۱تئموتاعوسا 3
3
1بو کلام اعتئمادا لایئقدئر کی، اگر کئمسه ناظئرلئک منصبئنی ائسته‌یئر، یاخشی بئر ائش آرزو ادئر. 2اوندا گرک ناظئر قوصورسوز، بئر آروادین اَری، تمکئنلی، عاغیلّی، مؤحترم، قوناق‌سِون و تعلئم ورمه‌یه قابئل بئر آدام اولسون. 3می‌پرست یا دا داعواکار یوخ، مولایئم، داعوا اتمه‌ین و پول سوگئسئندن آزاد بئری اولسون. 4گرک اؤز عایئله‌سئنی یاخشی ائداره اتسئن، اوشاقلارینی بوتون صداقتله اؤز ائطاعتئنده ساخلاسین. 5لاکئن اگر بئری بئلمئر کی، اؤز عایئله‌سئنی نجه ائداره اتسئن، تارینین کئلئساسینین قیدئنه نجه قالاجاق؟ 6تزه ائمان گتئرمئش بئری ده اولماسین کی، مبادا کئبئرله‌نئب، ائبلئسئن محکومئیّتئنه دوشسون. 7بو آداما گرکدئر کی، خارئجئلر یانیندا دا یاخشی بئر آدی اولسون، اِله کی، مذمّته و ائبلئسئن تورونا دوشمه‌سئن. 8اِله‌جه ده شمّاسلار گرک صداقت صاحئبی اولسونلار. ائکی دئللی، می‌پرست و یا حاقسیز قازانجا حرئص اولماسینلار. 9آمّا ائمان سئرّئنی تمئز وئجدانلا ساخلاسینلار. 10قویون بونلار قاباقجادان ائمتاحان اولونسونلار و اگر قوصورلاری اولمازسا، اوندا شمّاسچیلیق اتسئنلر. 11اِله‌جه ده آروادلار صداقت صاحئبی اولسونلار. یاوا-یاوا قیبت ادن یوخ، مولایئم و هر شیده امئن اولسونلار. 12شمّاسلار بئر آروادا اَر اولسونلار. اوشاقلارینی و اؤز اِو اهلئنی یاخشی ائداره اتسئنلر. 13چونکی شمّاس منصبئنده یاخشی خئدمت ادنلر اؤزلری اوچون یاخشی بئر مرتبه و مسئح عئسادا اولان ائماندا بؤیوک بئر یقئنلئک قازانیرلار.
14بو شیلری سنه بو اومئدله یازیرام کی، یاخینلیقدا سنئن یانینا گلئم. 15لاکئن اگر یوبانسام، بئله‌سن کی، تارینین عایئله‌سئنده شخص نجه رفتار اتمه‌لی‌دئر، یعنی دئری تارینین کئلئساسیندا کی، حقئقتئن سوتون و دئره‌یی‌دئر. 16و هامینین ائقراری ائله دئندارلیغین سئرّی بؤیوکدور:
او تاری کی، جئسمده ظاهئر اولدو،
موقدّس روح طرفئندن تصدئق اولوندو،
ملکلره گؤروندو،
مئلّتلر آراسیندا اعلان اولوندو،
دونیادا اونا ائمان گتئرئلدی،
شؤوکتده یوخاری قالدیریلدی.
Currently Selected:
۱تئموتاعوسا 3: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
