چیخیش 12
12
پاسخا گجه‌سی اوچون تعلئمات
1مئصئر تورپاغیندا رب موسا و هارونا ددی: 2«بو آی سئزئن اوچون ائلک آی، سئزئن اوچون ائلئن ائلک آیی اولاجاق. 3بوتون ائسرایئل جاماعاتینا دیئن: ”قوی بو آیین اونونجو گونونده، اونلاردان هر بئری اؤزلری اوچون بئر قوزو، آتالارینین اِولرئنه گؤره، هر اِو بئر قوزو گؤتورسون. 4اگر بئر آدامین عایئله‌سی بئر قوزو اوچون ساییجا آزدیر، قوی او آدام، اِوئنه یاخین قونشوسو ائله بئرلئکده، بئر حیوان گؤتوروب آداملارین سایینا، هر کسئن یئیه‌جیئنه گؤره بؤلسون. 5قوزونوز بئر ائلّئک قوصورسوز اِرکَک قوزو اولسون. اونو قویونلاردان یا دا کِچئلردن گؤتوره بئلرسئنئز. 6اونو آیین اون دؤردونجو گونونه قدر ساخلایین. قوی آخشامچاغی ائسرایئل جاماعاتیندان هر کس اونو کسسئن. 7قوربانین قانیندان گؤتوروب، اونو یئیه‌جکلری اِوئن قاپیسینین هر ائکی یان تاختاسینا و اوست دئره‌یئنه سورتسونلر. 8همئن گجه اونون اَتئنی یسئنلر؛ اَتی اوددا قیزاردیب، مایاسیز چؤرک و آجی گؤیرتی ائله یسئنلر. 9اونو چئی، و یا سودا قاینادیلمیش حالدا یمه‌یئن. کلّه‌سی، پاچاسی و ائچ‌آالاتی ائله بئرلئکده اوددا قیزاردیلمیش حالدا ییئن. 10اوندان سحره قدر بئر شی ساخلامایین و سحر قالانلارینی یاندیرین. 11اونو بله ییئن: بِلئنئز قورشانمیش، چاریقلارینیز آیاغینیزدا، و دَیَنه‌یئنئز اَلئنئزده اولسون، اونو تَلَسئک ییئن. بو، ربّئن پاسخاسی‌دیر#12:11 پاسخا عئبرانی دئلئنده یعنی «کچمک». او گجه ربّئن مَله‌یی مئصئر اؤلکه‌سئنه ائلک اوغوللاری اؤلدورمک اوچون گلدئکده، ائسرایئللی‌لرئن ائلک اوغوللارینا ال دیمه‌یئب اونلاردان کچدی. چونکی قوزو قوربانینین قانینی اونلارین قاپی چَرچئوه‌لرئنده گؤردو..
12لاکئن من او گجه مئصئر تورپاغیندان کچه‌جیم. مئصئر تورپاغیندا اولان هم ائنسانلارین بوتون ائلک اوشاقلارینی، هم ده حیوانلارین بوتون ائلک بالالارینی اؤلدوره‌جیم. بوتون مئصئر آللاهلارینا دا جزا وره‌جیم. رب منم. 13اولدوغونوز اِولرئن اوستونده‌کی قان، سئزئن اوچون علامت اولاجاق. قانی گؤروب یانینیزدان کچه‌جیم و مئصئر اؤلکه‌سئنی جزالاندیردیغیم زامان، سئزه محو اِدئجی بلا گلمیه‌جک.
پاسخا بایرامینین تعیئن اولونماسی
14بو گون سئزئن اوچون خاطئره گونو اولاجاق. اونو رب اوچون بایرام ادئن. نسئللر بویو ابدی قایدا اولاراق، اونو بایرام ادئن. 15یدّی گون مایاسیز چؤرک ییئن. آمّا بئرئنجی گون اِولرئنئزدن مایانی ییغیشدیرین. چونکی بئرئنجی گوندن یدّئنجی گونه قدر مایالی چؤرک یئین هر کسئن آیاغی ائسرایئللی‌لرئن آراسیندان کسئلمه‌لی‌دئر. 16سئزئن اوچون بئرئنجی و یدّئنجی گونلرده موقدّس ییغین اولاجاق. بو گونلر هر کس اؤزونه یمک حاضیرلاماقدان باشقا هچ بئر ائش گؤرمه‌سئن. 17بو مایاسیز چؤرک بایرامینی اونا گؤره رئعایت ادئن کی، محض همئن گون سئزئن دسته‌لرئنئزی مئصئر تورپاغیندان چیخارتدیم. بو گونو نسئل بویو ابدی قایدا اولاراق رئعایت ادئن. 18بئرئنجی آیین اون دؤردونجو گونونون آخشامیندان، آیین ائیئرمی بئرئنجی گونونون آخشامینا قدر، مایاسیز چؤرک ییئن. 19یدّی گون اِوئنئزده مایا اولماسین. چونکی مایالی بئر شی یئین هر کس ائستر اؤلکه‌ده قرئب اولسون، ائستر یرلی، آیاغی ائسرایئل ائجماعسینین آراسیندان کسئلمه‌لی‌دئر. 20هچ بئر مایالی شی یمه‌یئن، یاشادیغینیز هر بئر یرده مایاسیز چؤرک ییئن.“»
پاسخا گجه‌سی
21موسا ائسرایئلئن بوتون آغساقّاللارینی چاغیریب ددی: «عایئله‌لرئنئزه گؤره اؤزونوز اوچون قوزو گؤتورون و پاسخا قوربانینی کسئن.
22بئر دسته مرجانکؤشک گؤتوروب لَیَنده اولان قانا باتیرین و اوراداکی قاندان قاپینین اوست دئره‌یئنه و یان تاختالارینا سورتون. سحره قدر هچ کس اِوئنئن قاپیسیندان چیخماسین. 23رب مئصئرلی‌لری بلایا سالماق اوچون گلنده، قاپینین اوست دئرک و یان تاختالارینین اوستونده اولان قانی گؤروب، او قاپینین یانیندان کچه‌جک. قویمایاجاق کی، محو اِدئجی بلا اِوئنئزه گئرسئن. 24بونو ابدی قایدا اولاراق اؤزونوز و اؤولادلارینیز اوچون رئعایت ادئن. 25ربّئن ددئیی کئمی سئزه وردئیی تورپاغا گلئب بو عئبادتی یرئنه یتئرئن. 26اگر اؤولادلارینیز سئزدن سوروشالار کی، ”بو عئبادتئن معناسینی سئزئن اوچون نه‌دئر؟“ 27اونلارا جاواب ورئن: ”بو، رب اوچون پاسخا قوربانی‌دیر، او خئلاص ادن رب کی، مئصئرلی‌لری بلایا سالدیغی زامان، مئصئرده‌کی ائسرایئل اؤولادلارینین اِولرئندن کچدی و بئزئم اِولرئمئزی حئفظ اتدی.“» خالق اَیئلئب سجده اتدی. 28رب موسا و هارونا نجه امر اتمئشدی، ائسرایئل اؤولادلاری دا گدئب اله اتدئلر.
اونونجو جزا-ائلک اؤولادلارین اؤلومو
29گجه یاریسی رب مئصئر تورپاغیندا اولان بوتون ائلک اؤولادلاری ووردو؛ تختده اوتوران فئرعونون ائلک اؤولادیندان توتموش، زئنداندا اولان اسئرئن ائلک اوشاغینا قدر؛ حیوانلارین ائلک بالاسینی دا ووردو. 30گجه واختی فئرعون، اونون اعیانلاری و بوتون مئصئرلی‌لر قالخدیلار. مئصئردن بؤیوک بئر فغان قوپدو، چونکی اله بئر اِو یوخ ائدی کی، اورادا اؤلَن اولماسین. 31فئرعون گجه موسا و هارونو چاغیریب ددی: «چیخین گدئن! هم اؤزونوز، هم ده ائسرایئللی‌لر خالقیمین آراسیندان چیخین گدئن، ائسته‌دئیئنئز کئمی ربّه عئبادت ادئن. 32نجه کی دیئرسئنئز، قویون-کچئنئزی و مال-حیوانینیزی دا گؤتوروب گدئن، منه ده برکت ورئن.»
33مئصئرلی‌لر خالقی زور آلتینا قویدولار کی، اؤلکه‌‌نی تَلَسئک ترک اتسئنلر، چونکی دیئردئلر: «یوخسا هامیمیز اؤله‌جیئک.» 34خالق خمئرلرئن مایاسی آجیمامیش حالدا، پالتارلارینا بورونموش خمئر طاباقلارینی چئیئنلرئنده آپاردی. 35ائسرایئل اؤولادلاری موسانین سؤزونه عمل اتدئلر. مئصئرلی‌لردن قیزیل-گوموش و پالتارلار ائسته‌دئلر. 36رب خالقا مئصئرلی‌لرئن گؤزونده لوطف قازاندیردی و اونلارا ائسته‌دئکلرئنی وردئلر. بله‌جه اونلار مئصئرلی‌لری سویدولار.
ائسرایئل اؤولادلارینین مئصئردن چیخیشی
37ائسرایئل اؤولادلاری رَعمِسِسدن سوکّوتا یولا دوشدولر. آرواد-اوشاقدان باشقا، آلتی یوز مئنه قدر پئیادا گدن کئشی وار ائدی. 38قاریشیق بئر ائزدئحام، چوخلو قویون-کچی، مال-حیوان و آیری حیوانلار دا اونلارلا بئرلئکده یولا دوشدو. 39مئصئردن چیخارتدیقلاری خمئردن مایاسی آجیمادیغی اوچون مایاسیز فطئرلر پئشئردئلر. چونکی مئصئردن قووولموشدولار. نه یوبادا بئلردئلر، نه ده اؤزلرئنه آذوقه حاضیرلامیشدیلار. 40ائسرایئل اؤولادلارینین مئصئرده یاشادیغی مودّت دؤرد یوز اوتوز ائل اولموشدو. 41محض بو دؤرد یوز اوتوز ائل قورتاردیغی گونده، ربّئن بوتون دسته‌لری مئصئر تورپاغیندان چیخدی. 42بو او گجه‌دئر کی، گرک رب اوچون ساخلانسین. چونکی مئصئر دئیاریندان اونلاری قورتاردی. بو اله او گجه‌دئر کی، بوتون ائسرایئل خالقی نسئللر بویو او گجه‌نی ساخلامالی‌دیرلار.
پاسخا یمه‌یئنئن قایداسی
43رب موسا و هارونا ددی: «پاسخا بایرامینین قایداسی بله‌دئر: هچ بئر قرئب اوندان یمه‌سئن؛ 44آنجاق هر کسئن گوموشله ساتین آلینمیش قولو، ختنه اولوندوقدان سونرا اونو یئیه بئلر. 45قوناق و موزدلو ائشچی اوندان یِمه‌سئن. 46قوی بو یمک بئر اِوده ییئلسئن؛ اَتی اِودن اشئیه چیخاردیلماسین و اونون هچ بئر سومویونو ده سیندیرمایاجاقسینیز. 47بوتون ائسرایئل ائجماعسی بونو جشن توتسون. 48سنئن یانیندا قوناق اولان قرئب، اگر رب اوچون پاسخا کچئرتمک ائسته‌سه، قوی عایئله‌سئنده اولان بوتون کئشئلر ختنه اولونسون؛ آنجاق بو زامان اونو کچئرده بئلر و او دا سئزئن همطایفانیز کئمی ساییلار. ختنه اولونمایان هچ بئر کئشی اوندان یمه‌سئن. 49او قرئب اوچون ده کی، یانینیزدا یرلئلر کئمی یاشاییر، قانون هَمَندئر.» 50رب موسا و هارونا نجه امر اتمئشدی، ائسرایئل اؤولادلاری دا بله اتدئلر. 51رب او گون ائسرایئل اؤولادلارینی مئصئر تورپاغیندان دسته-دسته چیخارتدی.
Currently Selected:
چیخیش 12: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
چیخیش 12
12
پاسخا گجه‌سی اوچون تعلئمات
1مئصئر تورپاغیندا رب موسا و هارونا ددی: 2«بو آی سئزئن اوچون ائلک آی، سئزئن اوچون ائلئن ائلک آیی اولاجاق. 3بوتون ائسرایئل جاماعاتینا دیئن: ”قوی بو آیین اونونجو گونونده، اونلاردان هر بئری اؤزلری اوچون بئر قوزو، آتالارینین اِولرئنه گؤره، هر اِو بئر قوزو گؤتورسون. 4اگر بئر آدامین عایئله‌سی بئر قوزو اوچون ساییجا آزدیر، قوی او آدام، اِوئنه یاخین قونشوسو ائله بئرلئکده، بئر حیوان گؤتوروب آداملارین سایینا، هر کسئن یئیه‌جیئنه گؤره بؤلسون. 5قوزونوز بئر ائلّئک قوصورسوز اِرکَک قوزو اولسون. اونو قویونلاردان یا دا کِچئلردن گؤتوره بئلرسئنئز. 6اونو آیین اون دؤردونجو گونونه قدر ساخلایین. قوی آخشامچاغی ائسرایئل جاماعاتیندان هر کس اونو کسسئن. 7قوربانین قانیندان گؤتوروب، اونو یئیه‌جکلری اِوئن قاپیسینین هر ائکی یان تاختاسینا و اوست دئره‌یئنه سورتسونلر. 8همئن گجه اونون اَتئنی یسئنلر؛ اَتی اوددا قیزاردیب، مایاسیز چؤرک و آجی گؤیرتی ائله یسئنلر. 9اونو چئی، و یا سودا قاینادیلمیش حالدا یمه‌یئن. کلّه‌سی، پاچاسی و ائچ‌آالاتی ائله بئرلئکده اوددا قیزاردیلمیش حالدا ییئن. 10اوندان سحره قدر بئر شی ساخلامایین و سحر قالانلارینی یاندیرین. 11اونو بله ییئن: بِلئنئز قورشانمیش، چاریقلارینیز آیاغینیزدا، و دَیَنه‌یئنئز اَلئنئزده اولسون، اونو تَلَسئک ییئن. بو، ربّئن پاسخاسی‌دیر#12:11 پاسخا عئبرانی دئلئنده یعنی «کچمک». او گجه ربّئن مَله‌یی مئصئر اؤلکه‌سئنه ائلک اوغوللاری اؤلدورمک اوچون گلدئکده، ائسرایئللی‌لرئن ائلک اوغوللارینا ال دیمه‌یئب اونلاردان کچدی. چونکی قوزو قوربانینین قانینی اونلارین قاپی چَرچئوه‌لرئنده گؤردو..
12لاکئن من او گجه مئصئر تورپاغیندان کچه‌جیم. مئصئر تورپاغیندا اولان هم ائنسانلارین بوتون ائلک اوشاقلارینی، هم ده حیوانلارین بوتون ائلک بالالارینی اؤلدوره‌جیم. بوتون مئصئر آللاهلارینا دا جزا وره‌جیم. رب منم. 13اولدوغونوز اِولرئن اوستونده‌کی قان، سئزئن اوچون علامت اولاجاق. قانی گؤروب یانینیزدان کچه‌جیم و مئصئر اؤلکه‌سئنی جزالاندیردیغیم زامان، سئزه محو اِدئجی بلا گلمیه‌جک.
پاسخا بایرامینین تعیئن اولونماسی
14بو گون سئزئن اوچون خاطئره گونو اولاجاق. اونو رب اوچون بایرام ادئن. نسئللر بویو ابدی قایدا اولاراق، اونو بایرام ادئن. 15یدّی گون مایاسیز چؤرک ییئن. آمّا بئرئنجی گون اِولرئنئزدن مایانی ییغیشدیرین. چونکی بئرئنجی گوندن یدّئنجی گونه قدر مایالی چؤرک یئین هر کسئن آیاغی ائسرایئللی‌لرئن آراسیندان کسئلمه‌لی‌دئر. 16سئزئن اوچون بئرئنجی و یدّئنجی گونلرده موقدّس ییغین اولاجاق. بو گونلر هر کس اؤزونه یمک حاضیرلاماقدان باشقا هچ بئر ائش گؤرمه‌سئن. 17بو مایاسیز چؤرک بایرامینی اونا گؤره رئعایت ادئن کی، محض همئن گون سئزئن دسته‌لرئنئزی مئصئر تورپاغیندان چیخارتدیم. بو گونو نسئل بویو ابدی قایدا اولاراق رئعایت ادئن. 18بئرئنجی آیین اون دؤردونجو گونونون آخشامیندان، آیین ائیئرمی بئرئنجی گونونون آخشامینا قدر، مایاسیز چؤرک ییئن. 19یدّی گون اِوئنئزده مایا اولماسین. چونکی مایالی بئر شی یئین هر کس ائستر اؤلکه‌ده قرئب اولسون، ائستر یرلی، آیاغی ائسرایئل ائجماعسینین آراسیندان کسئلمه‌لی‌دئر. 20هچ بئر مایالی شی یمه‌یئن، یاشادیغینیز هر بئر یرده مایاسیز چؤرک ییئن.“»
پاسخا گجه‌سی
21موسا ائسرایئلئن بوتون آغساقّاللارینی چاغیریب ددی: «عایئله‌لرئنئزه گؤره اؤزونوز اوچون قوزو گؤتورون و پاسخا قوربانینی کسئن.
22بئر دسته مرجانکؤشک گؤتوروب لَیَنده اولان قانا باتیرین و اوراداکی قاندان قاپینین اوست دئره‌یئنه و یان تاختالارینا سورتون. سحره قدر هچ کس اِوئنئن قاپیسیندان چیخماسین. 23رب مئصئرلی‌لری بلایا سالماق اوچون گلنده، قاپینین اوست دئرک و یان تاختالارینین اوستونده اولان قانی گؤروب، او قاپینین یانیندان کچه‌جک. قویمایاجاق کی، محو اِدئجی بلا اِوئنئزه گئرسئن. 24بونو ابدی قایدا اولاراق اؤزونوز و اؤولادلارینیز اوچون رئعایت ادئن. 25ربّئن ددئیی کئمی سئزه وردئیی تورپاغا گلئب بو عئبادتی یرئنه یتئرئن. 26اگر اؤولادلارینیز سئزدن سوروشالار کی، ”بو عئبادتئن معناسینی سئزئن اوچون نه‌دئر؟“ 27اونلارا جاواب ورئن: ”بو، رب اوچون پاسخا قوربانی‌دیر، او خئلاص ادن رب کی، مئصئرلی‌لری بلایا سالدیغی زامان، مئصئرده‌کی ائسرایئل اؤولادلارینین اِولرئندن کچدی و بئزئم اِولرئمئزی حئفظ اتدی.“» خالق اَیئلئب سجده اتدی. 28رب موسا و هارونا نجه امر اتمئشدی، ائسرایئل اؤولادلاری دا گدئب اله اتدئلر.
اونونجو جزا-ائلک اؤولادلارین اؤلومو
29گجه یاریسی رب مئصئر تورپاغیندا اولان بوتون ائلک اؤولادلاری ووردو؛ تختده اوتوران فئرعونون ائلک اؤولادیندان توتموش، زئنداندا اولان اسئرئن ائلک اوشاغینا قدر؛ حیوانلارین ائلک بالاسینی دا ووردو. 30گجه واختی فئرعون، اونون اعیانلاری و بوتون مئصئرلی‌لر قالخدیلار. مئصئردن بؤیوک بئر فغان قوپدو، چونکی اله بئر اِو یوخ ائدی کی، اورادا اؤلَن اولماسین. 31فئرعون گجه موسا و هارونو چاغیریب ددی: «چیخین گدئن! هم اؤزونوز، هم ده ائسرایئللی‌لر خالقیمین آراسیندان چیخین گدئن، ائسته‌دئیئنئز کئمی ربّه عئبادت ادئن. 32نجه کی دیئرسئنئز، قویون-کچئنئزی و مال-حیوانینیزی دا گؤتوروب گدئن، منه ده برکت ورئن.»
33مئصئرلی‌لر خالقی زور آلتینا قویدولار کی، اؤلکه‌‌نی تَلَسئک ترک اتسئنلر، چونکی دیئردئلر: «یوخسا هامیمیز اؤله‌جیئک.» 34خالق خمئرلرئن مایاسی آجیمامیش حالدا، پالتارلارینا بورونموش خمئر طاباقلارینی چئیئنلرئنده آپاردی. 35ائسرایئل اؤولادلاری موسانین سؤزونه عمل اتدئلر. مئصئرلی‌لردن قیزیل-گوموش و پالتارلار ائسته‌دئلر. 36رب خالقا مئصئرلی‌لرئن گؤزونده لوطف قازاندیردی و اونلارا ائسته‌دئکلرئنی وردئلر. بله‌جه اونلار مئصئرلی‌لری سویدولار.
ائسرایئل اؤولادلارینین مئصئردن چیخیشی
37ائسرایئل اؤولادلاری رَعمِسِسدن سوکّوتا یولا دوشدولر. آرواد-اوشاقدان باشقا، آلتی یوز مئنه قدر پئیادا گدن کئشی وار ائدی. 38قاریشیق بئر ائزدئحام، چوخلو قویون-کچی، مال-حیوان و آیری حیوانلار دا اونلارلا بئرلئکده یولا دوشدو. 39مئصئردن چیخارتدیقلاری خمئردن مایاسی آجیمادیغی اوچون مایاسیز فطئرلر پئشئردئلر. چونکی مئصئردن قووولموشدولار. نه یوبادا بئلردئلر، نه ده اؤزلرئنه آذوقه حاضیرلامیشدیلار. 40ائسرایئل اؤولادلارینین مئصئرده یاشادیغی مودّت دؤرد یوز اوتوز ائل اولموشدو. 41محض بو دؤرد یوز اوتوز ائل قورتاردیغی گونده، ربّئن بوتون دسته‌لری مئصئر تورپاغیندان چیخدی. 42بو او گجه‌دئر کی، گرک رب اوچون ساخلانسین. چونکی مئصئر دئیاریندان اونلاری قورتاردی. بو اله او گجه‌دئر کی، بوتون ائسرایئل خالقی نسئللر بویو او گجه‌نی ساخلامالی‌دیرلار.
پاسخا یمه‌یئنئن قایداسی
43رب موسا و هارونا ددی: «پاسخا بایرامینین قایداسی بله‌دئر: هچ بئر قرئب اوندان یمه‌سئن؛ 44آنجاق هر کسئن گوموشله ساتین آلینمیش قولو، ختنه اولوندوقدان سونرا اونو یئیه بئلر. 45قوناق و موزدلو ائشچی اوندان یِمه‌سئن. 46قوی بو یمک بئر اِوده ییئلسئن؛ اَتی اِودن اشئیه چیخاردیلماسین و اونون هچ بئر سومویونو ده سیندیرمایاجاقسینیز. 47بوتون ائسرایئل ائجماعسی بونو جشن توتسون. 48سنئن یانیندا قوناق اولان قرئب، اگر رب اوچون پاسخا کچئرتمک ائسته‌سه، قوی عایئله‌سئنده اولان بوتون کئشئلر ختنه اولونسون؛ آنجاق بو زامان اونو کچئرده بئلر و او دا سئزئن همطایفانیز کئمی ساییلار. ختنه اولونمایان هچ بئر کئشی اوندان یمه‌سئن. 49او قرئب اوچون ده کی، یانینیزدا یرلئلر کئمی یاشاییر، قانون هَمَندئر.» 50رب موسا و هارونا نجه امر اتمئشدی، ائسرایئل اؤولادلاری دا بله اتدئلر. 51رب او گون ائسرایئل اؤولادلارینی مئصئر تورپاغیندان دسته-دسته چیخارتدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.