Mbs 25
25
Vlaŋta la Israʼila ta ghəŋa taŋ ta skwa wuyay
1Ka nzatá la Israʼila ma Sitim, ka zlraftá mnduha ta maga sliʼiŋsliʼiŋ nda kwagha la Muwav. 2Ka hag tsa kuʼaha ya ta la Israʼila da vla pla ghəŋa taŋ ŋa lazglaftaha taŋ. Ka zə la Israʼila ta tsa skwa pla ghəŋ ŋa lazglaftaha taŋ ya. Ka tsəlɓu həŋ ta tsəlɓu ŋa lazglaftaha taŋ. 3Ka vlaŋtá la Israʼila ta ghəŋa taŋ ta Baghala Pəghur, ka gufaftá ŋuɗuf Yawe ta ghəŋa la Israʼila. 4Ka Yawe nda Musa mantsa: « Hlaf hla ta inda maliha ta ghəŋa mnduha, ka dzagwafta ka ta həŋ ta udzu ta kəma Yawe dɗay ta fitik, kada vraghuta ɓasata ŋuɗufa Yawe ta ghəŋa la Israʼila, » kaʼa. 5Ka Musa nda gwal ta tsa guma mataba la Israʼila mantsa: « Dər wati ma kaghuni ka dza dza tsi ta tsa mnduha ni ta vlatá ghəŋa taŋ ŋa Baghala Pəghur ya! » kaʼa.
6Ka sagha sana mnda la Israʼila, ka klanaktá sana makwa la Midyaŋ, ka sagha da taba zwana ma ni ta wa ira Musa nda inda guyatá ghəŋa la Israʼila ta taw ta wa tgha tumpula guyaku. 7Na tsa nghaŋta ya, ka sliʼaftá Pinhas, zwaŋa Ilghazar zigha Haruna, mnda dra skwi ŋa Lazglafta, mataba guyatá ghəŋ, nda klaftá gupa ma dzvu. 8Ka lam tsi mista tsa mnda la Israʼila ya da tumpul, ka dzanamtá tsi ta həŋ his his ma huɗi, tsa mnda la Israʼila ya, nda tsa makwa ya tani. Mantsa tama, ka hlatá zləmnda ta lanaghatá la Israʼila. 9Gwal rwana tsa zləmnda ya ná, dəmbuʼ hisambsak fwaɗ mida (24.000) həŋ.
10Ka Yawe nda Musa mantsa: 11« Pinhas zwaŋa Ilghazar, zigha Haruna mnda dra skwi ŋa Lazglafta ta mbəɗiŋta gufatá ŋuɗufa ɗa ta ghəŋa la Israʼila, kabga ɗvu ɗva ta iʼi ka skwaghutá ta draku ma vla ɗa mataba taŋ. Tsaya kwal yu kul hliŋtá la Israʼila ta ghəŋa haɗik, ma gufatá ŋuɗufa ɗa. 12Dabga tsaya, mnana mna: Wana yu ta vlaŋta dzratá wa zɗakwa ɗa. 13Dzaʼa nzakway tsa dzratá wi ya ŋa granaftá nzakwa ni ka mndu ta maga slna dra skwi ŋa Lazglafta, nda zivira ni tani ŋa ɗekɗek, kabga skwaghutá ta draku ma vla Lazglafta ni, ka slərɓanaptá tsi ta zughu ta la Israʼila guli, » kaʼa.
14Tsa mnda la Israʼila dza lu kawadaga nda tsa makwa la Midyaŋ ya ná, Zimri hga ni, zwaŋa Salu, mali mataba mndəra la Simghuŋ. 15Tsa makwa dza lu, makwa la Midyaŋ ya ná, Kuzbi hga ni, makwa Tsur, sana mndu ka mali ta uʼa taŋ, mataba mndəra la Midyaŋ ya.
16Ka Yawe nda Musa mantsa: 17« Liŋwa la ta la Midyaŋ, ka zaɗanata kuni ta həŋ, 18kabga zlurgwaf zlurgwa həŋ ta kaghuni nda ma nənɓu ya magaghuna həŋ nda ma slna Pəghur, nda ya nda ŋa Kuzbi makuma taŋ, makwa sana mali mataba la Midyaŋ, ya dza lu baɗ slata zləmnda dabga skwi ta maguta ma Pəghur, » kaʼa.
Mbəɗaftá mbsaka la Israʼila ka mahis
19Ta hula tsa zləmnda ya,
Currently Selected:
Mbs 25: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
