اِفِسوسلولارا 6

عایئله ائچنده

1اؤولادلار، ربده والئدینلرئنئزدن ائطاعت ادئن، چونکی بو دوزدور. 2آتا و آنانا حؤرمت ات (کی، وعده‌لی اولان بئرئنجی حؤکمدور) 3کی، سعادت سنه یار اولسون و یر اوزونده عؤمرون اوزون اولسون.#6‏:3 تثنئیه ۵‏:۱۶

4ای آتالار، سئز ده اؤولادلارینیزی قضبلَندئرمه‌یئن. لاکئن اونلاری ربّئن تربئیه و تعلئمی ائله بؤیودون. 5ای قوللار، جئسمه گؤره آغالارینیز اولانلارا اوره‌یئنئزئن صافلیغیندا قورخو و لرزه ائله موطئع اولون، نجه کی، مسئحه. 6ائنسانلاری راضی اتمک ائسته‌ینلر کئمی گؤزه خوش گؤرونن خئدمتلر‌له یوخ، مسئحئن قوللاری کئمی کی، اورَکدن تارینین ائراده‌سئنی یرئنه یتئرئرلر. 7خوش نئیّتله ائنسانلارا یوخ، ربّه قوللوق ادن کئمی خئدمت ادئن. 8بئلئن ده کی، یاخشی ائش گؤرن هر کس ربدن عوضئنی آلاجاق، ائستر قول اولسون، ائستر آزاد.

9ای آغالار، سئز ده قوللارینیزلا همن جور رفتار ادئن. قورخوتماقدان اَل گؤتورون و بئلئن کی، هم اونلارین آغاسی هم ده سئزئن آغانیز گؤیده‌دئر و او، هچ کسدن طرفدارلیق اتمز.

ربّئن سئلاحلاری

10نهایت، ربده قودرتلی، اونون دا قووّتئنده گوجلو اولون. 11تارینین بوتون سئلاحلارینی گیئنئن کی، ائبلئسئن حئیله‌لری قاباغیندا مؤحکم دایانا بئله‌سئنئز. 12چونکی بئزئم موبارئزه‌مئز جئسم و قانین ضئدّئنه یوخ، ریاستلرئن، قودرتلرئن، بو قارانلیق دونیانین حؤکمدارلارینین و سماوی یرلرده اولان شرئر روحانی قووّه‌لرئنئن ضئدّئنه‌دئر. 13بونا گؤره تارینین بوتون سئلاحلارینی گؤتورون کی، شرئر گونده موقاوئمت اتمه‌یه قادئر اولاسینیز و هر شیی اِدَندن سونرا مؤحکم دایاناسینیز. 14بوندان اؤتری ده مؤحکم دایانین. بلئنئزه حقئقت قورشاغینی باغلایین. صالحلئک زئرهئنی ده سئنه‌‌نئزه تاخین. 15باریش ائنجئلئنئن حاضیرلیغینی آیاغینیزا گیئن. 16و بونلارین هامیسیندان علاوه، ائمان قالخانینی اَله آلین کی، اونونلا او شرئر اولانین بوتون آلوولو اوخلارینی سؤندورمه‌یه قادئر اولارسینیز. 17نئجات دَبئلقه‌سئنی، و موقدّس روحون قیلینجینی دا کی، تارینین سؤزو اولسون، گؤتورون. 18بوتون دوعا و یالواریشدا، همئشه موقدّس روحدا دوعا ادئن. و بونو گؤز قاباغیندا ساخلاییب، بوتون موقدّسلر اوچون بوتون ائستئقامت و یالواریشلا آییق اولون. 19منئم اوچون ده دوعا ادئن کی، آغزیمی آچاندا آچیق دئل‌له دانیشماق عطا اولونسون. اِله کی، ائنجئلئن سئرّئنی جسارتله بئلدئرئم کی، 20بونون اوچون ده زنجئلرده باغلی اولان بئر اِلچی‌یَم؛ یعنی، من اعلان اتدئکده اله جسارتله دانیشیم کی، اله دانیشماق منه گرکدئر.

21آمّا منئم وضعئیّتئم باره‌ده و بورادا نجه کچئرتدئیئم حاقدا، سوگئلی قارداش و ربّئن وفالی خئدمتچئسی تئخئکوسدان خبر آلا بئلرسئنئز. او هر شیی سئزه بئلدئره‌جک. 22و اونو محض بو نئیّت اوچون سئزئن یانینیزا گؤندَ‌رمئشم کی، سئز بئزئم احوالاتیمیزدان خبردار اولاسینیز و او، سئزئن اورَکلرئنئزه تسلّی ورسئن.

23آتا تاری و رب عئسا مسئحدن قارداشلارا ائمانلا بئرلئکده باریش و محبّت اولسون. 24فیض بوتون او آداملارلا اولسون کی، ربّئمئز عئسا مسئحی اؤلمز محبّتله سوئرلر.

Currently Selected:

اِفِسوسلولارا 6: موقدس کتاب

Highlight

Copy