Lom 14

Kɔ̃ taae'ea

1À gbɛ̃́ pɔ busɛ luanaaikɛa guu dilɛ yãkelesai. 2Gbɛ̃e kũa á fɔ̃ pɔpii ble, mɛ́ gbɛ̃́ pɔ a luanaaikɛa bilao lí nɔ̀ɔ soo.#Kls 2.16 3Gbɛ̃́ pɔ ì pɔpii ble suli saka gbɛ̃́ pɔ lí pɔpii bleoguo, mɛ́ gbɛ̃́ pɔ lí pɔpii bleo suli gbɛ̃́ pɔ ì pɔpii ble taae'eo, asa Lua aà sìɛ. 4Dén n ũ kɛ́ nlɛ gbɛ̃pãle zĩkɛna taae'ei? Tó a fɔ̃ ge a fɔ̃o, aà Dii yãɛ. A fɔ̃́, asa Dii gbãa a to aà fɔ̃́.

5Gbɛ̃e kũa gɔɔ na dɛkɔ̃a, mɛ́ gbɛ̃pãle kũa gɔɔpii sáaɛ. Baade a sɔ̃ da doũ ń yã pɔ à zɛ̀òo. 6Gbɛ̃́ pɔ ì gɔɔbɔ ì bɔ Dii yãiɛ. Gbɛ̃́ pɔ ì pɔpii ble, ì ble ń Dii gbãaoɛ, ì Lua saaukpa. Gbɛ̃́ pɔ ì pɔ tɛ̃́ ì tɛ̃ Dii yãiɛ, ì Lua saaukpa. 7Gbɛ̃e líɔ ku azĩa yãio, gbɛ̃e lí ga azĩa yãio. Tó wá ku, wá ku Dii pɔ ũɛ, 8tó wa ga, wa ga Dii pɔ ũɛ. Wá kun nò, wa gan nò, wá dɛ Dii pɔ ũɛ. 9Asa Kilisi gà à vù, kɛ́ àɔ dɛ gyaadeɔ ń gbɛ̃́ bɛ̃́ɛɔ Dii ũɛ.

10Kɛ́ nlɛ n gbɛ̃do taae'e sɔ̃ bɛ? Mpi sɔ̃ nlɛ saka n gbɛ̃dogu sɔ̃ bɛ? Lua aɔ zɔ̃lɛa a gĩ́naa, wapii wí bɔ wà zɛ aà aɛ,#2 Kln 5.10 11lá a kɛ̃a wà mɛ̀:

Dii mɛ̀, má ku,

gbɛ̃pii a kulɛmɛɛ,

gbɛ̃pii a ma luakɛ dɔ̃.#Isa 45.23

12Beewa wá baade a azĩa yã sɛlɛ siu Luaɛ.

13A yãi wásuli kɔ̃ taae'e lɔo. Kɔ̃ taae'ea gbɛu à zɛò, á yã pɔ a to á gbɛ̃do fu kɛo. 14Naa Dii Yesuwa guu má dɔ̃ sãasã kɛ́ pɔe líɔ gbãlɛa ń azĩaoo. Tó gbɛ̃́ dìlɛ pɔ gbãlɛa, ìɔ gbãlɛa adeɛ. 15Tó n n gbɛ̃do nɔ̀sɛ ɔ̃ɔkpàɛ̀ pɔ pɔ ń blè yãmusu, ń yeaazio. Nsu gbɛ̃́ pɔ Kilisi gà aà yãi ɔ̃ɔkpa ń blɛ pɔ ni bleoo. 16Ásuli tó wà saka pɔ pɔ maaɛ́guo, 17asa kpala pɔ Lua kpàá pɔblea ń imiao yã no. Lá Lua ì to yã bɔńnɔ na ń kɛa na ń kɔ̃oo ń pɔna pɔ Lua Nisĩna ì inɛ́o yãɛ. 18Gbɛ̃́ pɔ lɛ́ zɔble Kilisiɛ màa, ade yã ì ka Luagu mɛ́ wì aà saaukpa.

19A yãi tò wàli wɛɛlɛ wàɔ na ń kɔ̃o, wíɔ gbãa kãfĩkɔ̃ɛ. 20Nsu Lua zĩ ɔ̃ɔkpa blɛ yãio. Blɛ pii maaɛ, ãma pɔ pɔ ńyɔ̃ ble à tò n gbɛ̃do fu mɛ́ maao. 21Nɔɔsoan nò, wɛ̃mian nò, yã pɔ a to n gbɛ̃do fu pii lé, a maa ǹ tɛ̃ɛ. 22Yã pɔ ń a naai vĩ, ǹyɔ̃ kũa e Lua kĩi. Baaaden gbɛ̃́ pɔ yã pɔ à zɛ̀ò lí aà sɔ̃ vĩo ũ. 23Tó gbɛ̃́ lɛ́ seakɛ blɛ pɔ àlɛ blewa sɔ̃, à azĩa dà yãuɛ, kɛ́ i kpaaĩ ń aà luanaaikɛaoo yãi. Yã pɔ i kpaaĩ ń gbɛ̃́ luanaaikɛaoo a kɛaá duunaɛ.

Currently Selected:

Lom 14: Boo2024

Highlight

Copy

Compare