Bɔa 7
7
Yã mɛn kwi yiaa Egipiwa
1Ɔ̃ Dii ò Mɔiziɛ: Gwa! Ma n kɛ Falaɔ̃ɛ lámawa, mɛ́ n vĩi Aalona aɔ dɛ n yã'ona ũ. 2Yã pɔ má ònɛ pii o n vĩi Aalonaɛ, i o Falaɔ̃ɛ aà Isailiɔ gbaɛ aa bɔlɛ a busuu. 3Ń beeo má aà swãfɛ̃ɛ̀. Má seelaɔ ń dabudabuɔ kɛ Egipi dasi,#Zĩn 7.36 4kási Falaɔ̃ a á yãmao. Má ɔtɔ̃ Egipiɔwa, mí yãkpalɛkɛńnɔ, mí a zĩgɔ̃ ma gbɛ̃́ Isailiɔ bɔlɛ. 5Tó ma bɔ ń ma gbãao Egipi, má Isailiɔ bɔlɛu, Egipiɔ i dɔ̃ sa kɛ́ mamɛ má Dii ũ. 6Ɔ̃ Mɔizi ń Aalonao kɛ̀ lá Dii ònɛ́wa. 7Gɔɔ pɔ aa yã'ò Falaɔ̃ɛ, Mɔizi wɛ̃̀ basiiɔ̃ɛ, Aalona sɔ̃, wɛ̃̀ basiiɔ̃ ń aaɔ̃o.
8Ɔ̃ Dii ò Mɔiziɛ ń Aalonao: 9Tó Falaɔ̃ dabudabu gbɛ̀ama, o Aalonaɛ aà a go sɛ à pãlɛ aà aɛ, i li mlɛ ũ. 10Kɛ́ Mɔizi ń Aalonao gɛ̀ Falaɔ̃ kĩi, aa kɛ̀ lá Dii ònɛ́wa. Aalona a go sɛ̀ a pã̀lɛ Falaɔ̃ ń a iwaɔ aɛ, ɔ̃ à lì mlɛ ũ. 11Ɔ̃ Falaɔ̃ Egipi wɛzɛ̃naɔ ń ɛsɛdeɔ sìsi, ɔ̃ aa dabudabupi kɛ̀ màa sɔ̃ ń ɛsɛdekɛ guu. 12Kɛ́ an baade a go pã̀lɛ,#2 Tim 3.8 ɔ̃ an gopiɔ lì mlɛɔ ũ sɔ̃, ɔ̃ Aalona go an pɔɔ mɔ̀mɔ. 13Falaɔ̃ swã yìaaɛ, à gì ń yãmai lá Dii òwa.
Íɔ lia au ũ
14Dii ò Mɔiziɛ: Falaɔ̃ swã gbãa, à gì gbɛ̃́ɔ gbaɛi. 15Gɛ ǹ aà le zia kɔɔ, gɔɔ pɔ àlɛ gɛ́ swai, níɔ aà dã Niili saɛ we. Ǹyɔ̃ n go pɔ lì mlɛ ũpi kũa, 16ní oɛ̀ ǹ mɛ, ma Dii Hɛbɛluɔ Lua mamɛ ma n zĩwà ǹ oɛ̀ aà ma gbɛ̃́ɔ gbaɛ aa gɛ́ ma sisii gbáau, kási e tia i mao. 17Ma Dii ma mɛ̀, yã pɔ a to aà dɔ̃ kɛ́ mamɛ má Dii ũn kɛ: Tó n Niili í lɛ̀ ń go pɔ ń kũao, a li au ũɛ.#Zia 11.6, 16.4 18Kpɔ pɔ ku ípiuɔ i gaga, Niili í i gĩdɔ, Egipiɔ i fua mii.
19Ɔ̃ Dii ɛ̀a ò Mɔiziɛ: O Aalonaɛ aà a go sɛ à dɔ Egipi íɔla, an swaɔ ń ń swa'ɔnaɔ ń ń biaɔ ń ń ikalɛkĩiɔ pii, i gɔ̃ au ũ. Au iɔ daagua Egipi, baa í pɔ ká an pɛ̃naɔ ń ń olaɔ guu pii.
20Ɔ̃ Mɔizi ń Aalonao kɛ̀ lá Dii ònɛ́wa. Aalona a gopi sɛ̀, à Niili í lɛ̀ò Falaɔ̃ ń a iwaɔ wáa, ɔ̃ ípi gɔ̃̀ au ũ pii.#Soũ 78.44, 105.29 21Kpɔ pɔ ku a guuɔ gàga, ɔ̃ Niili ípi gĩdɔ̀, Egipiɔ fùa mii. Au daagua Egipi. 22Egipi ɛsɛdeɔ kɛ̀ màa sɔ̃ ń ɛsɛdekɛ guu, ɔ̃ Falaɔ̃ swãgbãakũ̀, à gì ń yãmai lá Dii òwa. 23Falaɔ̃ ɛ̀a tà a bɛ, i yãpi da seo. 24Egipiɔ bia yɔ̃̀yɔ̃ Niili gɔ̃sɔ̃wa, kɛ́ aa e imi, asa aai fɔ̃ swada imìo. 25A ku màa e gɔɔ sopla Dii Niili lɛa gbɛa.
Blɔɔɔ kaa
26Ɔ̃ Dii ò Mɔiziɛ: Gɛ ǹ o Falaɔ̃ɛ, ma Dii ma mɛ̀ aà ma gbɛ̃́ɔ gbaɛ aa gɛ́ ma sisii. 27Tó à gì ń gbaɛi sɔ̃, má tó blɔɔɔ ka aà busuu piiɛ. 28Blɔɔɔ Niili pa e aa bua sĩsĩa, aai gɛ̃ aà ua e aà kpɛ́u kpɛa, aai dɛdɛ aà wulɛbɔwa. Aa gɛ̃ aà iwaɔ uaɔ ń aà gbɛ̃́ɔ uaɔ. Aa ka aà kĩnaɔ guu ń aà blɛdabɔɔu. 29Blɔɔɔ dɛdɛwà ń aà gbɛ̃́ɔ ń aà iwaɔ piiɛ.
Currently Selected:
Bɔa 7: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 7
7
Yã mɛn kwi yiaa Egipiwa
1Ɔ̃ Dii ò Mɔiziɛ: Gwa! Ma n kɛ Falaɔ̃ɛ lámawa, mɛ́ n vĩi Aalona aɔ dɛ n yã'ona ũ. 2Yã pɔ má ònɛ pii o n vĩi Aalonaɛ, i o Falaɔ̃ɛ aà Isailiɔ gbaɛ aa bɔlɛ a busuu. 3Ń beeo má aà swãfɛ̃ɛ̀. Má seelaɔ ń dabudabuɔ kɛ Egipi dasi,#Zĩn 7.36 4kási Falaɔ̃ a á yãmao. Má ɔtɔ̃ Egipiɔwa, mí yãkpalɛkɛńnɔ, mí a zĩgɔ̃ ma gbɛ̃́ Isailiɔ bɔlɛ. 5Tó ma bɔ ń ma gbãao Egipi, má Isailiɔ bɔlɛu, Egipiɔ i dɔ̃ sa kɛ́ mamɛ má Dii ũ. 6Ɔ̃ Mɔizi ń Aalonao kɛ̀ lá Dii ònɛ́wa. 7Gɔɔ pɔ aa yã'ò Falaɔ̃ɛ, Mɔizi wɛ̃̀ basiiɔ̃ɛ, Aalona sɔ̃, wɛ̃̀ basiiɔ̃ ń aaɔ̃o.
8Ɔ̃ Dii ò Mɔiziɛ ń Aalonao: 9Tó Falaɔ̃ dabudabu gbɛ̀ama, o Aalonaɛ aà a go sɛ à pãlɛ aà aɛ, i li mlɛ ũ. 10Kɛ́ Mɔizi ń Aalonao gɛ̀ Falaɔ̃ kĩi, aa kɛ̀ lá Dii ònɛ́wa. Aalona a go sɛ̀ a pã̀lɛ Falaɔ̃ ń a iwaɔ aɛ, ɔ̃ à lì mlɛ ũ. 11Ɔ̃ Falaɔ̃ Egipi wɛzɛ̃naɔ ń ɛsɛdeɔ sìsi, ɔ̃ aa dabudabupi kɛ̀ màa sɔ̃ ń ɛsɛdekɛ guu. 12Kɛ́ an baade a go pã̀lɛ,#2 Tim 3.8 ɔ̃ an gopiɔ lì mlɛɔ ũ sɔ̃, ɔ̃ Aalona go an pɔɔ mɔ̀mɔ. 13Falaɔ̃ swã yìaaɛ, à gì ń yãmai lá Dii òwa.
Íɔ lia au ũ
14Dii ò Mɔiziɛ: Falaɔ̃ swã gbãa, à gì gbɛ̃́ɔ gbaɛi. 15Gɛ ǹ aà le zia kɔɔ, gɔɔ pɔ àlɛ gɛ́ swai, níɔ aà dã Niili saɛ we. Ǹyɔ̃ n go pɔ lì mlɛ ũpi kũa, 16ní oɛ̀ ǹ mɛ, ma Dii Hɛbɛluɔ Lua mamɛ ma n zĩwà ǹ oɛ̀ aà ma gbɛ̃́ɔ gbaɛ aa gɛ́ ma sisii gbáau, kási e tia i mao. 17Ma Dii ma mɛ̀, yã pɔ a to aà dɔ̃ kɛ́ mamɛ má Dii ũn kɛ: Tó n Niili í lɛ̀ ń go pɔ ń kũao, a li au ũɛ.#Zia 11.6, 16.4 18Kpɔ pɔ ku ípiuɔ i gaga, Niili í i gĩdɔ, Egipiɔ i fua mii.
19Ɔ̃ Dii ɛ̀a ò Mɔiziɛ: O Aalonaɛ aà a go sɛ à dɔ Egipi íɔla, an swaɔ ń ń swa'ɔnaɔ ń ń biaɔ ń ń ikalɛkĩiɔ pii, i gɔ̃ au ũ. Au iɔ daagua Egipi, baa í pɔ ká an pɛ̃naɔ ń ń olaɔ guu pii.
20Ɔ̃ Mɔizi ń Aalonao kɛ̀ lá Dii ònɛ́wa. Aalona a gopi sɛ̀, à Niili í lɛ̀ò Falaɔ̃ ń a iwaɔ wáa, ɔ̃ ípi gɔ̃̀ au ũ pii.#Soũ 78.44, 105.29 21Kpɔ pɔ ku a guuɔ gàga, ɔ̃ Niili ípi gĩdɔ̀, Egipiɔ fùa mii. Au daagua Egipi. 22Egipi ɛsɛdeɔ kɛ̀ màa sɔ̃ ń ɛsɛdekɛ guu, ɔ̃ Falaɔ̃ swãgbãakũ̀, à gì ń yãmai lá Dii òwa. 23Falaɔ̃ ɛ̀a tà a bɛ, i yãpi da seo. 24Egipiɔ bia yɔ̃̀yɔ̃ Niili gɔ̃sɔ̃wa, kɛ́ aa e imi, asa aai fɔ̃ swada imìo. 25A ku màa e gɔɔ sopla Dii Niili lɛa gbɛa.
Blɔɔɔ kaa
26Ɔ̃ Dii ò Mɔiziɛ: Gɛ ǹ o Falaɔ̃ɛ, ma Dii ma mɛ̀ aà ma gbɛ̃́ɔ gbaɛ aa gɛ́ ma sisii. 27Tó à gì ń gbaɛi sɔ̃, má tó blɔɔɔ ka aà busuu piiɛ. 28Blɔɔɔ Niili pa e aa bua sĩsĩa, aai gɛ̃ aà ua e aà kpɛ́u kpɛa, aai dɛdɛ aà wulɛbɔwa. Aa gɛ̃ aà iwaɔ uaɔ ń aà gbɛ̃́ɔ uaɔ. Aa ka aà kĩnaɔ guu ń aà blɛdabɔɔu. 29Blɔɔɔ dɛdɛwà ń aà gbɛ̃́ɔ ń aà iwaɔ piiɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.