حِزِقیال 17
17
ائسرایئلئن قارتال و تَنَکله موقایئسه‌سی
1منه ربّئن بو سؤزو نازئل اولدو: 2«ای بشر اوغلو، ائسرایئل نسلئنه بئر تاپماجا دِه، اونلارا بئر مثل دانیش؛ 3دِه کی، پروردئگار رب بله دیئر: ”قانادلاری بؤیوک، توکلری اوزون، اوستو رنگ‌به‌رنگ ائری بئر قارتال لوبنانا اوچدو و سئدر آغاجینین باشینداکی زوغو گؤتوردو. 4آغاجین تپه‌سئنده‌کی تزه شاخلاری قوپاردیب تئجارت اؤلکه‌سئنه آپاردی و اونو تاجئرلر شهرئنه قویدو. 5سونرا او تورپاغین توخومونو گؤتوروب بَهَرلی تورپاقدا اَکدی. سؤیود آغاجی اَکئلَن کئمی اونو گور آخان سولارین کناریندا یِرلَشدئردی. 6او دا بؤیویوب اِنلی، بالاجا بوی بئر اوزوم مِینه‌سی اولدو. بوداقلاری قارتالا طرف اَیئلئردی، کؤکلری ده آلتیندا قالیردی. بله‌جه شاخه ورن، بوداق سالان بئر اوزوم تَنه‌یی اولدو.
7بؤیوک قانادلاری، چوخلو توکلری اولان باشقا ائری قارتال دا وار ائدی. اوزوم تَنه‌یی کؤکلرئنی اونا طرف دؤندَردی، بوداقلارینی اَکئلدئیی لَکلردن اونا طرف اوزاتدی کی، سولانسین. 8او، گور آخان سولارین کناریندا، بَهَرلی تورپاقدا اَکئلمئشدی کی، قول-بوداق آتسین، میوه یتئرسئن و اصئل بئر اوزوم تَنه‌یی اولسون.“
9سن دِه کی، پروردئگار رب بله دیئر: ”بو اوزوم تَنه‌یی بَهَرلی مگر اولاجاق؟ مگر اوّلکی قارتال اونون کؤکلرئنی قیریب میوه‌لرئنی قوپارتمایاجاق کی، قوروسون؟ اِله کی، اونون تزه بئتن بوتون شاخه‌لری قوروسون؟ اونو کؤکوندن قیریب آتماق اوچون گوجلو بئر قولا و یا چوخلو آداما احتئیاج اولمایاجاق. 10بلی، او اَکئلئب، آمّا مگر بَهَرلی اولاجاق؟ شرق کوله‌یی اونا توخونان کئمی مگر کامئل قورومایاجاق؟ مگر بئتدئیی لَکلرده قورومایاجاق؟“»
11سونرا منه ربّئن بو سؤزو نازئل اولدو: 12«ائندی او عاصی نسله دِه: ”مگر بو شیلرئن معناسینی بئلمئرسئنئز؟“ اونلارا دِه: ”باخ، بابئل پادشاهی اورشلئمه گلدی، اورانین پادشاهینی و باشچیلارینی گؤتوروب بابئله، اؤز یانینا آپاردی. 13پادشاه نسلئندن بئر نفری گؤتوروب اونونلا عهد باغلادی و اونا آند ائچدئردی، اؤلکه‌نئن آغا آداملارینی دا گؤتوروب آپارمیشدی 14کی، پادشاهلیق آلچالدیلیب داها قالخا بئلمه‌سئن و عهدئنه صادئق قالاراق وارلیغینا داوام ورسئن. 15لاکئن او، اونون ضئدّئنه عوصیان ادئب مئصئره اِلچئلر گؤندَ‌ردی کی، اونا آتلار و بؤیوک بئر قوشون ورسئنلر. مگر او، اوغور قازانار؟ بو ائشلری گؤرَن مگر سالامات قالار؟ عهدی پوزان مگر سالامات قالار؟“ 16پروردئگار رب بویورور: ”وارلیغیما آند اولسون کی، اونو تخته اوتوردان پادشاهین اؤلکه‌سئنده یعنی بابئلده اؤله‌جک، چونکی ائچدئیی آندا خور باخدی، باغلادیغی عهدی پوزدو. 17بابئللی‌لر چوخلو آدام قیرماق اوچون، تورپاق قالاغی و موحاصئره دووارلاری دوزَ‌لدن زامان، فئرعون گوجلو قوشونو ائله، بؤیوک قوشونو ائله موحارئبه‌ده اونا کؤمک اتمیه‌جک. 18او، عهدی پوزاراق ائچدئیی آندا خور باخدی، و باخ، سؤز وردئیی حالدا بوتون بو ائشلری اتدی؛ قاچیب قورتارا بئلمیه‌جک.“
19بونا گؤره ده پروردئگار رب بله دیئر: ”وارلیغیما آند اولسون کی، حوضورومدا ائچدئیی آندا خور باخدیغینا گؤره، عهدئمی پوزدوغو اوچون اونا عوضئنی وره‌جیم. 20تورومو اونون اوستونه سَره‌جیم و او منئم تله‌مه دوشه‌جک. اونو بابئله گتئره‌جیم و اونو اورادا موحاکئمه اده‌جیم؛ چونکی منه خیانت ادئب. 21اونون بوتون فراری عسگرلری قیلینجلا هلاک اولاجاقلار، یرده قالانلار کوله‌یئن اَسدئیی دؤرد طرفه داغیلاجاقلار. او واخت بئله‌جکسئنئز کی، من رب بونو ددئم.“
22پروردئگار رب بله دیئر: ”من اوجا سئدر آغاجینین باشیندان بئر زوغ گؤتوروب اَکه‌جیم. اونون بوداقلارینین باشیندان ظرئف بئر بوداق قوپارداجاغام و اونو اوجا، دئک بئر داغین اَته‌یئنده اَکه‌جیم. 23اونو ائسرایئلئن اوجا داغینا اَکه‌جیم کی، او، قول-بوداق آتسین و میوه ورئب اصئل بئر سئدر آغاجی اولسون. هر جور قوش اونون آلتینا سیغیناجاق؛ بوداقلارینین کؤلگه‌سئنده یووا قوراجاق. 24بوتون چؤل آغاجلاری بئله‌جکلر کی، رب منم؛ آلچاغی اوجا ادئرم و اوجانی آلچاق. یاشیل آغاجی قورودورام و قورو آغاجی یاشیللاشدیریرام.
بونو من دِمئشم و یرئنه یتئره‌جیم.“»
Currently Selected:
حِزِقیال 17: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
حِزِقیال 17
17
ائسرایئلئن قارتال و تَنَکله موقایئسه‌سی
1منه ربّئن بو سؤزو نازئل اولدو: 2«ای بشر اوغلو، ائسرایئل نسلئنه بئر تاپماجا دِه، اونلارا بئر مثل دانیش؛ 3دِه کی، پروردئگار رب بله دیئر: ”قانادلاری بؤیوک، توکلری اوزون، اوستو رنگ‌به‌رنگ ائری بئر قارتال لوبنانا اوچدو و سئدر آغاجینین باشینداکی زوغو گؤتوردو. 4آغاجین تپه‌سئنده‌کی تزه شاخلاری قوپاردیب تئجارت اؤلکه‌سئنه آپاردی و اونو تاجئرلر شهرئنه قویدو. 5سونرا او تورپاغین توخومونو گؤتوروب بَهَرلی تورپاقدا اَکدی. سؤیود آغاجی اَکئلَن کئمی اونو گور آخان سولارین کناریندا یِرلَشدئردی. 6او دا بؤیویوب اِنلی، بالاجا بوی بئر اوزوم مِینه‌سی اولدو. بوداقلاری قارتالا طرف اَیئلئردی، کؤکلری ده آلتیندا قالیردی. بله‌جه شاخه ورن، بوداق سالان بئر اوزوم تَنه‌یی اولدو.
7بؤیوک قانادلاری، چوخلو توکلری اولان باشقا ائری قارتال دا وار ائدی. اوزوم تَنه‌یی کؤکلرئنی اونا طرف دؤندَردی، بوداقلارینی اَکئلدئیی لَکلردن اونا طرف اوزاتدی کی، سولانسین. 8او، گور آخان سولارین کناریندا، بَهَرلی تورپاقدا اَکئلمئشدی کی، قول-بوداق آتسین، میوه یتئرسئن و اصئل بئر اوزوم تَنه‌یی اولسون.“
9سن دِه کی، پروردئگار رب بله دیئر: ”بو اوزوم تَنه‌یی بَهَرلی مگر اولاجاق؟ مگر اوّلکی قارتال اونون کؤکلرئنی قیریب میوه‌لرئنی قوپارتمایاجاق کی، قوروسون؟ اِله کی، اونون تزه بئتن بوتون شاخه‌لری قوروسون؟ اونو کؤکوندن قیریب آتماق اوچون گوجلو بئر قولا و یا چوخلو آداما احتئیاج اولمایاجاق. 10بلی، او اَکئلئب، آمّا مگر بَهَرلی اولاجاق؟ شرق کوله‌یی اونا توخونان کئمی مگر کامئل قورومایاجاق؟ مگر بئتدئیی لَکلرده قورومایاجاق؟“»
11سونرا منه ربّئن بو سؤزو نازئل اولدو: 12«ائندی او عاصی نسله دِه: ”مگر بو شیلرئن معناسینی بئلمئرسئنئز؟“ اونلارا دِه: ”باخ، بابئل پادشاهی اورشلئمه گلدی، اورانین پادشاهینی و باشچیلارینی گؤتوروب بابئله، اؤز یانینا آپاردی. 13پادشاه نسلئندن بئر نفری گؤتوروب اونونلا عهد باغلادی و اونا آند ائچدئردی، اؤلکه‌نئن آغا آداملارینی دا گؤتوروب آپارمیشدی 14کی، پادشاهلیق آلچالدیلیب داها قالخا بئلمه‌سئن و عهدئنه صادئق قالاراق وارلیغینا داوام ورسئن. 15لاکئن او، اونون ضئدّئنه عوصیان ادئب مئصئره اِلچئلر گؤندَ‌ردی کی، اونا آتلار و بؤیوک بئر قوشون ورسئنلر. مگر او، اوغور قازانار؟ بو ائشلری گؤرَن مگر سالامات قالار؟ عهدی پوزان مگر سالامات قالار؟“ 16پروردئگار رب بویورور: ”وارلیغیما آند اولسون کی، اونو تخته اوتوردان پادشاهین اؤلکه‌سئنده یعنی بابئلده اؤله‌جک، چونکی ائچدئیی آندا خور باخدی، باغلادیغی عهدی پوزدو. 17بابئللی‌لر چوخلو آدام قیرماق اوچون، تورپاق قالاغی و موحاصئره دووارلاری دوزَ‌لدن زامان، فئرعون گوجلو قوشونو ائله، بؤیوک قوشونو ائله موحارئبه‌ده اونا کؤمک اتمیه‌جک. 18او، عهدی پوزاراق ائچدئیی آندا خور باخدی، و باخ، سؤز وردئیی حالدا بوتون بو ائشلری اتدی؛ قاچیب قورتارا بئلمیه‌جک.“
19بونا گؤره ده پروردئگار رب بله دیئر: ”وارلیغیما آند اولسون کی، حوضورومدا ائچدئیی آندا خور باخدیغینا گؤره، عهدئمی پوزدوغو اوچون اونا عوضئنی وره‌جیم. 20تورومو اونون اوستونه سَره‌جیم و او منئم تله‌مه دوشه‌جک. اونو بابئله گتئره‌جیم و اونو اورادا موحاکئمه اده‌جیم؛ چونکی منه خیانت ادئب. 21اونون بوتون فراری عسگرلری قیلینجلا هلاک اولاجاقلار، یرده قالانلار کوله‌یئن اَسدئیی دؤرد طرفه داغیلاجاقلار. او واخت بئله‌جکسئنئز کی، من رب بونو ددئم.“
22پروردئگار رب بله دیئر: ”من اوجا سئدر آغاجینین باشیندان بئر زوغ گؤتوروب اَکه‌جیم. اونون بوداقلارینین باشیندان ظرئف بئر بوداق قوپارداجاغام و اونو اوجا، دئک بئر داغین اَته‌یئنده اَکه‌جیم. 23اونو ائسرایئلئن اوجا داغینا اَکه‌جیم کی، او، قول-بوداق آتسین و میوه ورئب اصئل بئر سئدر آغاجی اولسون. هر جور قوش اونون آلتینا سیغیناجاق؛ بوداقلارینین کؤلگه‌سئنده یووا قوراجاق. 24بوتون چؤل آغاجلاری بئله‌جکلر کی، رب منم؛ آلچاغی اوجا ادئرم و اوجانی آلچاق. یاشیل آغاجی قورودورام و قورو آغاجی یاشیللاشدیریرام.
بونو من دِمئشم و یرئنه یتئره‌جیم.“»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.