۱قورئنتلی‌لره 11
11
1مندن نومونه آلین، نجه کی، من ده مسئحدن آلیرام.
باش اؤرتویو
2منی هر شیده خاطیرلادیغینیز اوچون و سئزه تاپشیردیغیم تعلئملری برک توتدوغونوز اوچون سئزی تعرئفله‌یئرم. 3ائسته‌یئرم بونو دا باشا دوشه‌سئنئز کی، هر کئشئنئن باشی مسئحدئر، هر آروادین باشی کئشئدئر. مسئحئن باشی دا تاری‌دیر. 4هر کئشی کی، باشی اؤرتولو دوعا یا دا نبئلئک ادئر، اؤز باشینا خجالت گتئرئر. 5هر آرواد دا کی، باشی اؤرتولمه‌مئش دوعا یا دا نبئلئک ادئر، اؤز باشینا خجالت گتئرئر؛ چونکی بو جور آرواد، ساچلاری قیرخیلمیش آروادلا بئر حسابدادیر. 6چونکی اگر بئر آرواد باشینی اؤرتمه‌سه، قوی ساچلارینی قیرخسین. لاکئن اگر آرواد اوچون عاییبدیر کی، ساچلاری قیرخیلسین و یا باشینا اولگوج چکدئرسئن، قوی اوندا باشینی اؤرتسون. 7کئشی باشینی اؤرتمه‌ملئدئر، چونکی تارینین صورت و عئزّتئدئر. آمّا آرواد کئشئنئن عئزّتئدئر. 8چونکی کئشی آرواددان یوخ، آرواد کئشئدن یاراندی. 9دوغرودان دا کئشی آرواد اوچون یوخ، آرواد کئشی اوچون یاراندی. 10بونا گؤره آرواد، ملکلرئن خاطئرئنه گرک اؤز باشی اوسته ائقتئدار نئشانی اولسون. 11گرچی، ربده نه آرواد کئشئدن موستقئلدئر نه ده کئشی آرواددان. 12چونکی نجه آرواد کئشئدن یارانیر، کئشی ده آروادین واسئطه‌سی‌ائله. و هر شی تاریداندیر. 13سئز اؤزونوز قرار ورئن؛ آیا آروادا یاراشیر کی، اؤرتوسوز تارییا دوعا اتسئن؟! 14مگر طبئعتئن اؤزو سئزه اؤیرتمئر کی، اگر کئشی ساچلارینی اوزاتسا، بو اونون اوچون بی‌آبیرلیقدیر؟! 15آمّا اگر آرواد ساچلارینی اوزاتسا، بو اونون اوچون عئزّتدئر؟! چونکی ساچلاری اونا اؤرتوک اوچون ورئلئب. 16لاکئن اگر کئمسه ائسته‌سه کی، بو باره‌ده موباحئثه اتسئن، نه بئزئم، نه ده تارینین کئلئسالارینین بله بئر عادتی وار.
17آمّا بو تعلئملری وِرَرکن سئزی تعرئفله‌مئرم، چونکی ییغیناجاغینیز خیئر اوچون یوخ، شر اوچوندور. 18چونکی، اوّلن، اشئدئرم کی، کئلئسادا بئر یره گلدئیئنئز زامان، آرانیزدا دسته‌بازلیق اولور. بونا من، قئسمن ده اولسا، ائنانیرام. 19چونکی آرانیزدا ائختئلافلار اولمالی‌دیر کی، آرانیزدا تصدئق اولونموشلار بلّی اولسونلار. 20بونا گؤره، بئر یره ییغیلدیغینیز زامان، مقصدئنئز ربّئن سوفره‌سئنده شئرکت اتمک دیئل. 21چونکی یمکده هر کس قاباقجا اؤز شامینی ییئر؛ بئری آج قالیر، او بئرئسی کفله‌نئر. 22بو نه‌دئر؟ مگر یمک-ائچمک اوچون اِوئنئز یوخدور؟! یوخسا تارینین کئلئساسینی تحقئر ادئب، هچ بئر شیی اولمایانلاری اوتاندیریرسینیز؟ سئزه نه دیئم؟ تعرئف ادئم؟ بو خوصوصدا سئزی تعرئف اتمه‌یه‌جه‌یم.
ربّئن سوفره‌سی
23چونکی من ربدن آلدیغیمی، سئزه ده چاتدیردیم. بو کی، رب عئسا تسلئم اِدئلدئیی گجه چؤرک گؤتوردو 24و شوکور ادندن سونرا اونو بؤلوب ددی: «بو سئزئن اوچون منئم بدنئمدئر. بونو منی خاطیرلاماق اوچون ادئن.» 25اِله‌جه ده شامدان سونرا پئیالا‌نی گؤتوروب ددی: «بو پئیالا منئم قانیمدا تزه عهددئر. نه زامان بونو ائچئرسئنئز، منی خاطیرلاماق اوچون ائچئن.» 26چونکی بو چؤره‌یی یدئیئنئز و بو پئیالادان ائچدئیئنئز هر زامان، ربّئن گلئشئنه‌جک ربّئن اؤلومونو اعلان ادئرسئنئز. 27اونا گؤره ده، کئم لایئق اولمایان طرزده ربّئن بو چؤره‌یئنی ییئب یا دا پئیالا‌سئندن ائچسه، ربّئن بدنئنه و قانینا تقصئرلی اولور. 28لاکئن هر کس گرک اؤزو-اؤزونو تفتئش اتسئن و بله‌جه بو چؤرکدن یِسئن و بو پئیالا‌دن ائچسئن. 29چونکی یِیئب ائچن اؤزونون ضئدّئنه محکومئیّت ییئب ائچئر، اگر ربّئن بدنئنی آییرد اتمئر. 30بونا گؤره ده، سئزلردن چوخو ضعئف و ناخوشدور، بئر نچه‌سی ده گؤزلرئنی حیاتا یوموب. 31آمّا اگر بئز اؤز-اؤزوموزه صحئحجه حؤکم اتسَیدئک، بئزه حؤکم اولمازدی. 32لاکئن بئزه حؤکم اولونان زامان، ربّئن طرفئندن تربئیه اولونوروق کی، دونیا ائله بئرلئکده محکوم اولمایاق. 33بونون اوچون، قارداشلاریم، یمه‌یه ییغیلاندا بئربئرئنئزی گؤزله‌یئن. 34آج اولان وارسا، قوی اِوئنده یسئن کی، ییغیشماغینیز موحاکئمه اولونماغینیزا سبب اولماسین. قالان مطلبلری اؤزوم گلنده نئظاما سالارام.
Currently Selected:
۱قورئنتلی‌لره 11: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
