Mal 3
3
1Ma Dii Zĩgɔ̃de ma mɛ̀: Gwa! Má a zĩna gbaɛ aà dɔaa aà zɛkɛkɛmɛɛ.#Mat 11.10; Maa 1.2; Luk 1.76, 7.27 Dii pɔ i aà wɛɛlɛ a gɛ̃ a kpɛ́u kãndo. À ma, ma baakuaánɔ zĩna pɔ á pɔ dɔwàpi lɛ́ mɔ́! 2Demɛ a aà mɔgɔɔ fɔ̃i?#Yoɛ 2.11; Zia 6.17 Tó à pìla, demɛ aɔ zɛai? Asa aɔ dɛ lan mɔbaasana tɛ́waɛ, lan pɔpina kasa baasaawa. 3A zɔ̃lɛ à gbɛ̃́ɔ baasa à ń gbãsĩ wolo. A gbãbɔ Levi buiɔnɛ, lá wì vua ń ãnusuo gbãsĩ wolowa, wi gbasa wà mɔ Diiɛ ń gbaɔ a zɛ́wa. 4Gɔɔ bee Yelusalɛũdeɔ ń Yudaɔ pii, an gba a ka Diigu lan yãawa, lá a ziwa.
5Ma Dii Zĩgɔ̃de ma mɛ̀: Má mɔwá yãkpalɛu seelade ũ, mí bɔ gbɛ̃kɔɔlɛkɛnaɔ ń gbãsĩkɛnaɔ ń ɛɛ lɛgbɛ̃naɔ kpɛ, ń gbɛ̃́ pɔ aaì ń zĩkɛnaɔ ń gyaa taasideɔ ń tonɛ pɔ gwana vĩoɔ bleɔ pii, ń gbɛ̃́ pɔ aaì bɔmɔɔ ble, aa ma vĩa vĩoɔ.
Gbɛ̃nazĩna Lua kpãi'oa
6Ma Dii mili lilɛo. A yãi á Yakɔbu buiɔ i kaalɛo. 7Ma Dii Zĩgɔ̃de ma mɛ̀: Za á deziɔ gɔɔ ɔ̃ a pã ma yãa, á kũao. À zɛmanɔ, mí zɛánɔ. I mɛ, kpelewa wá zɛnnɔi?
8Gbɛ̃nazĩna ì Lua kpãi'oa? Kási álɛ ma kpãi'o. I mɛ, bɔ́ musu wálɛ n kpãi'oui? Á pɔ kwide ń á gbao musuɛ. 9Á bui pii gɔ̃̀ láaipɔ ũɛ, kɛ́ álɛ ma kpãi'o yãi. 10À mɔ ń pɔ kwideo#Lev 27.30 pii, í ká ma laasiu, kɛ́ blɛ e àɔ ku ma kpɛ́u. Ma Dii Zĩgɔ̃de mamɛ má ò. À ma lɛ bee musu à gwa. Tó mi musu zɛ́ wɛ̃ ma ɛfãai pìsiɛ́, a kua a kakĩiwao, mamɛo! 11Ma Dii Zĩgɔ̃de ma mɛ̀: Má kpá á buapɔ ɔ̃ɔkpanaɔnɛɛ. Aa á pɔɔ miɔnzɔ̃o, á vɛ̃ɛ líɔ nɛ a woloo. 12Bui pii i oɛ́ ɛfãaideɔ, asa á busu aɔ naɛ.
Dii bɔa ń yão gɔɔ
13Ma Dii ma mɛ̀: A yãvãi'ò ma musu. I mɛ, bɔ́ yã wá ò n musui? 14A mɛ̀, zɔblea Luaɛá pãɛ. Kɛ́ wa zĩkɛ̀ Dii Zĩgɔ̃de yãwa mɛ́ wa ulakasaɔ dà aà yãi, bɔ́ ài wá èi? 15Tia kɛ́wa i mɛ waladeɔnɛ ɛfãaideɔ. Álɛ e vãikɛnaɔ mɛ́ aalɛ zɛdɔ, gbɛ̃́ pɔ ì mɛ Lua pila wà dɛ̃ɛka sɔ̃, yãe lí aà leo.
16Gbɛ̃́ pɔ aa Dii vĩa vĩɔ lɛ́ yã'òkɔ̃ɛ, ɔ̃ à swãdɔ̀ ń yãi a mà. Ɔ̃ wà gbɛ̃́ pɔ Dii vĩa vĩ mɛ́ aà tɔ gbia an lɛ́uɔ tɔ́ kɛ̃̀ ladau aà aɛ. 17Ma Dii Zĩgɔ̃de ma mɛ̀, gɔɔ pɔ ma bɔ ń yão, aamɛ aaɔ dɛ ma pɔ ũ, ma aizɛɛ ũ. Má wɛ̃nadɔ̃nɛ́ lá gbɛ̃́ ì wɛ̃nadɔ̃ a nɛ pɔ lɛ́ zĩkɛɛɛwa. 18Í gbɛ̃maaɔ ń gbɛ̃vãiɔ dɔ̃kɔ̃ɛ sa, gbɛ̃́ pɔ aalɛ zɔble Luaɛɔ ń gbɛ̃́ pɔ aali zɔbleɛ̀oɔ. 19Ma Dii Zĩgɔ̃de ma mɛ̀: Gwa! Gɔɔpi lɛ́ mɔ́, aɔ wãa lan muatɛwa, mɛ́ waladeɔ ń vãikɛnaɔ aaɔ dɛ lan sɛ̃giiwa. Gɔɔpi a kũmá piiɛ, an zĩ́na ge an ɔnɛ a gɔ̃o. 20Á gbɛ̃́ pɔ á ma vĩa vĩɔ sɔ̃, yãzɛdekɛa ĩatɛ̃ a bilɛɛ́, mɛ́ a gupua'i a gbɛ̃́ɔ gbãgbã. Á bɔlɛ àɔ vĩvĩ lan zunɛ pɔ wà ń gbaɛɔwa. 21Ma Dii Zĩgɔ̃de ma mɛ̀: Gɔɔ pɔ má bɔ ń yão, á ɔ̃zɔ̃ gbɛ̃vãiɔwa, aaɔ dɛ túfu ũ á taa'ozɛu. 22À to ikoyã pɔ má kpà ma zɔblena Mɔiziwa Olebu àɔ dɔágu, yã pɔ má dìlɛ Isailiɔnɛ ń yã pɔ má dànɛ́o. 23À ma! Má ãnabi Ɛlia#Mat 11.14, 17.10-13; Zãa 1.21 zĩwá e ma mɔgɔɔ zɔ̃ɔ pɔ a to vĩa ń kṹ àɔ ká. 24A to maeɔ lɛdoũkɛ ń ń nɛɔ, mɛ́ nɛɔ lɛdoũkɛ ń ń maeɔ,#Luk 1.17 kɛ́ masu mɔ mà ɔlɛlɛ á busuɛo yãi.
Currently Selected:
Mal 3: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Mal 3
3
1Ma Dii Zĩgɔ̃de ma mɛ̀: Gwa! Má a zĩna gbaɛ aà dɔaa aà zɛkɛkɛmɛɛ.#Mat 11.10; Maa 1.2; Luk 1.76, 7.27 Dii pɔ i aà wɛɛlɛ a gɛ̃ a kpɛ́u kãndo. À ma, ma baakuaánɔ zĩna pɔ á pɔ dɔwàpi lɛ́ mɔ́! 2Demɛ a aà mɔgɔɔ fɔ̃i?#Yoɛ 2.11; Zia 6.17 Tó à pìla, demɛ aɔ zɛai? Asa aɔ dɛ lan mɔbaasana tɛ́waɛ, lan pɔpina kasa baasaawa. 3A zɔ̃lɛ à gbɛ̃́ɔ baasa à ń gbãsĩ wolo. A gbãbɔ Levi buiɔnɛ, lá wì vua ń ãnusuo gbãsĩ wolowa, wi gbasa wà mɔ Diiɛ ń gbaɔ a zɛ́wa. 4Gɔɔ bee Yelusalɛũdeɔ ń Yudaɔ pii, an gba a ka Diigu lan yãawa, lá a ziwa.
5Ma Dii Zĩgɔ̃de ma mɛ̀: Má mɔwá yãkpalɛu seelade ũ, mí bɔ gbɛ̃kɔɔlɛkɛnaɔ ń gbãsĩkɛnaɔ ń ɛɛ lɛgbɛ̃naɔ kpɛ, ń gbɛ̃́ pɔ aaì ń zĩkɛnaɔ ń gyaa taasideɔ ń tonɛ pɔ gwana vĩoɔ bleɔ pii, ń gbɛ̃́ pɔ aaì bɔmɔɔ ble, aa ma vĩa vĩoɔ.
Gbɛ̃nazĩna Lua kpãi'oa
6Ma Dii mili lilɛo. A yãi á Yakɔbu buiɔ i kaalɛo. 7Ma Dii Zĩgɔ̃de ma mɛ̀: Za á deziɔ gɔɔ ɔ̃ a pã ma yãa, á kũao. À zɛmanɔ, mí zɛánɔ. I mɛ, kpelewa wá zɛnnɔi?
8Gbɛ̃nazĩna ì Lua kpãi'oa? Kási álɛ ma kpãi'o. I mɛ, bɔ́ musu wálɛ n kpãi'oui? Á pɔ kwide ń á gbao musuɛ. 9Á bui pii gɔ̃̀ láaipɔ ũɛ, kɛ́ álɛ ma kpãi'o yãi. 10À mɔ ń pɔ kwideo#Lev 27.30 pii, í ká ma laasiu, kɛ́ blɛ e àɔ ku ma kpɛ́u. Ma Dii Zĩgɔ̃de mamɛ má ò. À ma lɛ bee musu à gwa. Tó mi musu zɛ́ wɛ̃ ma ɛfãai pìsiɛ́, a kua a kakĩiwao, mamɛo! 11Ma Dii Zĩgɔ̃de ma mɛ̀: Má kpá á buapɔ ɔ̃ɔkpanaɔnɛɛ. Aa á pɔɔ miɔnzɔ̃o, á vɛ̃ɛ líɔ nɛ a woloo. 12Bui pii i oɛ́ ɛfãaideɔ, asa á busu aɔ naɛ.
Dii bɔa ń yão gɔɔ
13Ma Dii ma mɛ̀: A yãvãi'ò ma musu. I mɛ, bɔ́ yã wá ò n musui? 14A mɛ̀, zɔblea Luaɛá pãɛ. Kɛ́ wa zĩkɛ̀ Dii Zĩgɔ̃de yãwa mɛ́ wa ulakasaɔ dà aà yãi, bɔ́ ài wá èi? 15Tia kɛ́wa i mɛ waladeɔnɛ ɛfãaideɔ. Álɛ e vãikɛnaɔ mɛ́ aalɛ zɛdɔ, gbɛ̃́ pɔ ì mɛ Lua pila wà dɛ̃ɛka sɔ̃, yãe lí aà leo.
16Gbɛ̃́ pɔ aa Dii vĩa vĩɔ lɛ́ yã'òkɔ̃ɛ, ɔ̃ à swãdɔ̀ ń yãi a mà. Ɔ̃ wà gbɛ̃́ pɔ Dii vĩa vĩ mɛ́ aà tɔ gbia an lɛ́uɔ tɔ́ kɛ̃̀ ladau aà aɛ. 17Ma Dii Zĩgɔ̃de ma mɛ̀, gɔɔ pɔ ma bɔ ń yão, aamɛ aaɔ dɛ ma pɔ ũ, ma aizɛɛ ũ. Má wɛ̃nadɔ̃nɛ́ lá gbɛ̃́ ì wɛ̃nadɔ̃ a nɛ pɔ lɛ́ zĩkɛɛɛwa. 18Í gbɛ̃maaɔ ń gbɛ̃vãiɔ dɔ̃kɔ̃ɛ sa, gbɛ̃́ pɔ aalɛ zɔble Luaɛɔ ń gbɛ̃́ pɔ aali zɔbleɛ̀oɔ. 19Ma Dii Zĩgɔ̃de ma mɛ̀: Gwa! Gɔɔpi lɛ́ mɔ́, aɔ wãa lan muatɛwa, mɛ́ waladeɔ ń vãikɛnaɔ aaɔ dɛ lan sɛ̃giiwa. Gɔɔpi a kũmá piiɛ, an zĩ́na ge an ɔnɛ a gɔ̃o. 20Á gbɛ̃́ pɔ á ma vĩa vĩɔ sɔ̃, yãzɛdekɛa ĩatɛ̃ a bilɛɛ́, mɛ́ a gupua'i a gbɛ̃́ɔ gbãgbã. Á bɔlɛ àɔ vĩvĩ lan zunɛ pɔ wà ń gbaɛɔwa. 21Ma Dii Zĩgɔ̃de ma mɛ̀: Gɔɔ pɔ má bɔ ń yão, á ɔ̃zɔ̃ gbɛ̃vãiɔwa, aaɔ dɛ túfu ũ á taa'ozɛu. 22À to ikoyã pɔ má kpà ma zɔblena Mɔiziwa Olebu àɔ dɔágu, yã pɔ má dìlɛ Isailiɔnɛ ń yã pɔ má dànɛ́o. 23À ma! Má ãnabi Ɛlia#Mat 11.14, 17.10-13; Zãa 1.21 zĩwá e ma mɔgɔɔ zɔ̃ɔ pɔ a to vĩa ń kṹ àɔ ká. 24A to maeɔ lɛdoũkɛ ń ń nɛɔ, mɛ́ nɛɔ lɛdoũkɛ ń ń maeɔ,#Luk 1.17 kɛ́ masu mɔ mà ɔlɛlɛ á busuɛo yãi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.