Jan Kupm mɛtn taar taaɗjeki ɗoobm gɛn dooy Labar Jigan gɛn Isa al‑Masi gɛn Jan
Kupm mɛtn taar taaɗjeki ɗoobm gɛn dooy Labar Jigan gɛn Isa al‑Masi gɛn Jan
Labar Jiga gɛn Isa al‑Masi kɛn Jan raaŋin̰o se, naan̰ raaŋin̰ jeege tun iŋg taa naaŋge tun kuuy kɛn maakŋ naaŋ Yaudge tu eyo. Jan se raaŋ tɔnd ɗaap taarin̰ge kaam kuuy tec aan gɔɔ taar jigan kɛn jee kuuy raaŋɗen se eyo ɔɔ maakŋ taarin̰ge tun naan̰ taaɗ se kic ɓo tec kuuy. Ɔɔ ko taargen maak ki se kic ɓo kaam kuuy. Taargen kɛn naan̰ aakin̰ jiga cir paac se, taargen kɛn jeege jeel mɛtin̰ eyo kɛn Isa taaɗ ɔɔ ute nakgen kɛn naan̰ tɛɗa. Labar Jigan gɛn Isa kɛn Jan raaŋin̰ se, dɛnin̰ taaɗ ute Yaudge. Ɔɔ tap tap se naan̰ taaɗ ute magalgen jeel tɔɔkŋ mɛtn Ko Taar kɛn Raa ɛɗo Musa ki. Naaɗe se ɓo jee taamooy Isage. Ey num Isa, ute jee mɛtin̰ ki se kic ɓo, Yaudge aan gɔɔ naaɗe. Kɛn Jan jaay taaɗ mɛtn taar ro Yaudge tu se, ute Yaudgen ute dɛnɗe sum eyo, num naan̰ taaɗ ute jeegen paacn̰ do naaŋ ki kɛn baate tookŋ taarin̰a. Maakŋ kitapm kɛn Jan raaŋ se, taaɗ te mɛtn taar koojn̰ Isa eyo ute mɛtn kuun naabin̰ naan jeege tu ey kici. Naɓo kɛn naan̰ utu uun kuun mɛtn taarin̰ se, naan̰ taaɗga dɛna kɛn ɔɔ Isa se naan̰ ɓo Taara ɔɔ Taara se ɓaaɗo uun ro deba ɔɔ tiŋg daan jeege tu taa aɗen Ꞌtɛɗn gaan Raage.
© 2012, Wycliffe Bible Translators, Inc. All rights reserved.