چیخیش 11
11
آخیر جزا اعلان ادئلئر
1سونرا رب موسایا ددی: «فئرعونون و مئصئرئن اوستونه داها بئر جزا گؤندَ‌ره‌جیم؛ بوندان سونرا او، سئزی آزاد بوراخاجاق، سئزی بوراخاندا، بورادان سئزی تامامن قوواجاق. 2خالقا چاتدیر کی، هر کئشی اؤز قونشوسوندان و هر آرواد اؤز دوستوندان قیزیل-گوموش شیلر ائسته‌سئن.» 3رب اؤز خالقینا مئصئرلی‌لرئن گؤزونده لوطف قازاندیردی. موسا اؤزو ده مئصئر اؤلکه‌سئنده فئرعونون اعیانلارینین و خالقین گؤزونده چوخ بؤیوک آدام ائدی. 4موسا ددی: «رب بله دیئر: ”گجه یاریسی من مئصئرئن آراسیندان کچه‌جیم؛ 5مئصئر تورپاغیندا تختده اوتوران فئرعونون اوغلوندان توتموش، دَیئرمان آرخاسیندا اولان کنئز اوغلونا قدر، هامینین ائلک اوشاغی اؤله‌جک. حتّا بوتون حیوانلارین دا ائلک بالالاری اؤله‌جک. 6بوتون مئصئر تورپاغیندا اله بؤیوک بئر فغان قوپاجاق کی، ائندئیه‌جک بله‌سی اولماییب و بوندان سونرا دا اولمایاجاق. 7لاکئن ائسرایئل اؤولادلارینین هچ بئرئنئن ضئدّئنه حتّا بئر ائت ده هورمیه‌جک، نه بئر آداما، نه ده بئر حیوانا. بوندان بئله‌جکسئنئز کی، رب ائسرایئل اؤولادلاری ائله مئصئرلی‌لر آراسیندا نجه فرق قویور. 8سونرا بوتون بو قوللارین یانیما گله‌جکلر و منه تعظئم ادئب دئیه‌جکلر: سن و دالینجا گلن بوتون خالق بورادان چیخین! بوندان سونرا من چیخاجاغام.“» سونرا موسا قیزغین قضبله فئرعونون یانیندان چیخدی.
9رب موسایا ددی: «فئرعون سئزه قولاق آسمایاجاق کی، مئصئر دئیاریندا منئم مؤجوزه‌لرئم چوخالسین.» 10موسا و هارون بوتون بو مؤجوزه‌لری فئرعونون حوضوروندا گؤرستدئلر. لاکئن رب فئرعونون اوره‌یئنی عئنادکار اتدی و او، ائسرایئل اؤولادلارینی اؤز تورپاغیندان آزاد بوراخمادی.
Currently Selected:
چیخیش 11: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
