۱یوحنّا 1
1
حیات سؤزو
1حیات سؤزو حاقّیندا سئزه اعلان ادئرئک؛ ازلدن بری وار اولان حاقّیندا، اونو اشئتدئیئمئز، گؤزلرئمئزله گؤردویوموز، باخدیغیمیز و اَل‌لرئمئزله حئسّ اتدئیئمئز حاقّیندا. 2حیات ظاهئر اولوندو. اونو گؤردوک و اونا شهادت ورئرئک. سئزه ابدی حیاتی اعلان ادئرئک کی، آتا ائله بئرلئکده ائدی و بئزه ظاهئر اولوندو. 3بئز سئزه گؤردویوموز و اشئتدئیئمئزی اعلان ادئرئک کی، سئزئن ده بئزئمله رفاقتئنئز اولسون و بئزئم رفاقتئمئز آتا و اونون اوغلو عئسا مسئحله‌دئر. 4بونلاری سئزه یازیریق کی، شادلیغیمیز کامئل اولسون.
نوردا یاشایین
5مسئحدن اشئتدئیئمئز و سئزه اعلان اتدئیئمئز خبر بودور کی، تاری نوردور و اوندا قارانلیق اصلا یوخدور. 6اگر دیئرئک کی، «اونونلا رفاقتئمئز وار»، حال بو کی، قارانلیقدا گزئرئک، یالان دانیشیریق و حقئقته عمل اتمئرئک. 7آمّا اگر اونون نوردا اولدوغو کئمی، بئز ده نوردا گزئرئک، اوندا بئربئرئمئزله رفاقتئمئز وار و اونون اوغلو عئسا مسئحئن قانی بئزی هر گوناهدان تمئزله‌یئر.
8اگر گوناهسیز اولدوغوموزو ائدّئعا ادئرئک، اؤزوموزو آلدادیریق و بئزده دوغرولوق یوخدور. 9اگر گوناهلاریمیزا اعتئراف ادک، او صادئق و صالحدئر کی، بئزئم گوناهلاریمیزی بئزه باغیشلاسین و بئزی هر یامانلیقدان تمئزله‌سئن. 10اگر دیئرئک کی، گوناه اتمه‌مئشئک، اونو یالانچی گؤرسدئرئک و اونون سؤزو بئزده یوخدور.
Currently Selected:
۱یوحنّا 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
