چیخیش 37
37
عهد ساندیغینین دوزَ‌لدئلمه‌سی
1بِصه‌لِل اَقاقئیا آغاجیندان ساندیق دوزَلتدی. ساندیغین اوزونلوغو ائکی قول‌آچ یاریم#37:1 تقرئبن ۱/۱ متر، اِنی قول‌آچ یاریم#37:1 تقرئبن ۷۰ سانتئمتر و بویو قول‌آچ یاریم ائدی. 2اونو ائچه‌رئدن و چؤلدن خالئص قیزیللا اؤرتدو، اطرافینا دا قیزیل قالئب دوزَلتدی. 3اونون دؤرد آیاغی اوچون دؤرد تؤکمه قیزیل حالقا، ائکی حالقانی بئر یانی اوچون، قالان ائکی حالقانی دا او بئری یانی اوچون دوزَلتدی. 4اَقاقئیا آغاجیندان دئرَکلر دوزَ‌لدئب اوستونو قیزیللا اؤرتدو. 5ساندیغی داشیماق اوچون دئرَکلری ساندیغین یانلارینداکی حالقالارا کچئرتدی.
6خالئص قیزیلدان کفّاره قاپاغینی دوزَلتدی؛ اوزونلوغو ائکی قول‌آچ یاریم، اِنی ده قول‌آچ یاریم ائدی. 7کفّاره قاپاغینین هر ائکی اوجو اوچون یاستیلانمیش قیزیلدان ائکی کَرّوب دوزَلتدی. 8بئر کَرّوبو قاپاغین بئر اوجوندا، او بئرئسئنی ده او بئری اوجوندا دوزَلتدی؛ قاپاغین ائکی اوجوندا اولان کَرّوبلار اونونلا بئر حئصّه‌دن ائدی. 9کَرّوبلار یوخاری طرف آچیلمیش قانادلاری ائله کفّاره قاپاغینی اؤرتدولر. کَرّوبلارین اوزلری بئربئرئنئن موقابئلئنده قاپاغا طرف ائدی.
تقدئس چؤرکلری اوچون مئزئن دوزَ‌لدئلمه‌سی
10اَقاقئیا آغاجیندان بئر مئز دوزَلتدی؛ اوزونلوغو ائکی قول‌آچ#37:10 تقرئبن ۹۰ سانتئمتر، اِنی بئر قول‌آچ#37:10 تقرئبن ۴۵ سانتئمتر، بویو دا قول‌آچ یاریم#37:10 تقرئبن ۷۰ سانتئمتر ائدی. 11اونو خالئص قیزیللا اؤرتدو، اطرافینا قیزیل قالئب دوزَلتدی. 12اطرافیندا بئر اوووج اِنئنده یان لؤوحه‌لری دوزَلتدی؛ اونلارین اطرافینا دا قیزیل قالئب دوزَلتدی. 13مئز اوچون دؤرد قیزیل حالقا تؤکدو، حالقالاری اونون دؤرد آیاغینداکی دؤرد کونجه بَرکئتدی. 14حالقالار یان لؤوحه‌لره یاخین اولاراق مئزی آپاران دئرَکلرئن کچدئیی یرلر ائدی. 15مئزی آپارماق اوچون دئرَکلری اَقاقئیا آغاجیندان دوزَلتدی و اونلاری قیزیللا اؤرتدو. 16مئزئن اوستونده اولان لوازئماتی، نئمچه‌لری و قابلاری، مایع تقدئملرئنئن تؤکولمه‌سی اوچون سَهَنگلری، و کاسالاری خالئص قیزیلدان دوزَلتدی.
قیزیل چیراغدانین دوزَ‌لدئلمه‌سی
17چیراقدانی خالئص قیزیلدان دوزَلتدی. بو چیراقدان یاستیلانمیش قیزیلدان ائدی؛ پایاسی، مئله‌لری، پئیالالاری، قؤنچه‌لری و گوللری اونونلا بئر حئصّه‌دن ائدی. 18چیراقدانین یانلاریندان آلتی شاخه یعنی اونون بئر یانیندان اوچ شاخه، او بئری یانیندان دا اوچ شاخه چیخدی. 19بئر شاخه‌ده بادام چئچه‌یئنه بَنزه‌ر اوچ پئیالا، بئر قؤنچه و بئر گول، او بئری شاخه ده بادام چئچه‌یئنه بَنزه‌ر اوچ پئیالا، بئر قؤنچه، و بئر گول دوزَلتدی؛ چیراغدانین بوتون آلتی شاخه‌لری اله ائدی. 20چیراقداندا بادام چئچه‌یئنه بَنزه‌ر دؤرد پئیالا، قؤنچه‌لر و گول‌لر وار ائدی. 21چیراقداندان چیخان شاخه‌لرئن بئرئنجی جوتونون آلتیندا بئر قؤنچه وار ائدی. چیراقداندان چیخان شاخه‌لرئن ائکئنجی جوتونون آلتیندا بئر قؤنچه، و چیراقداندان چیخان شاخه‌لرئن اوچونجو جوتون آلتیندا بئر قؤنچه وار ائدی. چیراقداندان چیخان بوتون آلتی شاخه‌ده بله وار ائدی. 22قؤنچه‌لری و شاخه‌لری اونونلا بئر حئصّه‌دن ائدی، یعنی هامیسی یاستیلانمیش خالئص قیزیلدان ائدی. 23اونون اوچون یدّی چیراق دوزَلتدی. پئلته ماشالاری و سئنی‌لری ده خالئص قیزیلدان ائدی. 24چیراقدانی و اونون بوتون لوازئماتینی بئر تالانت#37:24 تقرئبن ۵/۳۴ کئلو خالئص قیزیلدان دوزَلتدی.
بوخور یاندیرماق اوچون قوربانگاهین دوزَ‌لدئلمه‌سی
25اَقاقئیا آغاجیندان بوخور اوچون قوربانگاه دوزَلتدی؛ مورَبّع شَکلئنده ائدی؛ اوزونلوغو بئر قول‌آچ#37:25 تقرئبن ۴۵ سانتئمتر، اِنی بئر قول‌آچ، بویو دا ائکی قول‌آچ#37:25 تقرئبن ۹۰ سانتئمتر ائدی. بوینوزلاری اونونلا بئر حئصّه‌دن ائدی. 26اونون اوستونو، هر یانینی و بوینوزلارینی خالئص قیزیللا اؤرتدو، اطرافینا قیزیل زولاق قویدو. 27بئربئرئنئن موقابئلئنده اولان ائکی یانلاردا، قالئبئن آلتیندا ائکی قیزیل حالقا دوزَلتدی کی، اونو آپاران دئرَکلر، اونلارین ائچئنه کچسئنلر. 28دئرَکلری اَقاقئیا آغاجیندان دوزَ‌لدئب اونلاری قیزیللا اؤرتدو. 29عطرئیّاتچینین ائشی اولان موقدّس مسح یاغینی و عطئرلی بوخورو دا حاضیرلادی.
Currently Selected:
چیخیش 37: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
