Bɔa 32

Vua gaaena

(Iko 9.6-29)

1Kɛ́ gbɛ̃́ɔ è Mɔizi lɛ́ pila gbɛwa kpaao, aa kã̀aa Aalonazi aa òɛ̀: Wà gɛ wà diie kɛ aà dɔaawɛ̃ɛ, asa Mɔizi pɔ wá bɔlɛ Egipipi, wá dɔ̃ bɔ́ à bɔ̀lɛ a ũo. 2Ɔ̃ Aalona ònɛ́: À á nɔɛɔ swãli pɔ wa pì ń vuaoɔ bɔlɛ ń á nɛgɔ̃ɛnaɔ ń á nɛnɔɛnaɔ, í mɔòmɛɛ. 3Ɔ̃ gbɛ̃pii a swãli pɔ wa pì ń vuaoɔ bɔ̀lɛ aa kpà Aalonawa. 4A sì a kàsa lan gaaenawa, ɔ̃ a yɔ̀ɔ. Ɔ̃ wà mɛ̀: Isailiɔ, á diin kɛ! Ɔ̃mɛ á bɔlɛ Egipi.#1 Kia 12.28; Zĩn 7.40-41 5Kɛ́ Aalona è màa, à sa'okĩi bò zupi aɛ, ɔ̃ à kpawakɛ̀ à mɛ̀: Dii dikpɛ ku zia. 6Kɛ́ gu dɔ̀, gbɛ̃́ɔ fɛ̀lɛ aa sa pɔ wì a pɔ katɛu à tɛkũ òwà ń saaukpasao. Gbɛ̃́ɔ zɔ̃̀lɛ, aalɛ pɔble aalɛ imi, ɔ̃ aa fɛ̀lɛ lɛ́ kɔ̃ɔ'o.#1 Kln 10.7

7Ɔ̃ Dii ò Mɔiziɛ: Pila ǹ gɛi! N gbɛ̃́ pɔ n ń bɔlɛ Egipiɔ ɔ̃ɔkpà. 8Aa kɛ̃̀ zɛ́ pɔ má ɔlɔ̀nɛ́wa aannɔ, aa vua kàsa tãa ũ lan gaaenawa, aa kùlɛɛ̀, aa sa'òwà aa mɛ̀, Isailiɔ dii pɔ ń bɔlɛ Egipin we. 9Má è gbɛ̃́piɔ swã gbãaɛ. 10Gomala mà a kpɛ̃nɛmuu bɔbɔmá mà ń kaalɛ, mpi sɔ̃, mí n kɛ bui zɔ̃ɔ ũ. 11Ɔ̃ Mɔizi awakpà Dii a Luaɛ à mɛ̀: Dii, bɔyãi ńyɔ̃ n kpɛ̃nɛmuu bɔbɔ n gbɛ̃́ pɔ n ń bɔlɛ Egipi ń n iko zɔ̃ɔo ń n gãsa gbãaoɔwai? 12Egipiɔ mɛ an miɔnzɔ̃a yãi ɔ̃ n ń bɔlɛi, kɛ́ ǹ e ǹ ń dɛdɛ gbɛsĩsĩɔwa ǹ ń midɛ dũniau. Ǹ n pɔkũma kpalɛ, ní yã pɔ ń ye ǹ yia n gbɛ̃́ɔwapi bɔ n nɔ̀sɛu. 13To n zɔblenaɔ Ablahaũ ń Izaakio ń Isailio yã dɔngu, asa n lɛgbɛ̃̀nɛ́ ń nzĩao n mɛ̀ ńyɔ̃ ń bui kãfĩ lan saanaɔwa, ní busu pɔ n a yã'ònɛ́ kpá ń buiɔwa aaɔ vĩ gɔɔpii.#Daa 17.8, 22.16-17 14Ɔ̃ Dii yã pɔ à mɛ̀ á yia a gbɛ̃́ɔwapi bɔ̀ a nɔ̀sɛu.#Nao 14.13-19

15Mɔizi ɛ̀a pìla gbɛwa, a ikoyã gbɛpɛpɛɛ mɛn plapiɔ kũa. Yã kɛ̃a gbɛpiɔwa kpɛplapla pii. 16Lua mɛ́ gbɛpɛpɛɛpiɔ ã̀, ɔ̃mɛ yãkɛ̃̀má. 17Yozue gbɛ̃́ɔ wii mà, ɔ̃ a ò Mɔiziɛ: Zĩkawii ma dɔ bòou. 18Mɔizi mɛ̀: Kukua mɛ́ dɔ weo, kási bubuapɛan we sɔ̃o, lɛsia ɔ̃ malɛ ma. 19Kɛ́ à kà kãi ń bòoo, a è wàlɛ ɔ̃wã zugaaenaɛ, ɔ̃ aà pɔ pà. À gbɛpɛpɛɛ pɔ a kũapiɔ pã̀lɛ gbɛpɔlɛu we, aa wìwi. 20Ɔ̃ à zugaaena pɔ wa pìpi sɛ̀ a dà tɛ́u. À a tibò, ɔ̃ a zù ía a kpà Isailiɔwa aa mì. 21Ɔ̃ Mɔizi Aalona là à mɛ̀: Bɔ́ gbɛ̃́piɔ kɛ̀nɛ, n gbasa ń tò aa duun zɔ̃ɔɛ taa kɛ̀i? 22Ɔ̃ a wèwà à mɛ̀: Nsu to n pɔ pao, Baa. Ń gbɛ̃́piɔ dɔ̃, kɛ́ aa vãi. 23Aamɛ aa òmɛɛ mà diie kɛ aà dɔaanɛ́. Aa mɛ̀ Mɔizi pɔ ń bɔlɛ Egipipi, wa dɔ̃ bɔ́ à bɔ̀lɛ a ũo. 24Ɔ̃ má ònɛ́ an gbɛ̃́ pɔ vua vĩɔ aa bɔlɛ aa mɔò. Kɛ́ aa mɔ̀ò, ɔ̃ má kàtɛu, ɔ̃ à bɔ̀ gaaenapi ũ.

25Mɔizi è Aalona tò gbɛ̃́ɔ lɛ́ ńzĩa pɔeã kɛɛ, ɔ̃ aa gɔ̃̀ laanipɔ ũ ń ibɛɛɔnɛ. 26Ɔ̃ à zɛ̀ bòo bɔlɛu à mɛ̀: Gbɛ̃́ pɔ zɛ̀ ń Diioɔ, aa mɔ ma kĩi. Ɔ̃ Levi buiɔ kã̀aaaazi. 27A ònɛ́: Dii Isailiɔ Lua mɛ̀, á baade a fɛ̃nda loo à pãpã bòoa bɔlɛ ń bɔlɛo, á baade i a gbɛ̃́ɔ ń a gbɛ̃naɔ ń a gbɛ̃deeɔ dɛdɛò. 28Levi buiɔ kɛ̀ lá Mɔizi dànɛ́wa. Gbɛ̃́ pɔ wà ń dɛdɛ̀ zĩbeezĩɔ kà gbɛ̃ɔn ɔaa gɛ̃o (3 000) taawa. 29Ɔ̃ Mɔizi ò Levi buipiɔnɛ: Lá a bɔ á nɛɔ ń á gbɛ̃́ɔ kpɛ,#Mat 10.37 a gɔ̃ Dii gbɛ̃́ɔ ũ gbã. Dii baaadàágu gbãn we.

Mɔizi awakpaa Diiɛ Isailiɔnɛ

30Kɛ́ gu dɔ̀ Mɔizi ò gbɛ̃́ɔnɛ: A duun zɔ̃ɔ kɛ̀, ń beeo má ɛa mà dɛdɛ gbɛwa mà gɛ́ Dii kĩi lɔ, wìliɔ dɔ̃o tó a ma awasi á duuna yãmusu. 31Ɔ̃ à ɛ̀a gɛ̀ Dii kĩi à mɛ̀: N yã na! Gbɛ̃́piɔ duun zɔ̃ɔ kɛ̀, aa diie kɛ̀ ńzĩaɛ ń vuao. 32Suuukɛ! Ǹ ń duuna kɛ̃má. Tó màa no, ma tɔ́ waa lá pɔ ń kɛ̃̀ guu.#Soũ 69.29; Zia 3.5 33Dii òɛ̀: Gbɛ̃́ pɔ duunakɛ̀mɛɛ tɔ́ ɔ̃ má waa ma lá guu. 34Gɛ́ ń gbɛ̃́ɔ gu pɔ má ònɛu sa. Ma malaika a dɔaanɛ. Ń beeo ma ĩadamagɔɔ, má ĩadamá an duuna yãiɛ. 35Ɔ̃ Dii gagyãkàńgu gaaena pɔ aa tò Aalona pìpi yãi.

Currently Selected:

Bɔa 32: Boo2024

Highlight

Copy