دانیال 11
11
1من مادلی داریوشون پادشاهلیغینین بئرئنجی ائلئنده، اونون یانیندا قالدیم کی، اونو تشوئق اِدئب اونا قووّت ورئم.
شئمال و جنوب پادشاهلاری
2ائندی حقئقتی سنه بئلدئره‌جیم: فارس اؤلکه‌سئنده داها اوچ پادشاه اولاجاق. دؤردونجوسونون هامیسیندان چوخ وار-دؤولتی اولاجاق. وار-دؤولتئنئن وسئله‌سی ائله قووّتلَنَنده، هامینی یونان پادشاهلیغینین ضئدّئنه قالدیراجاق. 3سونرا گوجلو بئر پادشاه گله‌جک و چوخ قودرتله حؤکمدارلیق ادئب و اؤز ائسته‌دئیئنی اده‌جک. 4لاکئن اونون گلدئیی آن، پادشاهلیغی داغیلیب گؤیلرئن دؤرد کوله‌یئنئن سمتئنه بؤلونه‌جک، اونون نسلئنه کچمیه‌جک و اونون حؤکمرانلیغی کئمی، گوجلو اولمایاجاق. چونکی اونون پادشاهلیغی داغیلاجاق و نسلئندن اولمایان آداملارا قالاجاق.
5سونرا جنوب پادشاهی#11:5 یعنی مئصئر پادشاهی گوجلَنه‌جک، لاکئن ریئسلرئندن بئری اوندان داها گوجلو اولاجاق. او حؤکمرانلیق اده‌جک و قودرتلی حؤکمدار اولاجاق. 6بئر نِچه ائلدن سونرا اونلار بئربئرلرئنه قوشولاجاقلار. جنوب پادشاهینین قیزی شئمال پادشاهینین#11:6 یعنی سورئیه پادشاهی یانینا گده‌جک کی، صولح سازئشی باغلاسین. آمّا بو آرواد گوجونو ساخلایا بئلمیه‌جک. شئمال پادشاهینین عؤمرو ده، حاکئمئیّتی ده اوزون سورمه‌یه‌جک. آرواد، اونونلا همراه اولانلار، اونا آتالیق ادن آتاسی و اونا دایاق اولان تسلئم ادئله‌جک. 7آروادین نسلئندن بئری جنوب پادشاهینین یرئنه کچه‌جک. او، شئمال پادشاهینین قوشونونا هوجوم ادئب اونون قالاسینا گئره‌جک. اونلارلا ووروشوب قالئب گله‌جک. 8حتّا اونلارین آللاهلارینی، تؤکمه بوتلرئنی قئیمتلی قیزیل و گوموش قابلاری ائله بئرلئکده مئصئره چکئب آپاراجاق. بئر نچه ائل عرضئنده شئمال پادشاهینی راحات بوراخاجاق. 9سونرا او دا جنوب پادشاهینین اؤلکه‌سئنه هوجوم اده‌جک، و اؤز تورپاغینا قاییداجاق.
10سونرا شئمال پادشاهینین اوغوللاری موحارئبه‌یه حاضیرلانیب چوخلو قوشون ییغاجاقلار. قوشون سل کئمی گلئب کچه‌جک و ائره‌لئله‌یه‌رَک جنوب پادشاهینین قالاسینا هوجوم اده‌جک. 11جنوب پادشاهی قضبله‌نئب چیخاجاق و اونونلا یعنی شئمال پادشاهی ائله ووروشاجاق. او دا بؤیوک بئر قوشون چیخارداجاق، لاکئن بو قوشون جنوب پادشاهینا تسلئم ادئله‌جک. 12قوشون مغلوب اولاندا، جنوب پادشاهینین اوره‌یی کئبئرله‌نئب، اون مئنلرله آدامی هلاک اده‌جک، آمّا قَلَبه‌سی اوزون سورمه‌یه‌جک. 13چونکی شئمال پادشاهی قاییدیب اوّلکئندن داها بؤیوک قوشون چیخارداجاق و بئر نِچه ائلدن سونرا تام سئلاحلانمیش بؤیوک بئر قوشونلا گله‌جک.
14او زامان بئر چوخو جنوب پادشاهینین ضئدّئنه چیخاجاق. سنئن خالقیندان قولو-زورلولار آیاغا قالخاجاقلار کی، رؤیانی یرئنه یتئرسئنلر، لاکئن اوغور قازانمایاجاقلار. 15شئمال پادشاهی گله‌جک و حاصارلارا تورپاق ییغاراق، تپه‌لر دوزَ‌لدئب قالالی شهری آلاجاق. جنوبون قووّه‌لری اونون قاباغیندا تاب گتئرمیه‌جک، لاپ سِچمه قوشونو دا موقاوئمت گؤرسده بئلمیه‌جک. 16اونا هوجوم گتئرن شئمال پادشاهی ائسته‌دئیئنی اده‌جک و هچ کس اونون قاباغیندا دورا بئلمیه‌جک. گؤزل اؤلکه‌ده#11:16 ائسرایئل اؤلکه‌سی نظرده توتولور قالاجاق و اورانی وئران اتمک قودرتی اونون اَلئنده اولاجاق.
17شئمال پادشاهی قرارا آلاجاق کی، اؤلکه‌سئنئن بوتون قووّه‌لری ائله بئرلئکده گلسئن. او صولح سازئشئنئن شرطلرئنی تکلئف ادئب یرئنه یتئره‌جک. جنوب پادشاهلیغینی محو اتمک اوچون اونا آروادلارین قیزینی وره‌جک، آمّا حئیله‌سی باش توتمایاجاق و اونا کؤمک اولمایاجاق. 18سونرا نظرئنی ساحئل اؤلکه‌لرئنه چِوئره‌جک و اونلارین چوخونو آلاجاق. لاکئن بئر سرکرده اونون اتدئیی حقارته آخیر قویاجاق، دوغرودان دا، حقارتئنی اؤز باشینا گتئره‌جک. 19سونرا نظرئنی اؤز اؤلکه‌سئنئن قالالارینا طرف چِوئره‌جک. لاکئن بودره‌یئب ییخیلاجاق و اوندان بئر اثر قالمایاجاق. 20اونون یرئنه کِچَن پادشاه، پادشاهلیغین شؤوکتی اوچون، اؤز خراج ییغانینی گؤند‌ره‌جک، آمّا بئر نچه گون عرضئنده او دا قضبسئز و ساواشسیز ییخیلاجاق.
21اونون یرئنه نامرد بئر آدام کچه‌جک کی، پادشاهلیق حؤرمتی اونا ورئلمه‌یه‌جک. او اَمئن-آمانلیق زامانیندا گلئب یالتاقلیقلا حاکئمئیّتی قصب اده‌جک. 22قوشونلار اونون قاباغیندان سوپورولوب داغیلاجاق، حتّا عهدئن ریئسی بِله. 23اونونلا ائتّئفاق باغلاندیقدان سونرا، او حئیله ائشله‌ده‌جک و گلئب کئچئک بئر عئدّه ائله گوج قازاناجاق. 24او اَمئن-آمانلیق زامانیندا لاپ وارلی تورپاقلارا گله‌جک و آتالارینین و بابالارینین گؤرمه‌دئیی ائشلری گؤره‌جک. تالانی، قارت اولونموشو، و مال-دؤولتی آداملارینا پایلایاجاق و قالالارا هوجوم اتمک اوچون نئیّتلر قوراجاق. لاکئن بو، اوزون سورمه‌یه‌جک.
25سونرا گوج و جسارت ییغیب بؤیوک بئر قوشونلا جنوب پادشاهینین ضئدّئنه چیخاجاق. جنوب پادشاهی دا بؤیوک و چوخ گوجلو بئر قوشونلا دؤیوشه گئره‌جک، آمّا موقاوئمت گؤرسه‌ده بئلمیه‌جک، چونکی اونون ضئدّئنه قصد قوراجاقلار. 26حتّا اونونلا بئر سوفره‌ده اوتورانلار اونو محو اده‌جکلر. قوشونو سوپوروله‌جک و چوخلو تلفات اولاجاقدیر. 27بو پادشاهلارین هر ائکئسئنئن ده اوره‌یی پئسلئک اتمه‌یه چکئله‌جک و بئر سوفره آرخاسیندا یالان دانیشاجاقلار. لاکئن هچ بئر شی باش توتمایاجاق، چونکی اونلارین آخیری موعیّن واختدا اولاجاق.
28شئمال پادشاهی بؤیوک ثروتله اؤز اؤلکه‌سئنه قاییداجاق، لاکئن اوره‌یی موقدّس عهدئن ضئدّئنه چکئله‌جک. ائسته‌دئیئنی ادئب اؤز اؤلکه‌سئنه دؤنه‌جک. 29موعیّن بئر واخت گئنه جنوبا گله‌جک، آمّا بو واخت قاباقکی کئمی اولمایاجاق. 30کئتّئم #۱۱:۳۰ «کئتّئم» - دار معنادا قئبرئس جزئره‌سی، گِنئش معنادا آمّا آرالیق دهنزئنئن خالقلاری، خوصوصی ائله روملولار نظرده توتولور. گَمئلری اونون ضئدّئنه گله‌جک و او، روحدان دوشوب گری دؤنه‌جک. قضبله‌نئب موقدّس عهده ضئدّ چیخاجاق و گئنه موقدّس عهدی بوراخانلارلا یاخشی رفتار اده‌جک. 31اونون گؤندَردئیی قوشونلار قالخیب قالانی، موقدّس مکانی نجئسلَیه‌جک، دائمی یاندیرما قوربانینی دایاندیراجاق و وئرانه‌لئک گتئرن ائیرنج شیی قویاجاقلار. 32او، عهده خیانت ادنلری یالتاقلیقلا یولدان آزدیراجاق، لاکئن اؤز تاریسینی تانی‌یان خالق قووّتله‌نئب عمله گئره‌جک. 33خالقین آغیلّی آداملاری، چوخونا فهم وره‌جکلر، لاکئن بئر مودّت قیلینجلا اؤلدوروله‌جکلر، یاندیریلاجاقلار، اسئر دوشه‌جکلر و قارت ادئله‌جکلر. 34اونلار مغلوب اولاندا، اونلارا بئر آز کؤمک ادئله‌جک، آمّا چوخ آدام رئیاکارجاسینا اونلارا قوشولاجاق. 35آغیلّی آداملاردان بعضئسی هلاک اولاجاق کی، قالانلاری آخیر زامانا قدر خالئصله‌شئب تمئزله‌نسئن و لکه‌سئز اولسون. چونکی آخیر زامان گئنه ده موعیّن واختدا اولاجاق.
36پادشاه، ائسته‌دئیئنی اده‌جک، کئبئرله‌نئب اؤزونو بوتون آللاهلاردان یوخاری سایاجاق، آللاهلارین تاریسینین ضئدّئنه، چوخ یاوا دانیشاجاق و تارینین قضبی تاماملایاناجاق اوغور قازاناجاق، چونکی موعیّن ادئلَن شی یرئنه یِتئشمه‌لی‌دئر. 37هچ بئر آللاها احتئرام گؤرسدمیه‌جک، نه اؤز آتالارینین آللاهلارینا، نه آروادلارین سِودئیئنه، نه ده هر هانسی بئر تارییا. چونکی اؤزونو بوتون آللاهلاردان یوخاری سایاجاق. 38آنجاق اونون عوضئنه قالالار آللاهینی عئزّتلَندئره‌جک؛ آتالارینین تانیمادیغی بئر آللاهی. او بو آللاهی قیزیل، گوموش، قئیمتلی داشلار و گؤزل اشیالارلا عئزّتلَندئره‌جک. 39او، یاد بئر آللاها بِل باغلاماقلا لاپ گوجلو قالالارا هوجوم اده‌جک. اونو قبول ادنلری حدّئندن آرتیق عئزّتلَندئره‌جک و اونلاری چوخلو آداملارا باشچی قویاجاق و اؤلکه‌نی اوجرت اولاراق اونلارین آراسیندا بؤلوشدوره‌جک.
40آمّا آخیر زاماندا جنوب پادشاهی اونونلا ووروشاجاق. شئمال پادشاهی اؤز دؤیوش عارابالاری، آتلی‌لاری و چوخلو گَمئلری ائله طوفان کئمی اونون اوستونه هوجوم چکه‌جک، موختلئف اؤلکه‌لری ائستئلا اده‌جک و اونلاردان سل کئمی کچه‌جک. 41گؤزل اؤلکه‌یه ده گئره‌جک. چوخلو اؤلکه ائشغال اولوناجاق، لاکئن اِدوم، موآب و عَمّونلولارین باشچی‌لاری اونون اَلئندن قورتاراجاقدیر. 42او، باشقا اؤلکه‌لره ضربه ووراجاق، مئصئر اؤلکه‌سی ده خئلاص اولا بئلمیه‌جک. 43مئصئرئن قیزیل-گوموش خزئنه‌لرئنی و بوتون ثروتلرئنی اَله کچئرده‌جک. لئبیالی‌لار و کوشلولار دا اونا تابع اولاجاقلار. 44لاکئن شرقدن و شئمالدان گلن خبرلر اونو ناراحات اده‌جک. بؤیوک حئدّتله یولا دوشه‌جک کی، بئر چوخلارینی اؤلدوروب محو اتسئن. 45اؤز پادشاه چادیرلارینی دهنزله گؤزل موقدّس داغین آراسیندا قوراجاق. آنجاق اونون عاقئبَتی چاتاجاق و هچ کس اونا کؤمک اده بئلمیه‌جک.
Currently Selected:
دانیال 11: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
