Bɔa 14
14
Egipiɔ pɛlɛa Isailiɔzi
1Dii ò Mɔiziɛ: 2O Isailiɔnɛ aa lilɛ aa gɛ bookpa Pi'ailo saɛ Midoli ń isiao zãnguo, bɔaaa ń Baalizɛfɔ̃o. À bookpa isia saɛ we. 3Falaɔ̃ aɔ e a sãsã̀, gbáa á kũkũ̀ɛ. 4Má aà swãfɛ̃, i pɛlɛázi, mí tɔbɔ Falaɔ̃ ń a zĩgɔ̃ɔ yãmusu, Egipiɔ iɔ dɔ̃ kɛ́ mamɛ má Dii ũ. Ɔ̃ Isailiɔ kɛ̀ màa.
5Kɛ́ wa ò Egipiɔ ki Falaɔ̃ɛ gbɛ̃́piɔ baalɛ̀, ɔ̃ aapi ń a iwaɔ nɔsɛpãlesɛ̀ an yãmusu aa mɛ̀: Kpelewa wá kɛ̀ wá tò Isailiɔ bɔ̀ zɔbleawɛ̃ɛ guui? 6Ɔ̃ Falaɔ̃ godɔ̀ a sɔ̃́ɛ, à a zĩgɔ̃ɔ nàaa. 7À sɔ̃go maaɔ sɛ̀lɛ mɛn ɔaa aaɔ̃ ń Egipi sɔ̃goɔ pii, zĩgɔ̃ dɔaanaɔ ká ń guu. 8Dii Egipiɔ ki Falaɔ̃ swãfɛ̃̀, ɔ̃ à pɛ̀lɛ Isaili pɔ aalɛ bɔlɛ ń mio daa íaɔzi. 9Ɔ̃ Egipiɔ pɛ̀lɛńzi ń Falaɔ̃ sɔ̃́ɔ ń aà sɔ̃goɔ ń aà sɔ̃deɔ ń aà zĩgɔ̃ɔ pii, ɔ̃ aalɛ mɔ́ ń lei ń bòou isia saɛ Pi'ailo saɛ bɔaaa ń Baalizɛfɔ̃o.
10Kɛ́ Falaɔ̃ kãikũ̀, Isailiɔ wɛzù, ɔ̃ aa Egipiɔ è tɛ́ ń kpɛ. Vĩa ń kṹ maamaa, ɔ̃ aa wiilɛ̀ Diiwa. 11Aa ò Mɔiziɛ: Miaɔ ku Egipi noa? Bɔyãi n mɔwanɔ gbáau la wà gagai? Bɔyãi n wá bɔlɛ Egipii? 12Wi onɛ Egipio le? Wi mɛ wá to tɛɛɛ wàɔ zɔble Egipiɔnɛo le? Zɔbleanɛ́ maawɛ̃ɛ dɛ gagaa gbáaua. 13Mɔizi ònɛ́: Ásu to vĩa á kṹo. À zɛ tɛɛɛ, í e lá Dii a á suaba gbã, asa Egipi pɔ álɛ ń e gbãɛɔ, á ń e bau lɔo. 14Dii mɛ́ a zĩkaɛ́. Áɔ ku kílikiliɛ.
Pãa Isiatɛ̃aa
15Dii Mɔizi là à mɛ̀: Bɔ́ wii nlɛ lɛai? O gbɛ̃́ɔnɛ aa bɔ ń táo. 16Ǹ n gopana dɔ isiaa, ní zɔ̃ɛò, Isailiɔ i gɛ̃ a zãnguo gugiiu. 17Mapi, má Egipiɔ swãfɛ̃, aai gɛ̃ ń gbɛa, mí tɔbɔ Falaɔ̃ ń a zĩgɔ̃ɔ ń a sɔ̃goɔ ń a sɔ̃deɔ yãmusu. 18Tó ma tɔbɔ̀ Falaɔ̃ ń a sɔ̃goɔ ń a sɔ̃deɔ yãmusu, Egipiɔ i dɔ̃ sa kɛ́ mamɛ má Dii ũ. 19Lua Malaika pɔ dɔaaa Isailiɔnɛ ɛ̀a gɛ̀ a ku ń kpɛ, mɛ́ tɛlu pɔ ku ń aɛ ɛ̀a gɛ̀ a ku ń kpɛ lɔ 20ampiɔ ń Egipiɔ zãnguo. Tɛlupi gupù Isailiɔnɛ mɛ́ à gusiakpà Egipiɔnɛ, ɔ̃ an gbɛ̃e i e sɔ̃̀ a deei gwãasĩna beeo.
21Kɛ́ Mɔizi ɔdɔ̀ isiaa, ɔ̃ Dii bɔ̀ ń ĩan gbãao gukpɛ oi. À kàka e gu gɛ̀ dɔ̀ò, à isia sɛ̀lɛ a kpà e gugii bɔ̀. Kɛ́ í zɔ̃̀ɛ, 22ɔ̃ Isailiɔ taa'ò gugiiu wà bùa. Í bĩiboa an ɔplaai ń ń ɔzɛɛio.#1 Kln 10.1-2; Hɛb 11.29 23Ɔ̃ Egipiɔ pɛ̀lɛńzi. Falaɔ̃ sɔ̃́ɔ ń a sɔ̃goɔ ń a sɔ̃deɔ tɛ́ ń kpɛ isia ɛu pii. 24Gufɛ̃nɛ Dii Egipi zĩgɔ̃ɔ gwà za tɛlu tɛdeu, ɔ̃ a tò gili gɛ̃̀ńgu. 25A tò an sɔ̃goɔ vĩ̀lɛ, a tò an taa'oa zĩ'ũkũ̀, ɔ̃ aa mɛ̀: Wà baalɛ Isailiɔnɛ, asa Dii lɛ́ zĩkanɛ́wanɔɛ.
26Dii ò Mɔiziɛ: Ɔdɔ isiaa, í i da Egipiɔla ń ń sɔ̃goɔ ń ń sɔ̃deɔ. 27Ɔ̃ Mɔizi ɔdɔ̀ isiaa, ɔ̃ í lɛ́ su a gbɛu gudɔlɛia. Lá í lɛ́ su màa, ɔ̃ Egipiɔ baalɛ̀ aa kpàaũò. Màa Dii tò isia kũ̀aaumá. 28Í sù, à dà sɔ̃goɔla ń sɔ̃deɔ ń Falaɔ̃ zĩgɔ̃ pɔ gɛ̃̀ isia ɛu Isailiɔ gbɛaɔ pii. An kee i bɔo, baa mɛndo. 29Isailiɔ sɔ̃, aa taa'ò í zãnguo gugiiuɛ. Í bĩiboa an ɔplaai ń ń ɔzɛɛio. 30Zĩ́ bee Dii Isailiɔ sì Egipiɔwa, ɔ̃ Isailiɔ Egipipiɔ gɛɔ è kalɛ isia gɔ̃sɔ̃lɛ. 31Kɛ́ Isailiɔ Dii gbãa zɔ̃ɔ pɔ a mɔ̀ Egipiɔnɛ è, aa vĩakɛ̀ɛ̀, ɔ̃ aa aà naaikɛ̀ ń aà zɔblena Mɔizio.
Currently Selected:
Bɔa 14: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 14
14
Egipiɔ pɛlɛa Isailiɔzi
1Dii ò Mɔiziɛ: 2O Isailiɔnɛ aa lilɛ aa gɛ bookpa Pi'ailo saɛ Midoli ń isiao zãnguo, bɔaaa ń Baalizɛfɔ̃o. À bookpa isia saɛ we. 3Falaɔ̃ aɔ e a sãsã̀, gbáa á kũkũ̀ɛ. 4Má aà swãfɛ̃, i pɛlɛázi, mí tɔbɔ Falaɔ̃ ń a zĩgɔ̃ɔ yãmusu, Egipiɔ iɔ dɔ̃ kɛ́ mamɛ má Dii ũ. Ɔ̃ Isailiɔ kɛ̀ màa.
5Kɛ́ wa ò Egipiɔ ki Falaɔ̃ɛ gbɛ̃́piɔ baalɛ̀, ɔ̃ aapi ń a iwaɔ nɔsɛpãlesɛ̀ an yãmusu aa mɛ̀: Kpelewa wá kɛ̀ wá tò Isailiɔ bɔ̀ zɔbleawɛ̃ɛ guui? 6Ɔ̃ Falaɔ̃ godɔ̀ a sɔ̃́ɛ, à a zĩgɔ̃ɔ nàaa. 7À sɔ̃go maaɔ sɛ̀lɛ mɛn ɔaa aaɔ̃ ń Egipi sɔ̃goɔ pii, zĩgɔ̃ dɔaanaɔ ká ń guu. 8Dii Egipiɔ ki Falaɔ̃ swãfɛ̃̀, ɔ̃ à pɛ̀lɛ Isaili pɔ aalɛ bɔlɛ ń mio daa íaɔzi. 9Ɔ̃ Egipiɔ pɛ̀lɛńzi ń Falaɔ̃ sɔ̃́ɔ ń aà sɔ̃goɔ ń aà sɔ̃deɔ ń aà zĩgɔ̃ɔ pii, ɔ̃ aalɛ mɔ́ ń lei ń bòou isia saɛ Pi'ailo saɛ bɔaaa ń Baalizɛfɔ̃o.
10Kɛ́ Falaɔ̃ kãikũ̀, Isailiɔ wɛzù, ɔ̃ aa Egipiɔ è tɛ́ ń kpɛ. Vĩa ń kṹ maamaa, ɔ̃ aa wiilɛ̀ Diiwa. 11Aa ò Mɔiziɛ: Miaɔ ku Egipi noa? Bɔyãi n mɔwanɔ gbáau la wà gagai? Bɔyãi n wá bɔlɛ Egipii? 12Wi onɛ Egipio le? Wi mɛ wá to tɛɛɛ wàɔ zɔble Egipiɔnɛo le? Zɔbleanɛ́ maawɛ̃ɛ dɛ gagaa gbáaua. 13Mɔizi ònɛ́: Ásu to vĩa á kṹo. À zɛ tɛɛɛ, í e lá Dii a á suaba gbã, asa Egipi pɔ álɛ ń e gbãɛɔ, á ń e bau lɔo. 14Dii mɛ́ a zĩkaɛ́. Áɔ ku kílikiliɛ.
Pãa Isiatɛ̃aa
15Dii Mɔizi là à mɛ̀: Bɔ́ wii nlɛ lɛai? O gbɛ̃́ɔnɛ aa bɔ ń táo. 16Ǹ n gopana dɔ isiaa, ní zɔ̃ɛò, Isailiɔ i gɛ̃ a zãnguo gugiiu. 17Mapi, má Egipiɔ swãfɛ̃, aai gɛ̃ ń gbɛa, mí tɔbɔ Falaɔ̃ ń a zĩgɔ̃ɔ ń a sɔ̃goɔ ń a sɔ̃deɔ yãmusu. 18Tó ma tɔbɔ̀ Falaɔ̃ ń a sɔ̃goɔ ń a sɔ̃deɔ yãmusu, Egipiɔ i dɔ̃ sa kɛ́ mamɛ má Dii ũ. 19Lua Malaika pɔ dɔaaa Isailiɔnɛ ɛ̀a gɛ̀ a ku ń kpɛ, mɛ́ tɛlu pɔ ku ń aɛ ɛ̀a gɛ̀ a ku ń kpɛ lɔ 20ampiɔ ń Egipiɔ zãnguo. Tɛlupi gupù Isailiɔnɛ mɛ́ à gusiakpà Egipiɔnɛ, ɔ̃ an gbɛ̃e i e sɔ̃̀ a deei gwãasĩna beeo.
21Kɛ́ Mɔizi ɔdɔ̀ isiaa, ɔ̃ Dii bɔ̀ ń ĩan gbãao gukpɛ oi. À kàka e gu gɛ̀ dɔ̀ò, à isia sɛ̀lɛ a kpà e gugii bɔ̀. Kɛ́ í zɔ̃̀ɛ, 22ɔ̃ Isailiɔ taa'ò gugiiu wà bùa. Í bĩiboa an ɔplaai ń ń ɔzɛɛio.#1 Kln 10.1-2; Hɛb 11.29 23Ɔ̃ Egipiɔ pɛ̀lɛńzi. Falaɔ̃ sɔ̃́ɔ ń a sɔ̃goɔ ń a sɔ̃deɔ tɛ́ ń kpɛ isia ɛu pii. 24Gufɛ̃nɛ Dii Egipi zĩgɔ̃ɔ gwà za tɛlu tɛdeu, ɔ̃ a tò gili gɛ̃̀ńgu. 25A tò an sɔ̃goɔ vĩ̀lɛ, a tò an taa'oa zĩ'ũkũ̀, ɔ̃ aa mɛ̀: Wà baalɛ Isailiɔnɛ, asa Dii lɛ́ zĩkanɛ́wanɔɛ.
26Dii ò Mɔiziɛ: Ɔdɔ isiaa, í i da Egipiɔla ń ń sɔ̃goɔ ń ń sɔ̃deɔ. 27Ɔ̃ Mɔizi ɔdɔ̀ isiaa, ɔ̃ í lɛ́ su a gbɛu gudɔlɛia. Lá í lɛ́ su màa, ɔ̃ Egipiɔ baalɛ̀ aa kpàaũò. Màa Dii tò isia kũ̀aaumá. 28Í sù, à dà sɔ̃goɔla ń sɔ̃deɔ ń Falaɔ̃ zĩgɔ̃ pɔ gɛ̃̀ isia ɛu Isailiɔ gbɛaɔ pii. An kee i bɔo, baa mɛndo. 29Isailiɔ sɔ̃, aa taa'ò í zãnguo gugiiuɛ. Í bĩiboa an ɔplaai ń ń ɔzɛɛio. 30Zĩ́ bee Dii Isailiɔ sì Egipiɔwa, ɔ̃ Isailiɔ Egipipiɔ gɛɔ è kalɛ isia gɔ̃sɔ̃lɛ. 31Kɛ́ Isailiɔ Dii gbãa zɔ̃ɔ pɔ a mɔ̀ Egipiɔnɛ è, aa vĩakɛ̀ɛ̀, ɔ̃ aa aà naaikɛ̀ ń aà zɔblena Mɔizio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.