۲قورئنتلی‌لره 2
2
1آمّا من بونا قرار وردئم کی، سئزئن یانینیزا گئنه کدر دولو گلمه‌یئم. 2چونکی اگر من سئزه کدر گتئرسم، کدر وردئیئم سئزلردن باشقا کئم منی شاد اده‌بئلر؟ 3من ده محض بونا گؤره سئزه یازدیم کی، مبادا یانینیزا گلدئیئم واخت، اِله او کئمسه‌لردن کدر گؤروم کی، منی شاد اتمه‌لی ائدئلر. چونکی سئزئن حاقّینیزدا ائناندیغیم بودور کی، منئم شادلیغیم هامینیزین شادلیغی‌دیر. 4چونکی موصئبتئن چوخلوغوندان و اورَک ائضطئرابیندان چوخ گؤزیاشی ائله سئزه یازدیم: نه کی، سئزی کدرلَندئرئم، لاکئن منئم سئزه اولان بول محبّتئمی درک اده‌سئنئز.
5اگر بئر کئمسه کدر گتئرئب، منی یوخ، موبالئغه اتمه‌یه‌رک دیئم کی، قئسمن هامینیزی کدرلَندئرئب. 6بله آداما اکثرئیّت طرفئندن ورئلن تنبه بسدئر. 7اله کی، سئزه داها آرتیق لازیمدیر کی، اونو باغیشلاییب، اونا تسلّی وره‌سئنئز، مبادا بله بئر آدام حدّئندن آرتیق کدره قرق اولسون. 8بونا گؤره تشوئق ادئرم، اونا اولان محبّتئنئزی تکرار برقرار اده‌سئنئز. 9چونکی بو سببدن ده سئزه یازدیم کی، سئزی ائمتاحان ادئب گؤروم آیا هر شیده موطئعسئنئز. 10کئمه بئر شی باغیشلایاسینیز، من ده باغیشلایارام. چونکی دوغرودان دا باغیشلادیغیم شیی، اگر بئر شیی باغیشلامیش اولسام، اونو مسئحئن حوضوروندا سئزئن خاطئرئنئز اوچون باغیشلادیم کی، 11شیطان بئزه اوستون اولماسین. چونکی اونون فئتنه‌لرئندن خبرسئز دیئلئک.
12مسئحئن ائنجئلئنئن خوش خبرئنی یایماق اوچون تروآسا گلدئیئم واخت، ربده منه بئر قاپی آچیلدی، 13آمّا قارداشیم تئطوسو تاپا بئلمه‌دئیئم اوچون، روحوم راحات اولمادی. لاکئن اوراداکی‌لارلا وئداعلاشیب مقدونئیّه‌یه گتدئم. 14آمّا تارییا شوکورلر اولسون کی، بئزی همئشه مسئحئن ظفرئنده قاباغا آپاریر و هر یرده بئزدن اونون معرئفتئنئن خوش رایئحه‌سئنی ظاهئر ادئر. 15چونکی بئز تارییا، هم نئجات تاپانلار آراسیندا، هم ده هلاک اولونانلار آراسیندا، مسئحئن خوش عطئرئیئک. 16بئرئنه اؤلوم اوچون اؤلوم رایئحه‌سی‌یئک، او بئرئنه ده حیات اوچون حیات رایئحه‌سی. و کئم بو شیلره کئفایتدئر؟ 17چونکی بئز بئر چوخلاری کئمی دیئلئک کی، تارینین کلامینی تئجارت وسئله‌سی ادک. لاکئن خولوصئیّتدن و تاریدان اولان کئمی، تارینین حوضوروندا، مسئحده دانیشیریق.
Currently Selected:
۲قورئنتلی‌لره 2: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
