Bɔa 26
26
Zwãakpɛdɔa yã
(Bɔa 36.8-38)
1Zwãakpɛ zwãa kɛ ń pɔlɛ pɔ wa tã̀ ń bataɛao lɛ kwi, wà kelubiɔ gɔ̃inakɛ̀wà ń babuunao ń bagaaluladeo ń wɔ̃ɔtɛ̃naoɔ. 2Pɔlɛpiɔ gbã̀a iɔ gãsĩsuu baakwi plasai, a yaasa sɔ̃, gãsĩsuu siiɔ̃. Pɔlɛpiɔ zɔ̃ɔ aɔ sáa màa piiɛ, 3wi pɔlɛpiɔ nami lɛ sɔsɔo. 4Babuuna lɛtãnkɛ ǹ dɔdɔ zwãapiɔ lɛ́ gbɛzãɔwa 5mɛn blakwikwi, bapiɔ iɔ bɔaaa ń kɔ̃o pii. 6Mɔkoolonaɔ pi ń vuao mɛn blakwi, ní bapi kakau lá a bɔaabɔaa ń kɔ̃owa, ní zwãakpɛ zwãapi daòkɔ̃i.
7Blekã pɔlɛ tã́ lɛ kuɛdo, wìli ku zwãakpɛpia. 8Pɔlɛ mɛndo gbã̀a iɔ gãsĩsuu baakwi, a yaasa sɔ̃, gãsĩsuu siiɔ̃. Pɔlɛ lɛ kuɛdopiɔ zɔ̃ɔ aaɔ sáa màa pii. 9Ǹ a lɛ sɔoɔ nami adoa, ní a lɛ soolo pɔ gɔ̃̀ nami adoa lɔ. Pɔlɛ lɛ soolode kpaaũ kpɛ́pi lɛ́ pɔ ũ. 10Bà lɛtãnkɛ ǹ dɔdɔ zwãapiɔ lɛ́ gbɛzãɔwa mɛn blakwikwi. 11Mɔkoolonaɔ pi ń mɔgotɛ̃o mɛn blakwikwi, ní bapi kakau, zwãakpɛ zwãapi i dakɔ̃i. 12Zwãapi gbã̀a pɔ a dɛ kpɛ́pia i ka zwãapi mɛndo guo, iɔ bãɛa kpɛ́pi kpɛ. 13Zwãapi yaasa pɔ a dɛ kpɛ́pi zwãa káaua kpɛla ń kpɛleo gãsĩsuu dodo, iɔ bãɛa màa. 14Sãsa báa pɔ wa kɛ̀kɛ tɛ̃ɛɛɔ dadakɔ̃i, wìli ku zwãakpɛpia, ní ayo báaɔ dadakɔ̃i, wìli kua lɔ.
15Lɛpusia lí ã pɛ̀pɛɛpɛpɛɛ zwãakpɛ lipɛlɛɔ ũ. 16Lípiɔ gbã̀a iɔ gãsĩsuu kwikwi, a yaasa sɔ̃, gãsĩsuu dodo ń kĩnio. 17Lipɛpɛɛpiɔ swãbɔbɔ ǹ kpaaĩ mɛn plapla. Zwãakpɛ lípiɔ kɛ màa pii. 18Lipɛpɛɛɔ kɛ màa mɛn bao zwãakpɛ gɛɔmidɔkĩi oi pɔ ũ, 19ní a zɛbɔɔ pi ń ãnusuo mɛn bla, wìli lí mɛn baopiɔ pɛpɛu, lí mɛndo iɔ zɛbɔ vĩ pla a swãɔ gɛ̃kĩi ũ. 20Lipɛpɛɛɔ kɛ màa lɔ mɛn bao zwãakpɛ gugbãntoo oi pɔ ũ, 21ní a zɛbɔɔ pi ń ãnusuo mɛn bla, wìli dilɛ mɛn plapla wà lí mɛndo swã pɛpɛu. 22Lipɛpɛɛ kɛ màa mɛn soolo zwãakpɛ bɛ'aɛ oi pɔ ũ. 23Lipɛpɛɛ kɛ màa lɔ mɛn pla zwãakpɛ bɛ'aɛ oipi golaɔ pɔ ũ. 24Gola lí mɛn plapiɔ paa ǹ nakɔ̃wa za zĩlɛ e musu, a zã iɔ mɛndo. 25Zwãakpɛpi lipɛpɛɛɔ iɔ mɛn swaaɔ̃ ń ãnusu zɛbɔɔ mɛn gɛ̃o ń mɛndoo, lí pii ń a zɛbɔɔ mɛn plapla.
26Lɛpusia lí ã pɔ̃ɔpɔ̃ɔ mɛn sɔo zwãakpɛ kpɛ do lipɛpɛɛɔ yebɔ ũ, 27ní ã lɔ mɛn sɔo kpɛ do lipɛpɛɛɔ pɔ ũ. Lipɔ̃ɔɔ pãle ã lɔ mɛn sɔo zwãakpɛ bɛ'aɛ oi lipɛpɛɛɔ yebɔ ũ. 28Lipɔ̃ɔɔ pɔ aɔ ku guo a pã lipɛpɛɛɔla guoguoɛ, bɔa a lɛla e a lɛle. 29Vua kulɛ lipɛpɛɛpiɔwa, ní ń zãɔ pi ń vuao a lipɔ̃ɔɔpiɔ sɔlɔkĩi ũ. Vua kulɛ lipɔ̃ɔɔpiɔwa lɔ. 30Zwãakpɛpi dɔ lá ma a taa ɔlɔ̀nɛ gbɛ musuwa.
31Zwãatã ǹ pɛlɛ suuna ũ, ní kelubiɔ gɔ̃inakɛwà ń babuunao ń bagaaluladeo ń wɔ̃ɔtɛ̃nao ń bataɛao. 32Lɛpusia lí ã a lipɛlɛɔ ũ, ní vua kulɛwà pii, ní lípiɔ pɛpɛ a zɛbɔ pɔ wa pì ń ãnusuo mɛn siiɔ̃ guu. Zwãapi dɔ lipɛlɛ mɛn siiɔ̃piɔ kũbɔ pɔ wa pì ń vuaoɔwa. 33Zwãapi kũbɔɔ ka lipɛlɛ mɔkoolonapiɔu. Ikoyã kpagolo dilɛ suunapi kpɛ. Suunapi i zwãakpɛpi biilɛ lɛɛ pla, kpɛɛlɛ ń luakukĩio.#Hɛb 6.19, 9.3-5 34Ikoyã kpagolo pɔ ku luakukĩi nɛtaɛ, 35ní taabũnu dilɛ suunapi saɛ kpɛɛlɛ oi zwãakpɛ gugbãntoo oi, ní dau dilɛ ǹ a aɛ dɔ taabũnupiwa zwãakpɛ gɛɔmidɔkĩi oi.
36Zwãatã kpɛ́pi lɛ́ pɔ ũ, ní gɔ̃inakɛwà ń babuunao ń bagaaluladeo ń wɔ̃ɔtɛ̃nao ń bataɛao. 37Lɛpusia lí ã zwãapi lipɛlɛɔ ũ mɛn sɔo, ní vua lɛwà pii, ní a mɔkoolonaɔ pi ń vuao, ní a zɛbɔɔ pi ń mɔgotɛ̃o mɛn sɔo.
Currently Selected:
Bɔa 26: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 26
26
Zwãakpɛdɔa yã
(Bɔa 36.8-38)
1Zwãakpɛ zwãa kɛ ń pɔlɛ pɔ wa tã̀ ń bataɛao lɛ kwi, wà kelubiɔ gɔ̃inakɛ̀wà ń babuunao ń bagaaluladeo ń wɔ̃ɔtɛ̃naoɔ. 2Pɔlɛpiɔ gbã̀a iɔ gãsĩsuu baakwi plasai, a yaasa sɔ̃, gãsĩsuu siiɔ̃. Pɔlɛpiɔ zɔ̃ɔ aɔ sáa màa piiɛ, 3wi pɔlɛpiɔ nami lɛ sɔsɔo. 4Babuuna lɛtãnkɛ ǹ dɔdɔ zwãapiɔ lɛ́ gbɛzãɔwa 5mɛn blakwikwi, bapiɔ iɔ bɔaaa ń kɔ̃o pii. 6Mɔkoolonaɔ pi ń vuao mɛn blakwi, ní bapi kakau lá a bɔaabɔaa ń kɔ̃owa, ní zwãakpɛ zwãapi daòkɔ̃i.
7Blekã pɔlɛ tã́ lɛ kuɛdo, wìli ku zwãakpɛpia. 8Pɔlɛ mɛndo gbã̀a iɔ gãsĩsuu baakwi, a yaasa sɔ̃, gãsĩsuu siiɔ̃. Pɔlɛ lɛ kuɛdopiɔ zɔ̃ɔ aaɔ sáa màa pii. 9Ǹ a lɛ sɔoɔ nami adoa, ní a lɛ soolo pɔ gɔ̃̀ nami adoa lɔ. Pɔlɛ lɛ soolode kpaaũ kpɛ́pi lɛ́ pɔ ũ. 10Bà lɛtãnkɛ ǹ dɔdɔ zwãapiɔ lɛ́ gbɛzãɔwa mɛn blakwikwi. 11Mɔkoolonaɔ pi ń mɔgotɛ̃o mɛn blakwikwi, ní bapi kakau, zwãakpɛ zwãapi i dakɔ̃i. 12Zwãapi gbã̀a pɔ a dɛ kpɛ́pia i ka zwãapi mɛndo guo, iɔ bãɛa kpɛ́pi kpɛ. 13Zwãapi yaasa pɔ a dɛ kpɛ́pi zwãa káaua kpɛla ń kpɛleo gãsĩsuu dodo, iɔ bãɛa màa. 14Sãsa báa pɔ wa kɛ̀kɛ tɛ̃ɛɛɔ dadakɔ̃i, wìli ku zwãakpɛpia, ní ayo báaɔ dadakɔ̃i, wìli kua lɔ.
15Lɛpusia lí ã pɛ̀pɛɛpɛpɛɛ zwãakpɛ lipɛlɛɔ ũ. 16Lípiɔ gbã̀a iɔ gãsĩsuu kwikwi, a yaasa sɔ̃, gãsĩsuu dodo ń kĩnio. 17Lipɛpɛɛpiɔ swãbɔbɔ ǹ kpaaĩ mɛn plapla. Zwãakpɛ lípiɔ kɛ màa pii. 18Lipɛpɛɛɔ kɛ màa mɛn bao zwãakpɛ gɛɔmidɔkĩi oi pɔ ũ, 19ní a zɛbɔɔ pi ń ãnusuo mɛn bla, wìli lí mɛn baopiɔ pɛpɛu, lí mɛndo iɔ zɛbɔ vĩ pla a swãɔ gɛ̃kĩi ũ. 20Lipɛpɛɛɔ kɛ màa lɔ mɛn bao zwãakpɛ gugbãntoo oi pɔ ũ, 21ní a zɛbɔɔ pi ń ãnusuo mɛn bla, wìli dilɛ mɛn plapla wà lí mɛndo swã pɛpɛu. 22Lipɛpɛɛ kɛ màa mɛn soolo zwãakpɛ bɛ'aɛ oi pɔ ũ. 23Lipɛpɛɛ kɛ màa lɔ mɛn pla zwãakpɛ bɛ'aɛ oipi golaɔ pɔ ũ. 24Gola lí mɛn plapiɔ paa ǹ nakɔ̃wa za zĩlɛ e musu, a zã iɔ mɛndo. 25Zwãakpɛpi lipɛpɛɛɔ iɔ mɛn swaaɔ̃ ń ãnusu zɛbɔɔ mɛn gɛ̃o ń mɛndoo, lí pii ń a zɛbɔɔ mɛn plapla.
26Lɛpusia lí ã pɔ̃ɔpɔ̃ɔ mɛn sɔo zwãakpɛ kpɛ do lipɛpɛɛɔ yebɔ ũ, 27ní ã lɔ mɛn sɔo kpɛ do lipɛpɛɛɔ pɔ ũ. Lipɔ̃ɔɔ pãle ã lɔ mɛn sɔo zwãakpɛ bɛ'aɛ oi lipɛpɛɛɔ yebɔ ũ. 28Lipɔ̃ɔɔ pɔ aɔ ku guo a pã lipɛpɛɛɔla guoguoɛ, bɔa a lɛla e a lɛle. 29Vua kulɛ lipɛpɛɛpiɔwa, ní ń zãɔ pi ń vuao a lipɔ̃ɔɔpiɔ sɔlɔkĩi ũ. Vua kulɛ lipɔ̃ɔɔpiɔwa lɔ. 30Zwãakpɛpi dɔ lá ma a taa ɔlɔ̀nɛ gbɛ musuwa.
31Zwãatã ǹ pɛlɛ suuna ũ, ní kelubiɔ gɔ̃inakɛwà ń babuunao ń bagaaluladeo ń wɔ̃ɔtɛ̃nao ń bataɛao. 32Lɛpusia lí ã a lipɛlɛɔ ũ, ní vua kulɛwà pii, ní lípiɔ pɛpɛ a zɛbɔ pɔ wa pì ń ãnusuo mɛn siiɔ̃ guu. Zwãapi dɔ lipɛlɛ mɛn siiɔ̃piɔ kũbɔ pɔ wa pì ń vuaoɔwa. 33Zwãapi kũbɔɔ ka lipɛlɛ mɔkoolonapiɔu. Ikoyã kpagolo dilɛ suunapi kpɛ. Suunapi i zwãakpɛpi biilɛ lɛɛ pla, kpɛɛlɛ ń luakukĩio.#Hɛb 6.19, 9.3-5 34Ikoyã kpagolo pɔ ku luakukĩi nɛtaɛ, 35ní taabũnu dilɛ suunapi saɛ kpɛɛlɛ oi zwãakpɛ gugbãntoo oi, ní dau dilɛ ǹ a aɛ dɔ taabũnupiwa zwãakpɛ gɛɔmidɔkĩi oi.
36Zwãatã kpɛ́pi lɛ́ pɔ ũ, ní gɔ̃inakɛwà ń babuunao ń bagaaluladeo ń wɔ̃ɔtɛ̃nao ń bataɛao. 37Lɛpusia lí ã zwãapi lipɛlɛɔ ũ mɛn sɔo, ní vua lɛwà pii, ní a mɔkoolonaɔ pi ń vuao, ní a zɛbɔɔ pi ń mɔgotɛ̃o mɛn sɔo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.