Mbs 8
8
Pghatá pitirlaha
1Ka Yawe nda Musa mantsa: 2« Mnana mna ta Haruna, ka ka nda tsi na: “Ma tsay gha ta vu ta pitirlaha ya ná, ka tsuwaɗaka tsa pitirlaha ndəfáŋ ya ta vli nda ta kəma sundula pitirla,” ka ka, » kaʼa. 3Ka magatá Haruna mantsa ya: Ka pghaftá tsi ta pitirlaha ŋa tsuwaɗaka vli nda təv kəma sundula pitirla, manda ya mnanaf Yawe ta Musa ya. 4Wya ká lu magaftá tsa sundula pitirla ya: Magaf nda dasu lu ka taɗapta nda guduma, zlrafta ta tughwa ni dikw ta vzlizlaha ni. Ka magaftá lu ta sundula pitirla ya manda ya maranaŋ Yawe ta tsata ni ta Musa.
Fatá la Levi ŋa Yawe
5Ka Yawe nda Musa mantsa: 6« Hlap hla ta la Levi mataba la Israʼila, hliŋ hla ta tsaɗa ta həŋ. 7Wya ká ka dzaʼa magay ŋa hliŋtá skwi ta tsaɗ lu ta həŋ: Ka wutsikafta ka ta ima kliŋtá skwi ta tsaɗ lu ta həŋ, ka hatsiŋta həŋ ta swidi demdem ta vgha taŋ, ka ghwaɓiŋta həŋ ta lgutha taŋ, ŋa nzakwa taŋ kul haɗ skwi ta tsaɗ lu ta həŋ. 8Ka klafta həŋ ta lghəŋ dɓakwa turtuk kawadaga nda mbəha nimaya ni ka hpu kəzlitit hwaɗata ni nda rɗi. Ka klafta ka ta sana mahisa lghəŋ dɓakwa ŋa pla ghəŋ ŋa ɗawa pla dmaku. 9Ka gavadanaghata ka ta la Levi ta kəma tumpula guyaku, ka tskanata ka ta inda guyatá ghəŋa la Israʼila. 10Ka gavadanaghata ka ta la Levi ta kəma Yawe, ka pghanaghata la Israʼila ta dzvuha taŋ ta həŋ. 11Ka zukwanaŋta Haruna ta la Levi ta Yawe manda mbəhu klap lu mataba la Israʼila ŋa nzakwa taŋ ŋa maga slna Yawe. 12Tahula tsa, ŋa pghafta la Levi ta dzvuha taŋ ta ghəŋa tsa lghəŋha ya. Ka vlata lu ta tsa lghəŋha ya ŋa Yawe, turtuk ŋa pla ghəŋ ŋa ɗawa pla dmaku, sani turtuk ya guli, ŋa pla ghəŋ ŋa dray tsuh tsuh, ŋa slərɓaptá zughu ŋa la Levi.
13Ka sladanata ka ta la Levi ta kəma i Haruna nda zwana ni, ka zukwafta ka ta həŋ manda mbəhu zukwaf lu ŋa Yawe. 14Mantsa ya, ka dganata ka ta la Levi nda la Israʼila, ŋa nzakwa taŋ ka ŋa ɗa. 15Tahula tsaya, ŋa sagha la Levi da maga slna ma tumpula guyaku, manda hliŋta gha ta skwi ta tsaɗ lu ta həŋ, ka zukwaftá həŋ. 16Nda nza həŋ ka ŋa ɗa, ka ŋa ɗa kahwathwata mataba la Israʼila. Hlaghu hla yu ta hahəŋ ka mbəɗaptá nda inda zumali ma la Israʼila. 17Inda zumali mataba la Israʼila ná, ŋa ɗa həŋ, nda ŋa mnda səla tani, nda ŋa rini tani. Baɗ pslata ɗa ta inda zumaliha ma haɗika Masar ná, pghaghu pgha yu ta hahəŋ ka ŋa ɗa. 18Ndanana, ka hlaftá yu ta la Levi ka mbəɗapta nda inda zumaliha mataba la Israʼila. 19Mataba la Israʼila ná, vlaŋ vla yu kahwathwata ta la Levi ta i Haruna nda zwana ni, ŋa magay taŋ ta slna ma tumpula guyaku ŋa inda pɗakwa la Israʼila, nda ya ŋa slərɓapta zughu ŋa la Israʼila. Mantsa tama, haɗ lu dzaʼa dzuŋtá la Israʼila dər nda wati ma zləmnda dabga vəl ndusadaghata taŋ nda həga nda ghuɓa wu, » kaʼa.
20Ka magatá i Musa nda Haruna, nda inda guyatá ghəŋa la Israʼila ta inda skwi ta nghanatá la Levi, manda va ya mnanaf Yawe ta Musa ta ghəŋa taŋ. 21Ka hliŋta la Levi ta skwa tsaɗa ma nzakwa taŋ, ka ghwaɓiŋtá həŋ ta lgutha taŋ. Ka zukwaftá Haruna ta həŋ ŋa Yawe. Ka slərɓanaptá zughu ta həŋ ŋa nzakwa taŋ ka gwal kul tsaɗ lu ta həŋ. 22Tahula tsa, ka lagha la Levi da klaftá slna taŋ ma tumpula guyaku ta wa ira i Haruna nda zwana ni. Ka magatá lu ta ghəŋa la Levi ta skwi ya mnanaf Yawe ta Musa ta ghəŋa taŋ.
23Ka Yawe nda Musa guli mantsa: 24« Wya skwi ta nghanatá la Levi: Inda la Levi ta klaftá imi sliʼafta ni ta hisambsak hutaf mida ka laghwi ta kəma ná, dzaʼa lagha la da zlraftá maga slnaha ma tumpula guyaku. 25Magatá ima ni hutaf mbsak ya, zlanata ni ta maga tsa slna ya. 26Dzaʼa kataŋ kata ta zwana ma ni nda nghapta ka slna ta mag həŋ ma tumpula guyaku, ama tsatsi a ŋuɗufa slna wa. Tsaya tva skwi ŋa magay gha nda slna ta nghanatá la Levi, » kaʼa.
Currently Selected:
Mbs 8: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
