چیخیش 30
30
بوخور یاندیرماق اوچون قوربانگاه
1«اَقاقئیا آغاجیندان بوخور یاندیرماق اوچون قوربانگاه دوزَلت. 2دؤرد گوشه‌لی، اوزونلوغو بئر قول‌آچ#30:2 تقرئبن ۴۵ سانتئمتر اِنی بئر قول‌آچ، بویو دا ائکی قول‌آچ اولسون، بوینوزلاری اونونلا بئر حئصّه‌دن اولسون. 3اونون اوستونو، هر یانینی و بوینوزلارینی، خالئص قیزیللا اؤرت و اطرافینا قیزیل قالئب قوی. 4بئربئرئنئن موقابئلئنده اولان ائکی یانلاردا، قالئبئن آلتینا ائکی قیزیل حالقا دوزَلت کی، اونو آپاران دئرَکلرئن کچدئیی یرلر اولسونلار. 5دئرَکلری اَقاقئیا آغاجیندان دوزَلت و قیزیللا اؤرت. 6بو قوربانگاهی شهادت ساندیغینین موقابئلئنده اولان پرده‌نئن قاباغینا، منئم سنئنله گؤروشه‌جیئم یره، کفّاره قاپاغینین قاباغینا قوی.
7هارون هر سحر، چیراقلاری حاضیرلادیغی زامان، قوربانگاهدا عطئرلی بوخور یاندیرسین. 8آخشامچاغی دا چیراقلاری حاضیرلادیغی زامان اونو یاندیرسین. بو سئزئن اوچون نسئلدن-نسئله ربّئن قاباغیندا همئشه‌لئک بوخور تقدئمی اولسون. 9اونون اوستونده نه یاد بوخور گتئرئن، نه یاندیرما قوربانی، نه ده تاخیل تقدئمی. مایع تقدئمی ده تؤکمه‌یئن. 10ائلده بئر دفه هارون گوناه اوچون کفّاره قوربانینین قانینی قوربانگاهین بوینوزلارینا چکه‌رک، قوربانگاه اوچون کفّاره اتسئن. بو قوربان گلن نسئللر اوچون اولسون. قوربانگاه رب اوچون لاپ موقدّسدئر.»
سئیاهی‌یا آلما گوموشو
11سونرا رب موسایا دانیشیب ددی: 12«ائسرایئل اؤولادلارینی سئیاهی‌یا آلدیغین زامان، ساییلان هر بئر آدام اؤز حیاتینین عوضئنی ربّه ورسئن کی، ساییلدیقلارینا گؤره آرالاریندا بلا اولماسین. 13ساییلمیش آداملارا داخئل اولان هر کس یاریم شِکِل گوموش#30:13 تقرئبن ۵ گرم ورسئن. بو، ائیئرمی گِرادان عئبارت اولان موقدّس مکانین شِکِلئنه گؤره ساییلسین. بو یاریم شِکِل ربّئن پایی‌دیر. 14ائیئرمی یاشیندا و اوندان یوخاری اولان، ساییلمیش اولان هر بئر کئشی بو پایی ربّه ورسئن. 15حیاتلارینیزی کفّاره اتمک اوچون ربّئن پایینی ورنده، نه وارلی یاریم شِکِلدن چوخ، نه ده کاسیب یاریم شِکِلدن اَسکئک ورسئن. 16بو کفّاره گوموشونو ائسرایئل اؤولادلاریندان گؤتوروب حوضور چادیرینین عئبادتی اوچون تعیئن ات. بو، حیاتلارینیزین کفّاره‌سی اوچون ربّئن قاباغیندا ائسرایئل اؤولادلارینین خاطئره‌سی اولاجاق.»
بؤیوک بورونج لَیَن
17رب موسایا دانیشیب ددی: 18«یوماق اوچون بؤیوک بئر بورونج لَیَن دوزَلت. قوی آلتلیغی دا بورونجدن اولسون. اونو حوضور چادیری ائله قوربانگاهین آراسینا قوی، ائچئنی ده سو ائله دولدور کی، 19هارونلا اوغوللاری اَل و آیاقلارینی او سو ائله یوسونلار. 20اونلار حوضور چادیرینا داخئل اولدوغو زامان سویو ائله یویونسونلار، یوخسا اؤله‌جکلر. خئدمت اتمک اوچون و ربّه تقدئم توستوله‌دئب یاندیرماق اوچون قوربانگاها یاخینلاشاندا دا 21اَل-آیاقلارینی یوسونلار، یوخسا اؤله‌جکلر. بو هارونلا اؤولادلاری اوچون نسئلدن-نسئله ابدی قایدا اولسون.»
مسح اوچون یاغ
22رب موسایا ددی: 23«بو گؤزل عطرئیّاتلاردان گؤتور: بش یوز شِکِل#30:23 تقرئبن ۵ کئلو دورو مور، اونون یاریسی قدر ائکی یوز اَلّی شِکِل عطئرلی دارچین، ائکی یوز اَلّی شِکِل عطئرلی قامیش 24و بش یوز شِکِل چئن دارچینی، هر شی موقدّس مکانین شِکِلئنه گؤره ساییلسین؛ هم ده بئر هئن#30:24 تقرئبن ۶/۳ لئتر زیتون یاغی. 25بونلاردان موقدّس مسح یاغی حاضیرلا؛ بو عطرئیّاتچینین ترتئب اتدئیی عطرئیّات، موقدّس مسح یاغی اولاجاق. 26همئن یاغلا بونلاری مسح ات: حوضور چادیرینی، شهادت ساندیغی، 27مئزی و اونون بوتون لوازئماتلارینی، چیراقدانی و اونون اشیالارینی، بوخور قوربانگاهینی، 28یاندیرما قوربانلاری اوچون قورولان قوربانگاهی و اونون بوتون اشیالارینی، بؤیوک لَیَنی و اونون آلتلیغینی. 29بله‌جه بو شیلری تقدئس ات کی، لاپ موقدّس اولسونلار؛ اونلارا توخونان هر شی موقدّس اولاجاق. 30هارونلا اوغوللارینی دا مسح اده‌رک تقدئس ات کی، منه کاهئنلئک اتسئنلر. 31ائسرایئل اؤولادلارینا بله دِه: بو سئزئن اوچون نسئلدن-نسئله منه موقدّس مسح یاغی‌دیر. 32بو یاغ ائنسان بدنلرئنه تؤکولمه‌سئن. ترکئبئنه گؤره، اونا بَنزه‌ر هچ نه حاضیرلامایین. بو یاغ موقدّسدئر؛ اونو موقدّس سایین. 33اونا بَنزه‌رئنی تَرتئب ادن و یا اونو اؤزگه آدامین اوستونه سورتَن هر کس، خالقی آراسیندان قووولسون.»
بوخور
34سونرا رب موسایا ددی: «بو عطئرلی مادّه‌لردن گؤتور: قارا کوندور، اونئکا#30:34 گؤزل ائیلی بئر مادّه، خوش عطئرلی رزه‌نه، خالئص کوندور؛ هر شی برابر مئقداردا اولسون. 35بونلاردان بوخور حاضیرلا؛ عطرئیّاتچینین ترتئب اتدئیی بو قاتیشیق دوزلو اولمالی و تمئز و موقدّسدئر. 36اوندان بئر قدر نارین دؤی و شهادت ساندیغینین قاباغیندا منئم سنئنله گؤروشه‌جیئم یر اولان حوضور چادیرینا قوی. بو سئزئن اوچون لاپ موقدّس اولسون. 37حاضیرلادیغین بوخورون ترکئبئنه گؤره اؤزونوز اوچون بوخور حاضیرلامایین؛ بو سنئن اوچون ربّه موقدّسدئر. 38هر کس کی، عطئرلی اولماق اوچون اونا بَنزه‌رئنی حاضیرلاسا، خالقینین آراسیندان قووولسون.»
Currently Selected:
چیخیش 30: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
