۲پطروس 3
3
ربّئن گونو
1ائندی سِوگئلئلر، بو ائکئنجی مکتوبدور کی، سئزه یازیرام؛ اونلاردا چالیشیرام کی، خاطیرلاتماقلا سئزئن خالئص فئکئرلرئنئزی اویاندیریم کی، 2سئز، موقدّس نبئلر طرفئندن قاباقجادان دیئلمئش سؤزلری و حوارئلرئنئزئن واسئطه‌سئله دیئلمئش رب و قورتاریجینین امرئنی یادا سالاسینیز. 3هر شیدن اوّل بونو بئلئن کی، آخیر گونلرده رئشخند ادنلر، رئشخندله گله‌جکلر و اؤز شهوتلرئنئن دالینجا قاچیب، 4دئیه‌جکلر: «بس اونون گلئشئنئن وعده‌سی هانی؟ چونکی اجدادلاریمیزین گؤزلرئنی حیاتا یومدوقلاریندان بری، هر شی او حالدا داوام ادئر کی، خئلقتئن باشلانیشیندان وار ائدی.» 5بله دوشونَرکن، نظرلرئندن قاچیردیرلار کی، گؤیلر تارینین کلامی ائله قدئمدن وار ائدی، یر ده سودان و سو واسئطه‌سی‌ائله شکئل تاپدی 6و اونونلا دا دونیا او زامان سو ائله بوغولوب محو اولدو. 7لاکئن ائندئکی گؤیلر و یر اونون کلامی ائله اود اوچون ساخلانیب، دئنسئز آداملارین موحاکئمه و هلاکت گونو اوچون حئفظ اولونور.
8آمّا سوگئلئلر، بو بئر شیی یاددان چیخارتمایین کی، ربّئن یانیندا بئر گون مئن ائل، مئن ائل ده بئر گون کئمی دئر. 9رب اؤز وعده‌لرئنده یوبانماز، نجه کی، بعضئلر یوبانماق حساب ادئرلر. آمّا او، سئزه صبرله رفتار ادئر و ائسته‌مئر کی، هچ کس هلاک اولسون، لاکئن هامی تؤوبه‌یه گلسئن.
10آمّا ربّئن گونو اوغرو کئمی گله‌جک کی، اوندا، گؤیلر بؤیوک بئر گورولتو ائله آرادان گده‌جک و عونصورلر#3:10 و یا «گؤیون عونصورلری» شئدّتلی حرارتله محو اولاجاقلار، یر و اونون ائشلری ده یاناجاقدیر.
11ائندی کی، بوتون بونلار بو جور آرادان گده‌جکلر، سئز نجه ائنسانلار گرک اولاسینیز؟ موقدّس رفتاردا و دئندارلیقدا 12ربّئن گونونون گلئشئنی گؤزله‌یئب، اونو تَلَسدئره‌سئنئز کی، اونون سببئندن گؤیلر یانیب آرادان گده‌جک و عونصورلر شئدّتلی حرارتله اَرئیه‌جکلر! 13آمّا بئز اونون وعده‌سئنه گؤره تزه گؤیلر و تزه بئر یری گؤزله‌یئرئک کی، اونلاردا صالحلئک ساکئندئر.
14بونا گؤره سوگئلئلر، ائندی کی، بو شیلری گؤزله‌یئرسئنئز، چالیشین کی، او سئزی باریش ائچئنده، لکه‌سئز و قوصورسوز تاپسین. 15و ربّئمئزئن صبرئنی ده نئجات حساب ادئن؛ نجه کی، سوگئلی قارداشیمیز پولوس دا، اونا ورئلمئش حئکمتله سئزه یازدی. 16نجه کی، بوتون مکتوبلاردا اله شیلردن صؤحبت ادئلئر کی، باشا دوشمه‌سی چتئندئر و جاهئل و ثباتسیز آداملار، آیری موقدّس یازیلارا اتدئیی کئمی، بونلاری دا اؤز هلاکتلری اوچون چوئرئرلر.
17بونا گؤره، سئز، ای سوگئلئلر، بونلاری قاباقجادان بئله‌رک، احتئیاط ادئن اِله کی، اوصولسوز آداملارین سهولری‌ائله یولدان آزدیریلمایاسینیز و اؤز ثباتینیزدان دوشمه‌یه‌سئنئز. 18لاکئن رب و قورتاریجیمیز عئسا مسئحئن معرئفتئنده بؤیویه‌سئنئز. اونا هم ائندی هم ده ابدئیّت گونونه‌جک عئزّت اولسون. آمئن.
Currently Selected:
۲پطروس 3: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
