Mbs 36
36
Mataba mndəra taŋ dzaʼa nzata haɗika za həga makwa
1Ka lagha zəʼala həgaha ta uʼa la Gilghat, zwaŋa Mahir, zigha Mənase, tekw mataba gwal ta uʼa la Yusufu ta kəma i Musa nda zəʼala həgaha, maliha ta ghəŋa mndəra la Israʼila. Ka zlraftá həŋ ta gwaɗa. 2Ka həŋ mantsa: « Mnanaf mna Yawe ta mghama ɗa ta vlaŋtá haɗik za həga ta la Israʼila, ka dagapta nda ma vzaftá vindima. Ka zlghaftá mghama ɗa da Yawe ta mnafta vlaŋtá haɗika za həga zwaŋama ŋni Tsəlufahat ŋa kwagha ni. 3Ka lagha taŋ ka wumatá sana mndu mataba sana mndəra mndu mataba la Israʼila katsi, dzaʼa klaghu kla lu ta tsa mayaka taŋ ma haɗika za həga dzidzíha ŋni ya, ka sganaghatá tsa mndəra mndu dzaʼa laghu həŋ ya. Mantsa tama, dzaʼa htap hta tsa mayak ŋni vlaŋna lu nda ma vindima ya. 4Sagha vakwa plata vgha la Israʼila dzaʼazlay, dzaʼa sganagha sga lu ta tsa haɗika za həga taŋ ya ta ghəŋa ŋa tsa mndəra mndu dzaʼa laghu həŋ ya, ka klapta ma haɗika za həga ma mndəra dzidzíha ŋni, » ka həŋ.
5Manda ya mnanaf Yawe, ka Musa nda la Israʼila mantsa: « Ta ŋa mndəra la Yusufu gwaɗa. 6Wya zlahu vla Yawe ta nghanatá kwagha Tsəlufahat: Dzaʼa wumay həŋ ta mndu ya ta zɗəganatá həŋ, nziya nza tsi, ka mndu ta uʼa taŋ mataba mndəra dzidzíha taŋ katsi. 7Mantsa tama, mataba la Israʼila, haɗ haɗika za həga dzaʼa sabi ma sana mndəra mndu, ka dzaʼa da sana mndəra mndu wa. Dzaʼa nzakway la Israʼila nda ndiʼatá vgha inda taŋ nda haɗika za həga mndəra dzidzíha taŋ. 8Inda makwa dzaʼa kla mayaka za həga ma mndəra mnduha ma Israʼila ná, mndu ta uʼa taŋ ma mndəra dzidzíha ni dzaʼa laviŋta tsi ta wumay. Mantsa tama, dzaʼa ŋana ŋa la Israʼila ta haɗika za həga dzidzíha taŋ, dər wa nda ŋa ni. 9Haɗ mayaka za həga dzaʼa sliʼafta ma sana mndəra mndu ka dzaʼa da sana mndəra mndu wu, kabga mndəra la Israʼila ná, dzaʼa nza nza həŋ nda ndiʼatá vgha dər wa nda haɗika za həga ni, » kaʼa.
10Ka magatá kwagha Tsəlufahat manda ya mnanaf Yawe ta Musa. 11Ka wumatá kwagha Tsəlufahat i Mahla, nda Tirtsa, nda Hugla, nda Milka, nda Nugha, ta zwana dasliʼiŋha taŋ. 12Ka wumatá həŋ tama ta zgwana ta uʼa la Mənase, zwaŋa Yusufu. Ka nzakw mayaka za həga taŋ ma mndəra gwal ta uʼa da taŋ.
13Tsaha ya zlahuha nda skwiha ŋa magay mnanaf Yawe ta la Israʼila nda ma wa Musa, ma daɓiha Muwav ta wa Yardeŋ mbəŋ nda Yeriku.
Currently Selected:
Mbs 36: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
