاری قبئرئن لاپ دئبئنده، قوشونو مزارینین اطرافیندا اوزانیب. دئرئلر آراسینا قورخو سالانلارین هامیسی قیلینجدان کچئردئلئب اؤلدورولموشدور.
24عِیلام اورادادیر و اونون چوخلو خالقی اؤز مزارلارینین اطرافیندا اوزانیب. اونلارین هامیسی قیلینجدان کچئرئلمئش، اؤلموش و ختنه‌سئز حالدا یِرئن درئنلئکلرئنه اِنمئشدئر. دئرئلر آراسینا قورخو سالمیشدیلار، ائندی آمّا خجالت ائچئنده قبئره اِنَنلره قوشولدولار. 25عِیلام اوچون اؤلدورولَنلر آراسیندا بئر یاتاق حاضیرلاندی. اونون چوخلو خالقی مزارینین اطرافیندادیر. اونلارین هامیسی ختنه‌سئز حالدا قیلینجدان کچئردئلئب اؤلدورولموشدور. دئرئلر آراسینا قورخو سالمیشدیلار، ائندی آمّا خجالت ائچئنده قبئره اِنَنلره قوشولوب اؤلدورولَنلرئن آراسینا قویولدولار.
26مِشِک، توبال اورادادیر و اونلارین چوخلو خالقی اؤز مزارلارینین اطرافیندا اوزانیب. اونلارین هامیسی ختنه‌سئز حالدا قیلینجدان کچئردئلئب اؤلدورولموشدور. دئرئلر آراسینا قورخو سالمیشدیلار. 27اونلار دا دؤیوش سئلاحلاری ائله اؤلولر دئیارینا اِنَن، قیلینجلاری باشلارینین آلتینا قویولان، سوقوط اتمئش ختنه‌سئز ائگئدلرله بئرلئکده مزارا اوزاناجاقلار. اونلارین تقصئری اؤزلرئنئن اوستونه گلدی. صاغ ائکَن بو ائگئدلر دئرئلر آراسینا قورخو سالمیشدیلار.
28سن ده، ای فئرعون، قیریلاجاقسان، قیلینجلا اؤلدورولَنلرله بئرلئکده ختنه‌سئزلرئن آراسیندا اوزاناجاقسان.
29اِدوم، پادشاهلاری و بوتون رهبرلری اورادادیر. گوجلو اولمالارینا باخمایاراق، قیلینجلا اؤلدورولَنلرئن یانینا قویولدولار. قبئره اِنَنلرئن، ختنه‌سئزلرئن یانینا اوزانیرلار.
30بوتون شئمال اؤلکه‌لرئنئن باشچیلاری، بوتون صئدونلولار اورادادیر. گوجلری ائله قورخو سالدیقلاری حالدا اؤلدورولَنلرله بئرلئکده روسوایچیلیق ائچئنده یِرئن آلتینا اِندئلر. ختنه‌سئز حالدا قیلینجلا اؤلدورولَنلرله بئرلئکده خجالت ائچئنده قبئره اِنَنلرئن یانینا اوزاندیلار.
31”فئرعون و اونون بوتون قوشونو، قیلینجلا اؤلدورولموش بو بؤیوک جاماعاتی گؤرنده تسلّی تاپاجاق.“ پروردئگار رب بله بویورور. 32”دئرئلر آراسینا قورخو سالماسینا ائجازه وردئیئمه باخمایاراق، فئرعون و اونون چوخلو خالقی قیلینجلا اؤلدورولَنلرله بئرلئکده ختنه‌سئزلرئن یانینا اوزاناجاق.“ پروردئگار رب بله بویورور.»
Currently Selected:
حِزِقیال 32: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
