Lom 8
8
Zĩblea ń Lua Nisĩna gbãao
1Yã a zɔ̃lɛ gbɛ̃́ pɔ aa naa Kilisi Yesuwaɔ guuwa lɔo, 2asa naa Kilisi Yesuwa guu Lua Nisĩna Wɛ̃nikpamade gbãa ma bɔ gbãa pɔ duuna ń gao lɛ́ mɔmɛɛ guu. 3Yã pɔ Mɔizi ikoyã i fɔ̃ kɛ̀o gbɛ̃nazĩna gbãasaikɛ yãi Lua kɛ̀. À azĩa Nɛ zĩ̀ gbɛ̃nazĩna ũ lan wá duundeɔwa duuna woloawá yãi, ɔ̃ à widà duunawa a Nɛ mɛpiu, 4kɛ́ yã pɔ ikoyã lɛ́ wɛɛlɛ e pa wá musu, wá gbɛ̃́ pɔ wá dàa lɛ́ dɔaawɛ̃ɛ lɔoɔ, sema Lua Nisĩna. 5Gbɛ̃́ pɔ an dàa lɛ́ dɔaanɛ́ɔ ì laaidɔ ń dàa yãwa. Gbɛ̃́ pɔ Lua Nisĩna lɛ́ dɔaanɛ́ɔ ì laaidɔ Lua Nisĩna yãwa. 6Laaidɔa dàa yãwaá gaɛ. Laaidɔa Lua Nisĩna yãwaá wɛ̃ni ń aafiaoɛ. 7Laaidɔa dàa yãwaá ĩisɛa ń Luaoɛ. Ade lí misiilɛ Lua ikoyãɛo, a fɔ̃ seo. 8Gbɛ̃́ pɔ an dàa lɛ́ dɔaanɛ́ɔ yã lí ká Luaguo.
9Apiɔ sɔ̃, á dàa lɛ́ dɔaaɛ́o, sema Lua Nisĩna, tó a ku á guu sĩana. Tó gbɛ̃́ Kilisi Nisĩna vĩ sɔ̃o, a dɛ Kilisi gbɛ̃́ ũo. 10Tó Kilisi ku á guu, baa tó á mɛ dɛ gɛ ũ duuna yãi, Lua Nisĩna dɛɛ́ wɛ̃ni ũɛ,#Zãa 6.63 kɛ́ Lua tò yã bɔ̀ánɔ na yãi. 11Tó Lua pɔ Yesu bɔ̀ gau Nisĩna ku á guu,#1 Kln 3.16 Lua pɔ Kilisipi bɔ̀ gau a wɛ̃nikpa á mɛ̀ gɛpiwa ń a Nisĩna pɔ ku á guu gbãao.
12Ayãmɛto ma gbɛ̃́ɔ, wá tɛ́ wá dàai teasi no. 13Tó á tɛ́ á dàai, á gaɛ. Tó a á yãvãikɛaɔ midɛ̀ ń Lua Nisĩna gbãao sɔ̃, áɔ ku. 14Gbɛ̃́ pɔ Lua Nisĩna ì dɔaanɛ́ɔ mɛ́ Lua nɛɔ ũ. 15Asa tãa pɔ ì to wà zɔble ń vĩao mɛ́ diɛ́o, Lua Nisĩna pɔ tò a gɔ̃ Lua nɛɔ ũ ɔ̃ á vĩ, ɔ̃ wi wiilɛ Luawa ń aà gbãao wi mɛ: Baa, wá Mae.#Maa 14.36 16Nisĩnapi mɛ́ ì owɛ̃ɛ wá sɔ̃u Lua nɛɔn wá ũ. 17Lá nɛɔn wá ũ, aizɛɛblenaɔn wá ũ. Lua aizɛɛblenaɔn wá ũ, wá ble sãnu ń Kilisioɛ. Tó wa taasikɛ̀aanɔ, wáɔ kuaanɔ aà gawi guu.#Gal 4.5-7
Wɛdɔa Lua gawii
18Má è wa gɔɔɛ bee taasi lɛɛũ ń gawi pɔ Lua a bɔòwɛ̃ɛoo. 19Lua pɔkɛa pii wɛ́ dɔ aà nɛɔ bɔa gupuauzi laasai. 20Asa Lua tò a pɔkɛa pii gɔ̃̀ dɔɔsaiɛ.#Daa 3.17-19 I kɛ an pɔeã no, Lua mɛ́ kɛ̀ màa, kɛ́ wɛdɔaaazi guu 21dũnia a bɔ ɔ̃ɔkpaa pɔ àlɛ zɔbleɛ̀u, i gɛ̃ Lua nɛɔ dɛɛpooa ń gawio guu. 22Wá dɔ̃ Lua pɔkɛaɔ pii lɛ́ aaukɛ ń wãwão e tia. 23I kɛ dũnia ado no, wá gbɛ̃́ pɔ wa Lua Nisĩna è gba sɛ̃ia ũɔ, wálɛ aaukɛ kpãikpãi sɔ̃ e Lua àɔ gɛ́ wá boi, i wá sí a nɛɔ ũ.#2 Kln 5.2-4 24Lua wá suabà, kɛ́ wà wɛdɔ yãpii. Pɔ pɔ wa è ń wɛ́oá wɛdɔia yãɛ lɔo. Demɛ ì wɛdɔ pɔ pɔ a èi lɔi? 25Tó wá wɛ́ dɔ pɔ pɔ wi eozi sɔ̃, wiɔ dã́ ń mɛnaoɛ.
26Beewa sɔ̃ Lua Nisĩna ì dɔwálɛ wá gbãasai guu, asa wá wabikɛa dɔ̃ a zɛ́wao, ɔ̃ Lua Nisĩna ì kulɛkɛwɛ̃ɛ Luaɛ ń aau pɔ a yã gɛ̃̀ oaao. 27Lua ì nɔ̀sɛ guu e, mɛ́ a a Nisĩna laasoo dɔ̃, asa Lua Nisĩna ì kulɛkɛ Lua gbɛ̃́ɔnɛ lá Lua yeiwaɛ. 28Wá dɔ̃ kɛ́ Lua ì to yãpii bɔ maa gbɛ̃́ pɔ yeaziɔnɛ, gbɛ̃́ pɔ à ń sisì à ń sɛ́ lá àlɛ yáwaɔ. 29Asa Lua dìlɛ za káau gbɛ̃́ pɔ a dɔaa à ń dɔ̃ɔ bɔ a Nɛwa, kɛ́ aàɔ dɛ nɛ sɛ̃ia ũ ń dãunaɔ dasi. 30Gbɛ̃́ pɔ à ń dilɛ za káaupiɔ ɔ̃ à ń sisì, ɔ̃ a tò yã bɔ̀ ń gbɛ̃́ pɔ à ń sisìpiɔ na, ɔ̃ à a gawi lì gbɛ̃́ pɔ a tò yã bɔ̀ńnɔ napiɔnɛ.
31Wá o kpelewa yã beeɔ musu ni? Lá Lua zɛ̀wanɔ, demɛ a bɔ wá kpɛi? 32Lá i gi ń azĩa Nɛoo, à aà kpà wapii yãi, a wá gba pɔpii lɔo le? 33Demɛ a yãda gbɛ̃́ pɔ Lua ń sɛ́ɔlai? Luapi mɛ́ tò yã bɔ̀wanɔ na. 34Demɛ a yãdawálai? Kilisi Yesu gà, à ɛ̀a vù. A ku Lua ɔplaai, àlɛ kulɛkɛɛ̀wɛ̃ɛ. 35Bɔmɛ a wá kɛ̃́ Kilisi yenziwai? Taasi ge wɛtɛ̃a ge ĩadama ge nɔana ge taasidekɛ ge kai ge zĩkaa, an kee a fɔ̃e? 36Lá wa kɛ̃̀wa wà mɛ̀:
N yãi wá kui ga lɛzĩ
za kɔɔ e oosi,
wì wá dilɛ
lan sã pɔ wa ń kolokpàɔwa.#Soũ 44.23
37Yãpiɔ pii guu wálɛ zĩble aannɔ ń gbɛ̃́ pɔ yewázi gbãao. 38Asa má dɔ̃ sãasã kɛ́ ga ge wɛ̃ni ge malaikaɔ ge tãaɔ ge tiayã ge ziayã ge gbãadeɔ 39ge musupɔɔ ge zĩlɛ pɔɔ ge Lua pɔkɛa pãleɔ, a kee a fɔ̃ wá kɛ̃́ Lua yenziwa naa wá Dii Kilisi Yesuwa guuo.
Currently Selected:
Lom 8: Boo2024
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.
Lom 8
8
Zĩblea ń Lua Nisĩna gbãao
1Yã a zɔ̃lɛ gbɛ̃́ pɔ aa naa Kilisi Yesuwaɔ guuwa lɔo, 2asa naa Kilisi Yesuwa guu Lua Nisĩna Wɛ̃nikpamade gbãa ma bɔ gbãa pɔ duuna ń gao lɛ́ mɔmɛɛ guu. 3Yã pɔ Mɔizi ikoyã i fɔ̃ kɛ̀o gbɛ̃nazĩna gbãasaikɛ yãi Lua kɛ̀. À azĩa Nɛ zĩ̀ gbɛ̃nazĩna ũ lan wá duundeɔwa duuna woloawá yãi, ɔ̃ à widà duunawa a Nɛ mɛpiu, 4kɛ́ yã pɔ ikoyã lɛ́ wɛɛlɛ e pa wá musu, wá gbɛ̃́ pɔ wá dàa lɛ́ dɔaawɛ̃ɛ lɔoɔ, sema Lua Nisĩna. 5Gbɛ̃́ pɔ an dàa lɛ́ dɔaanɛ́ɔ ì laaidɔ ń dàa yãwa. Gbɛ̃́ pɔ Lua Nisĩna lɛ́ dɔaanɛ́ɔ ì laaidɔ Lua Nisĩna yãwa. 6Laaidɔa dàa yãwaá gaɛ. Laaidɔa Lua Nisĩna yãwaá wɛ̃ni ń aafiaoɛ. 7Laaidɔa dàa yãwaá ĩisɛa ń Luaoɛ. Ade lí misiilɛ Lua ikoyãɛo, a fɔ̃ seo. 8Gbɛ̃́ pɔ an dàa lɛ́ dɔaanɛ́ɔ yã lí ká Luaguo.
9Apiɔ sɔ̃, á dàa lɛ́ dɔaaɛ́o, sema Lua Nisĩna, tó a ku á guu sĩana. Tó gbɛ̃́ Kilisi Nisĩna vĩ sɔ̃o, a dɛ Kilisi gbɛ̃́ ũo. 10Tó Kilisi ku á guu, baa tó á mɛ dɛ gɛ ũ duuna yãi, Lua Nisĩna dɛɛ́ wɛ̃ni ũɛ,#Zãa 6.63 kɛ́ Lua tò yã bɔ̀ánɔ na yãi. 11Tó Lua pɔ Yesu bɔ̀ gau Nisĩna ku á guu,#1 Kln 3.16 Lua pɔ Kilisipi bɔ̀ gau a wɛ̃nikpa á mɛ̀ gɛpiwa ń a Nisĩna pɔ ku á guu gbãao.
12Ayãmɛto ma gbɛ̃́ɔ, wá tɛ́ wá dàai teasi no. 13Tó á tɛ́ á dàai, á gaɛ. Tó a á yãvãikɛaɔ midɛ̀ ń Lua Nisĩna gbãao sɔ̃, áɔ ku. 14Gbɛ̃́ pɔ Lua Nisĩna ì dɔaanɛ́ɔ mɛ́ Lua nɛɔ ũ. 15Asa tãa pɔ ì to wà zɔble ń vĩao mɛ́ diɛ́o, Lua Nisĩna pɔ tò a gɔ̃ Lua nɛɔ ũ ɔ̃ á vĩ, ɔ̃ wi wiilɛ Luawa ń aà gbãao wi mɛ: Baa, wá Mae.#Maa 14.36 16Nisĩnapi mɛ́ ì owɛ̃ɛ wá sɔ̃u Lua nɛɔn wá ũ. 17Lá nɛɔn wá ũ, aizɛɛblenaɔn wá ũ. Lua aizɛɛblenaɔn wá ũ, wá ble sãnu ń Kilisioɛ. Tó wa taasikɛ̀aanɔ, wáɔ kuaanɔ aà gawi guu.#Gal 4.5-7
Wɛdɔa Lua gawii
18Má è wa gɔɔɛ bee taasi lɛɛũ ń gawi pɔ Lua a bɔòwɛ̃ɛoo. 19Lua pɔkɛa pii wɛ́ dɔ aà nɛɔ bɔa gupuauzi laasai. 20Asa Lua tò a pɔkɛa pii gɔ̃̀ dɔɔsaiɛ.#Daa 3.17-19 I kɛ an pɔeã no, Lua mɛ́ kɛ̀ màa, kɛ́ wɛdɔaaazi guu 21dũnia a bɔ ɔ̃ɔkpaa pɔ àlɛ zɔbleɛ̀u, i gɛ̃ Lua nɛɔ dɛɛpooa ń gawio guu. 22Wá dɔ̃ Lua pɔkɛaɔ pii lɛ́ aaukɛ ń wãwão e tia. 23I kɛ dũnia ado no, wá gbɛ̃́ pɔ wa Lua Nisĩna è gba sɛ̃ia ũɔ, wálɛ aaukɛ kpãikpãi sɔ̃ e Lua àɔ gɛ́ wá boi, i wá sí a nɛɔ ũ.#2 Kln 5.2-4 24Lua wá suabà, kɛ́ wà wɛdɔ yãpii. Pɔ pɔ wa è ń wɛ́oá wɛdɔia yãɛ lɔo. Demɛ ì wɛdɔ pɔ pɔ a èi lɔi? 25Tó wá wɛ́ dɔ pɔ pɔ wi eozi sɔ̃, wiɔ dã́ ń mɛnaoɛ.
26Beewa sɔ̃ Lua Nisĩna ì dɔwálɛ wá gbãasai guu, asa wá wabikɛa dɔ̃ a zɛ́wao, ɔ̃ Lua Nisĩna ì kulɛkɛwɛ̃ɛ Luaɛ ń aau pɔ a yã gɛ̃̀ oaao. 27Lua ì nɔ̀sɛ guu e, mɛ́ a a Nisĩna laasoo dɔ̃, asa Lua Nisĩna ì kulɛkɛ Lua gbɛ̃́ɔnɛ lá Lua yeiwaɛ. 28Wá dɔ̃ kɛ́ Lua ì to yãpii bɔ maa gbɛ̃́ pɔ yeaziɔnɛ, gbɛ̃́ pɔ à ń sisì à ń sɛ́ lá àlɛ yáwaɔ. 29Asa Lua dìlɛ za káau gbɛ̃́ pɔ a dɔaa à ń dɔ̃ɔ bɔ a Nɛwa, kɛ́ aàɔ dɛ nɛ sɛ̃ia ũ ń dãunaɔ dasi. 30Gbɛ̃́ pɔ à ń dilɛ za káaupiɔ ɔ̃ à ń sisì, ɔ̃ a tò yã bɔ̀ ń gbɛ̃́ pɔ à ń sisìpiɔ na, ɔ̃ à a gawi lì gbɛ̃́ pɔ a tò yã bɔ̀ńnɔ napiɔnɛ.
31Wá o kpelewa yã beeɔ musu ni? Lá Lua zɛ̀wanɔ, demɛ a bɔ wá kpɛi? 32Lá i gi ń azĩa Nɛoo, à aà kpà wapii yãi, a wá gba pɔpii lɔo le? 33Demɛ a yãda gbɛ̃́ pɔ Lua ń sɛ́ɔlai? Luapi mɛ́ tò yã bɔ̀wanɔ na. 34Demɛ a yãdawálai? Kilisi Yesu gà, à ɛ̀a vù. A ku Lua ɔplaai, àlɛ kulɛkɛɛ̀wɛ̃ɛ. 35Bɔmɛ a wá kɛ̃́ Kilisi yenziwai? Taasi ge wɛtɛ̃a ge ĩadama ge nɔana ge taasidekɛ ge kai ge zĩkaa, an kee a fɔ̃e? 36Lá wa kɛ̃̀wa wà mɛ̀:
N yãi wá kui ga lɛzĩ
za kɔɔ e oosi,
wì wá dilɛ
lan sã pɔ wa ń kolokpàɔwa.#Soũ 44.23
37Yãpiɔ pii guu wálɛ zĩble aannɔ ń gbɛ̃́ pɔ yewázi gbãao. 38Asa má dɔ̃ sãasã kɛ́ ga ge wɛ̃ni ge malaikaɔ ge tãaɔ ge tiayã ge ziayã ge gbãadeɔ 39ge musupɔɔ ge zĩlɛ pɔɔ ge Lua pɔkɛa pãleɔ, a kee a fɔ̃ wá kɛ̃́ Lua yenziwa naa wá Dii Kilisi Yesuwa guuo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.