Maa Lápi bɔɔlɛ
Lápi bɔɔlɛ
Baona lá mɛn siiɔ̃ɔ guu, Maaku pɔ mɛ́ geseũ mɛ́ a kɛ̃a dɔ̀aa a kĩniɔnɛ.
Sɛa za a dɔɔ sɛ̃iawa à Yesu dɛa Lua Nɛ ũ ɔlɔ̀wɛ̃ɛ (1.1). Wì bilikɛ tɔ́piwa, kási a di lápiuɛ (1.11, 3.11, 5.7, 9.7, 13.32, 14.61, 15.39).
Tó gbɛ̃́ pɔ Lua aà zĩ̀pi mɔ̀, sema wà gbãakpaaazi wà aà kpɛla. A yãi Zãa Da'ilɛna mɔ̀i, kɛ́ gbɛ̃́ɔ sɔu e àɔ maà (1.2-8). Zãapi mɛ́ Yesu da'ilɛkɛ̀ (1.9-11).
Yesu yɔ̃a gbáau gbɛa (1.12-13), ɔ̃ à ɔkpà a zĩwa. Maaku iko pɔ Yesu vĩ oa gɛ̃na lɛ́ vĩo, aà yãdaa bilaɛ ń aà gyãeɔ gbãgbãao ń aà gbɛ̃́ɔ sisia aa mɔ tɛazio (1.14–8.30).
Lápi midɛkĩi, a òwɛ̃ɛ lá Yesu mipɛ̀ Yelusalɛũwa gu pɔ a taasikɛu, wi aà dɛ, i gbasa bɔ gau (8.31–10.52). Yesu a taasikɛa ń a gaao ń a bɔa gauo yã'ò a iwaɔnɛ dodo gɛ̃n aaɔ̃, kási aali a gbá dɔ̃o. À a dɛa Gbɛ̃nazĩn Nɛ ũ yã'ònɛ́ a gɛ̃na lɛ́ vĩo, ń beeo aà kua asii gi ulɛanɛ́ɛ.
Kɛ́ à gɛ̃̀ Yelusalɛũ, wà gbãakpàaazi, a gbɛa à laatanaɔ yà Lua ua ń flão, ɔ̃ à zɔadɔ̀ Yuda gbãadeɔwa. Zĩ́ bee à zɛ'è à yã gbɛzã dà a ibɛɛɔnɛ ń bilao ń a iwaɔ (11–13).
Lɛɛ 14–15 guu Maaku gɔɔ pla pɔ gɔ̃̀ Yesuɛ aà ãsɔ̃a gbɛzã guu yã'ò. A guu à pɔ gbɛzã blèu ń a iwaɔ, kɛ́ à pɛ̃ɛ ń vɛ̃ɛo kpaalɛ̀nɛ́, a gbɛa ɔ̃ à wabikɛ̀ Gɛsɛmani swaluu ado, ɔ̃ wà aà kũ̀, wà yãdàaala, wà aà pà líwa, wà aà vĩ̀ gbɛ'ɛu. A gɔɔ aaɔ̃dezĩ kɛ́ nɔɛɔ gɛ̀ aà mia kĩi, aa è a da giiɛ, ɔ̃ aa mà wa ònɛ́ wà mɛ̀, à bɔ̀ gau, a ku wɛ̃ni guu (16.1-18), ɔ̃ aa bɔ̀lɛ ń pɔnao.
Baona lá pɔ Maaku kɛ̃̀, tó ń a kyokɛ̀ ń làa, dɔ̃ lá sosaɔ gbɛ̃zɔ̃ɔ dɔ̃̀wa, kɛ́ Yesu Nazalɛtiá Lua Nɛɛ sĩana.
Currently Selected:
Maa Lápi bɔɔlɛ: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Maa Lápi bɔɔlɛ
Lápi bɔɔlɛ
Baona lá mɛn siiɔ̃ɔ guu, Maaku pɔ mɛ́ geseũ mɛ́ a kɛ̃a dɔ̀aa a kĩniɔnɛ.
Sɛa za a dɔɔ sɛ̃iawa à Yesu dɛa Lua Nɛ ũ ɔlɔ̀wɛ̃ɛ (1.1). Wì bilikɛ tɔ́piwa, kási a di lápiuɛ (1.11, 3.11, 5.7, 9.7, 13.32, 14.61, 15.39).
Tó gbɛ̃́ pɔ Lua aà zĩ̀pi mɔ̀, sema wà gbãakpaaazi wà aà kpɛla. A yãi Zãa Da'ilɛna mɔ̀i, kɛ́ gbɛ̃́ɔ sɔu e àɔ maà (1.2-8). Zãapi mɛ́ Yesu da'ilɛkɛ̀ (1.9-11).
Yesu yɔ̃a gbáau gbɛa (1.12-13), ɔ̃ à ɔkpà a zĩwa. Maaku iko pɔ Yesu vĩ oa gɛ̃na lɛ́ vĩo, aà yãdaa bilaɛ ń aà gyãeɔ gbãgbãao ń aà gbɛ̃́ɔ sisia aa mɔ tɛazio (1.14–8.30).
Lápi midɛkĩi, a òwɛ̃ɛ lá Yesu mipɛ̀ Yelusalɛũwa gu pɔ a taasikɛu, wi aà dɛ, i gbasa bɔ gau (8.31–10.52). Yesu a taasikɛa ń a gaao ń a bɔa gauo yã'ò a iwaɔnɛ dodo gɛ̃n aaɔ̃, kási aali a gbá dɔ̃o. À a dɛa Gbɛ̃nazĩn Nɛ ũ yã'ònɛ́ a gɛ̃na lɛ́ vĩo, ń beeo aà kua asii gi ulɛanɛ́ɛ.
Kɛ́ à gɛ̃̀ Yelusalɛũ, wà gbãakpàaazi, a gbɛa à laatanaɔ yà Lua ua ń flão, ɔ̃ à zɔadɔ̀ Yuda gbãadeɔwa. Zĩ́ bee à zɛ'è à yã gbɛzã dà a ibɛɛɔnɛ ń bilao ń a iwaɔ (11–13).
Lɛɛ 14–15 guu Maaku gɔɔ pla pɔ gɔ̃̀ Yesuɛ aà ãsɔ̃a gbɛzã guu yã'ò. A guu à pɔ gbɛzã blèu ń a iwaɔ, kɛ́ à pɛ̃ɛ ń vɛ̃ɛo kpaalɛ̀nɛ́, a gbɛa ɔ̃ à wabikɛ̀ Gɛsɛmani swaluu ado, ɔ̃ wà aà kũ̀, wà yãdàaala, wà aà pà líwa, wà aà vĩ̀ gbɛ'ɛu. A gɔɔ aaɔ̃dezĩ kɛ́ nɔɛɔ gɛ̀ aà mia kĩi, aa è a da giiɛ, ɔ̃ aa mà wa ònɛ́ wà mɛ̀, à bɔ̀ gau, a ku wɛ̃ni guu (16.1-18), ɔ̃ aa bɔ̀lɛ ń pɔnao.
Baona lá pɔ Maaku kɛ̃̀, tó ń a kyokɛ̀ ń làa, dɔ̃ lá sosaɔ gbɛ̃zɔ̃ɔ dɔ̃̀wa, kɛ́ Yesu Nazalɛtiá Lua Nɛɛ sĩana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.