دانیال 6
6
دانیال شئرلرله قویودا
1داریوشا موناسئب گؤروندو کی، اؤلکه‌یه باشچیلیق اتمک اوچون پادشاهلیغینین بوتون اراضئسئنه یوز ائیئرمی ساتراپ تعیئن اتسئن، 2و اونلارا اوچ وزئر باشچیلیق اتسئن. بو ساتراپلار اونلارا حسابات ورسئنلر، اِله کی، پادشاها زئیان دَیمه‌سئن. همئن اوچ وزئردن بئری دانیال ائدی. 3دانیال باشقا وزئرلردن و ساتراپلاردان یوخاری ائدی، چونکی اوندا خارئقولعاده بئر روح وار ائدی. بونا گؤره ده پادشاه قرارا گلمئشدی کی، اونو بوتون اؤلکه‌یه باشچی قویسون.
4بله اولاندا، باشقا وزئرلر و ساتراپلار بئر بهانه آختارماغا باشلادیلار کی، اونونلا دانیالدان پادشاهلیغین ائداره‌سی حاقّیندا شئکایت اتسئنلر، آمّا هچ بئر بهانه و تقصئر تاپا بئلمه‌دئلر، چونکی دانیال صادئق بئر آدام ائدی و اوندا هچ بئر سهو و یا تقصئر تاپیلمادی. 5نهایت، بو آداملار ددئلر: «بئز دانیالین ضئدّئنه هچ بئر بهانه تاپمایاجاغیق مگر بو کی، دانیالین تاریسینین دئنئنده اونون ضئدّئنه بئر شی تاپاق.»
6او واخت بو وزئرلر و ساتراپلار بئرله‌شئب پادشاهین یانینا گلدئلر و اونا بله ددئلر: «قوی پادشاه داریوش همئشه صاغ اولسون! 7اؤلکه‌نئن بوتون وزئرلری، قاییم‌مقاملاری، ساتراپلاری، موشاوئرلری و والئلری بئرلئکده راضیلاشدیلار کی، پادشاه بله بئر فرمانی و قدغن امرئنی صادئر اتسئن: ای پادشاه، اوتوز گون عرضئنده کئم سندن باشقا بئر آللاها، یا دا ائنسانا دوعا اتسه، شئرلر اولان قویویا آتیلسین. 8ای پادشاه، ائندی بو قدغن امرئنی ور، ماد و فارس قانونلارینا اَساسن دَیئشئلمَز و هچ واخت پوزولمایان بو فرمانی ائمضالا.» 9پادشاه داریوش بله بئر فرمانی و قدغن امرئنی ائمضالادی.
10دانیال بله بئر فرمانین ائمضالاندیغینی اؤیرَندئکده اؤز اِوئنه قاییتدی. اونون یوخاری اوتاغینین اورشلئمه طرف اولان پنجره‌لری آچیق ائدی. دانیال اوّللر اتدئیی کئمی گونده اوچ دفه دئزه دوشوب اؤز تاریسینا دوعا اتدی و اونون قاباغیندا شوکور اتدی. 11او واخت بو آداملار بئرلئکده اورایا گدئب گؤردولر کی، دانیال تاریسینا دوعا ادئب یالواریر. 12سونرا گلئب پادشاها اؤز قدغن امری باره‌ده ددئلر: «ای پادشاه، مگر سن بله بئر قدغن امرئنی ائمضالاییبسان کی، اوتوز گون عرضئنده کئم سندن باشقا بئر آللاها، یا دا ائنسانا دوعا اتسه، شئرلر اولان قویویا آتیلسین؟» پادشاه جاواب وردی: «بو قرار دَیئشئلمَز اولان ماد و فارس قانونلارینا اَساسن قطعی‌دئر.» 13او واخت اونلار پادشاها ددئلر: «ای پادشاه، اسئر اولونموش یهودالی‌لاردان اولان دانیال نه سنه اهمئیّت ورئر، نه ده ائمضالادیغین قدغن امرئنه! گونده اوچ دفه دوعا ادئر.» 14پادشاه بو سؤزلری اشئدنده چوخ کَدَرلَندی و اوره‌یئنده نئیّت اتدی کی، دانیالی قورتارسین. پادشاه حتّا گونش باتانا قدر اونو خئلاص اتمه‌یه چالیشدی. 15لاکئن او آداملار بئرلئکده پادشاهین یانینا گلئب اونا ددئلر: «ای پادشاه، بونو بئل کی، ماد و فارس قانونلارینا گؤره پادشاهین تصدئق اتدئیی قدغن امری و فرمانی دَیئشئلمَز.» 16بله‌جه پادشاه امر اتدی و دانیالی گتئرئب شئرلر اولان قویویا آتدیلار. پادشاه دانیالا بله ددی: «قوی همئشه قوللوق اتدئیئن تارین سنی قورتارسین!» 17سونرا بئر داش گتئرئلئب قویونون آغزینا قویولدو. پادشاه اؤزونون مؤهور اوزویو و اعیانلارینین اوزوکلری ائله داشی مؤهورله‌دی کی، دانیال حاقّیندا هچ بئر شی دَیئشئلمه‌سئن. 18سونرا پادشاه اؤز سارایینا قاییتدی. گجه‌نی اوروج توتدو، کِف اوچون اونا هچ بئر شی گتئرئلمه‌دی، و یوخوسو دا قاچدی.
19سحر آچیلاندا پادشاه یِرئندن قالخیب تَله‌سئک شئرلرئن اولدوغو قویویا گتدی. 20اورایا یاخینلاشاندا، کَدَرلی سَسله دانیالی چاغیریب ددی: «ای دانیال، وار اولان تارینین قولو! همئشه قوللوق اتدئیئن تارین آیا سنی شئرلردن قورتارا بئلدی؟» 21او واخت دانیال پادشاها ددی: «قوی پادشاه همئشه صاغ اولسون! 22تاریم اؤز مَله‌یئنی گؤندَ‌رئب شئرلرئن آغزینی باغلادی و اونلار منه هچ زئیان یتئرمه‌یئبلر، چونکی منئم تارینین حوضوروندا تقصئرسئز اولدوغوم بئلئنئب. ای پادشاه، سنئن ده ضئدّئنه هچ بئر ائش گؤرمه‌مئشم.» 23او واخت پادشاه چوخ سِوئندی و امر اتدی کی، دانیالی قویودان چیخارتسینلار. بله‌جه دانیال قویودان چیخاریلدی و اونون بدنئنده هچ بئر زَده یوخ ائدی، چونکی اؤز تاریسینا بِل باغلامیشدی. 24پادشاه امر اتدی و دانیالا ائتّئهام ووران آداملار گتئرئلدی. اونلاری، اوشاقلاری و آروادلاری ائله بئرلئکده شئرلرئن اولدوغو قویویا آتدیلار. قویونون دئبئنه چاتمامیش شئرلر اونلاری قاپیب سوموکلرئنی تئکه-تئکه اتدئلر.
25او زامان داریوش پادشاه بوتون دونیادا یاشایان خالقلارین، مئلّتلرئن و دئل‌لرئن آداملارینا بله یازدی: «باریشینیز بول اولسون! 26فرمان ورئرم کی، بوتون پادشاهلیغیمین اَراضئسئنده اولان آداملار دانیالین تاریسیندان قورخوب تئتره‌سئنلر، چونکی او، وار اولان تاری‌دیر، ابدی اولان اودور، اونون پادشاهلیغی داغیلماز و حؤکمرانلیغی ابدی‌دئر. 27او قورتاریب خئلاص اِدَر، گؤیلرده و یرده علامتلر، مؤجوزه‌لر گؤرسه‌دَر. دانیالی شئرلرئن پنجه‌سئندن او قورتاریب.»
28بله‌جه دانیال داریوشون و فارسلی کوروشون پادشاهلیغیندا اوغور قازاندی.
Currently Selected:
دانیال 6: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
