۱قورئنتلی‌لره 9
9
پولوسون حاقلاری
1مگر من آزاد دیئلم؟ مگر من حواری دیئلم؟ مگر ربّئمئز عئسانی گؤرمه‌مئشم؟ مگر سئز ربده منئم ائشئم دیئلسئنئز؟ 2اگر اؤزگه‌لره حواری دیئلم ده، هچ اولماسا، سئزه حواری‌یَم. چونکی ربده حوارئلئیئمئن مؤهورو سئزلرسئنئز. 3منی ائستئنطاق اِدَنلره مودافئعم بودور: 4مگر حاقّیمیز یوخدور کی، یِیئب ائچک؟ 5مگر حاقّیمیز یوخدور کی، ائمانلی بئر آروادی یانیمیزدا گؤتوروب گزدئرک. نجه کی، حتّا آیری حوارئلر، ربّئن قارداشلاری و کئفا دا ادئر؟ 6و یا ائشلَمه‌مَیه آنجاق منئم و بارنابانین حاقّی یوخدور؟ 7کئم وار کی، هر زامان اؤز خرجی ائله عسگرلئک اتمئش اولسون؟ کئم وار کی، اوزوم باغی اکئب، اونون میوه‌سئندن یمه‌سئن؟ کئم وار کی، سورونو اوتاریب، اونون سودوندن ائچمه‌سئن؟ 8مگر بونلاری ائنسان گؤروشونه گؤره دیئرم؟ مگر شرئعت ده بو شیلری دمئر؟ 9چونکی موسانین شرئعتئنده بله یازیلیب: «خرمنی دؤین اؤکوزون آغزینی باغلاما.»#9:9 تثنئیه ۲۵:۴ مگر تاری اؤکوزلرئن قیدئنه قالیر؟ 10مگر بئزئم اوچون بو شیلری دمئر؟ بلی، بونلار بئزئم اوچون یازیلیب، چونکی شوخوملایان اومئدله جوت سورمه‌لی‌دئر، و خرمن دؤین تاخیلا شرئک اولماق اومئدی ائله دؤیمه‌لی‌دئر. 11اگر بئز سئزده روحانی توخوملار اکدئک، سئزدن مادّی شیلر بئچسک، بو سئزه چوخ گلئر؟ 12اگر سئزئن اوستونوزده اؤزگه‌لرئن بله بئر حاقّی وار، مگر بئزئم بونا داها چوخ حاقّیمیز یوخدور؟ آمّا بئز بو حاقدان ائستئفاده اتمه‌دئک، لاکئن هر شیه تاب گتئردئک کی، مسئحئن ائنجئلئنئن خوش خبرئنه هچ بئر مانع اولمایاق. 13مگر بئلمئرسئنئز کی، معبدده موقدّس خئدمتلری گؤرنلر معبدئن یمه‌یئندن ییئرلر و قوربانگاهین خئدمتچئلری اؤز پایلارینی قوربانگاهدان گؤتورورلر؟ 14بله‌جه ده رب امر ادئب کی، ائنجئلئن خوش خبرئنی موژده ورنلر، روزئلرئنی ائنجئلدن گؤتورسونلر. 15لاکئن من بو حاقلارین هچ بئرئندن ائستئفاده اتمه‌مئشم و بو سؤزلری یازمیرام کی، منئم اوچون ده اله اولسون. چونکی اؤلوم منه بوندان داها یاخشی‌دیر کی، بئری منئم ائفتئخاریمی بوشا چیخارتسین. 16اگر ائنجئلئن خوش خبرئنی وعظ ادئرم، فخر اتمه‌یه حاقّیم یوخدور، چونکی بو، منئم وظئفمدئر. لاکئن وای منه، اگر ائنجئلی وعظ اتمه‌یم! 17اگر بونو اؤز میلئمله اِتسم، اجرئم وار. آمّا اگر اؤز میلئمله اِتمه‌سم، منه تاپشیریلان وظئفه‌نی یرئنه یتئرئرم. 18بس منئم اجرئم نه‌دئر؟ بودور کی، ائنجئلئن خوش خبرئنی وعظ ادن واخت، اونو تمنّاسیز عرض ادم کی، ائنجئلده اولان حاقّیمدان تامامن ائستئفاده اتمه‌یئم. 19چونکی هر کسدن آزاد ائکن، اؤزومو هامییا قول اتمئشم کی، داها چوخ آدام قازانیم. 20یهودئلری قازانماق اوچون اونلارا یهودی کئمی اولدوم. اؤزوم شرئعتئن حاکئمئیّتی آلتیندا اولمادیغیم حالدا، شرئعت آلتیندا اولانلارا شرئعت آلتینداکی کئمی اولدوم کی، اونلاری قازانیم. 21شرئعتسئز آداملاری قازانماق اوچون، شرئعتسئزلره شرئعتسئز بئر آدام کئمی اولدوم، گرچی تارینین حوضوروندا شرئعتسئز اولماییب، مسئحئن شرئعتی آلتیندایام. 22ضعئفلری قازانماق اوچون، اونلارا ضعئف کئمی اولدوم. هر کس اوچون هر شی اولدوم کی، هر نه جور اولور-اولسون، بعضئلرئنه نئجات ورئم. 23بونلارین هامیسینی ائنجئلئن خاطئری اوچون ادئرم کی، اوندا پاییم اولسون.
24مگر بئلمئرسئنئز کی، قاچیش میدانیندا قاچانلارین هامیسی قاچار، آمّا تک بئر نفر جایئزه‌نی آلار؟ اِله قاچین کی، جایئزه‌نی قازاناسینیز. 25موسابئقه‌ده رقابت اِدن، هر شیده نفسئنئن قاباغینی آلار. اونلار بونو فانی بئر تاجی آلماق اوچون ادئرلر، لاکئن بئز فانی اولمایان اوچون ادئرئک. 26بونا گؤره، من مقصدسئز قاچان بئری کئمی قاچمیرام. یوموروغومو هاوایی ووران کئمی آتمیرام. 27آمّا بدنئمه اذئیّت چکدئرئب اونو قول ادئرم کی، مبادا اؤزگه‌لره وعظ ادندن سونرا، اؤزوم مردود اولوم.
Currently Selected:
۱قورئنتلی‌لره 9: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
