۱پطروس 5
5
1آرانیزدا اولان آغساقّاللاری کی، من ده اونلارلا بئر آغساقّال و مسئحئن عذابلارینا شاهئد و گله‌جک شرئکی‌یَم ده، تشوئق ادئرم: 2تارینین آرانیزدا اولان سوروسونه چوبانلیق ادئن. مجبوری یوخ، اورَکدن و تارینین ائراده‌سئنه موطابئق اونلارا نظارت ادئن؛ بی‌آبیرچیلیق قازانج اوچون یوخ، شؤوقله. 3سئزه تاپشیریلانلارا آغالیق اتمه‌یئن، لاکئن ثوبوت ادئن کی، سورویه نومونه‌سئنئز. 4و باش چوبان ظوهور اتدئیی واخت، عئزّتئن سولمایان تاجینی آلاجاقسینیز.
5سئز جاوانلار دا، اِله‌جه آغساقّاللارا موطئع اولون. و هامینیز بئربئرئنئزئن حاقّیندا باشی‌آشاغیلیق پالتارینا گیئنئن، چونکی تاری مغرورلارا ضئدّدئر، لاکئن باشی‌آشاغی اولانلارا فیض ورئر.#5:5 مثل‌لر ۳:۳۴ 6بونا گؤره، تارینین گوجلو اَلئنئن آلتیندا اؤزونوزو آلچالدین کی، او دا اؤز واختیندا سئزی اوجالتسین. 7و هامی نئگاراچیلیقلارینیزی اونون اوستونه قویون، چونکی او، سئزئن قیدئنئزه قالاندیر. 8تئزباش دورون، آییق قالین. سئزئن دوشمنئنئز ائبلئس نرئلده‌ین بئر آصلان کئمی گزئب، اودماغا بئرئنی آختاریر. 9ائماندا مؤحکم دوروب، اونون قاباغیندا موقاوئمت ادئن و بئلئن کی، دونیاداکی قارداشلارینیز دا همن عذابلاری چکئرلر. 10آز بئر مودّت عذاب چکدئیئنئزدن سونرا، بوتون فیضئن تاریسی کی، سئزی مسئحده اؤز شؤوکتئنه دعوت اتدی، اؤزو سئزی کامئل ادئب تصدئق اده‌جک و سئزه قووّت ورئب، سئزی برقرار اده‌جک. 11سلطنت ابددن ابده کئمی اونون اولسون. آمئن.
12بو مکتوبو امئن قارداشیمیز (چونکی من اونو بله گؤرورم) سئلوانوسون#5:12 هَمَن «سئلاس» واسئطه‌سئله سئزه قیساجا یازمیشام و تشوئق ادئب شهادت ورئرم کی، تارینین حقئقی فیضی بودور. اوندا مؤحکم دایانین!
13سئزئن کئمی سچئلمئش بابئلده‌کی ده#5:13 چوخ اِحتئمالا گؤره مقصد کئلئسادیر. سئزه سالام گؤندَ‌رئر، اِله‌جه ده اوغلوم مرقوس. 14بئربئرئنئزی محبّت اؤپوشو ائله سالاملایین. مسئحده اولان بوتون سئزلره باریش اولسون.
Currently Selected:
۱پطروس 5: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
