۲قورئنتلی‌لره 7
7
1بله‌جه ای سِوگئلئلر، بو وعده‌لره مالئک اولاراق، اؤزوموزو هر جور جئسمانی و روحانی ناپاکلیقدان تمئزله‌یک و تارینین قورخوسوندا موقدّسلئیی کامالا یتئرک.
2اورَکلرئنئزده بئزه یر ورئن. هچ کئمی ائنجئتمه‌دئک، هچ کئمی فسادا چکمه‌دئک، هچ کئمدن اؤز منفعتئمئز اوچون ائستئفاده اتمه‌دئک. 3بونو سئزی محکوم اتمک اوچون دمئرم، چونکی اوّلجه ده ددئم کی، اوره‌یئمئزده اِله بئر یرئنئز وار کی، سئزئنله بئر یرده اؤلوروک، بئر یرده ده یاشاییریق. 4سئزه اولان اعتئمادیم بؤیوکدور، سئزئن حاقّینیزدا اتدئیئم فخر بؤیوکدور، تسلّی ائله دولویام، بوتون موصئبتئمئزده شادلیقدان جوشورام.
5چونکی حتّا مقدونئیّه‌یه گلدئیئمئز واخت دا، بدنئمئزئن راحاتلیغی یوخ ائدی؛ هر طرفدن سیخیلیردیق: اشئکده داعوالار، ائچه‌رئده قورخولار. 6لاکئن ازئلنلره تسلّی ورن تاری، تئطوسون یانیمیزا گلمه‌سی ائله بئزه تسلّی وردی. 7نه آنجاق اونون گلمه‌سی‌ائله، او تسلّی ائله ده کی، او اؤزو سئزئن یانینیزدا تاپیب. سئزئن بؤیوک حسرتئنئزی، آغلاشماغینیزی و منه اولان قیرتئنئزی بئزه خبر ورنده داها آرتیق سوئندئم. 8چونکی اگر یازدیغیم مکتوبلا سئزی قمگئن اتمئش اولسام دا، پشمان دیئلم. گرچی پشمان اولدوم، اونا گؤره کی، گؤرورَم سئزی قیسا بئر مودّت اوچون اولسا دا، قمگئن اتدی. 9آمّا ائندی من سوئنئرم؛ قمگئن اولدوغونوز اوچون یوخ، اونون اوچون کی، سئزی تؤوبه اتمک درجه‌سئنه قدر قمگئن اتدی. چونکی سئز تارینین ائسته‌دئیی شکئلده قمگئن اولوندونوز، اله کی، بئزدن هچ بئر ضرر چکمه‌یه‌سئنئز. 10چونکی تارینین ائسته‌دئیی شکئلده قمگئن اولماق اله بئر تؤوبه‌نی حاصئل اِدئر کی، نئجاتا آپاران و پشمانسیزدیر، لاکئن دونیانین قمی اؤلومو حاصئل ادئر. 11چونکی گؤرون اِله بو، یعنی تارینین ائسته‌دئیی شکئلده قمگئن اولماق سئزده نه بؤیوک جهد، نه قدر عوذورخاهلیق، نه حئدّت، نه قورخو، نه حسرت، نه قیرت، قلط ائشئن ضئدّئنه ده نه ائنتئقام حاصئل اتدی! سئز هر شیده گؤرستدئنئز کی، او جهتدن معصومسونوز. 12بله‌جه سئزه یازدیغیمی، حاقسیزلیق ادن آدامدان اؤتری و یا حاقسیزلیق چکن آدامدان اؤتری یازمادیم. اونون اوچون یازدیم کی، تارینین حوضوروندا سئزئن بئزئم حاقّیمیزدا اولان قیرتئنئز سئزه آشکار اولسون. 13بونا گؤره ده تسلّی تاپمیشیق. بئزئم تسلّئمئز بئر یانا، تئطوسون شادلیغی بئزی داها چوخ سوئندئردی. چونکی اونون روحو سئزئن هامینیزدان تزه‌له‌نئب. 14چونکی اگر اونون یانیندا سئزئن باره‌ده فخر اتمئش اولسام دا، خجئل اولمامیشام. لاکئن بوتون شیلری سئزه نجه حقئقتده دانیشدیق، اِله‌جه ده، تئطوسون یانیندا اتدئیئمئز فخر حقئقت چیخدی. 15و هامینیزین ائطاعتئنی، نجه قورخو و لرزه ائله اونو قبول اتمه‌یئنئزی خاطیرلادیقجا، سئزه اولان سوگئسی داها چوخ آرتیر. 16سئزه هر شیده بل باغلایا بئلدئیئم اوچون سوئنئرم.
Currently Selected:
۲قورئنتلی‌لره 7: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
