Mbs 12
12
Razay i Haruna nda Miryam ta Musa
1Mbaɗa i Miryam nda Haruna ka raza Musa dabga vəl klafta ni ta makwa la Kus. Ka marakw klafta tsi ta makwa la Kus. 2Ka həŋ mantsa: « Nda ma Musa yeya ta gwaɗata Yawe ta gwaɗa ra? Gwaɗa a nda ma uʼu guli ra? » ka həŋ. Ka snaŋtá Yawe. 3Tsaw Musa ná, sana mndu leɓtekw ka malaghuta leɓtekwa ta sanlaha ma mnduha ta haɗik ya.
4Gi ka Yawe nda i Musa, nda Haruna nda Miryam mantsa: « Sabwa sa inda kaghuni hkən hkən, ka dzaʼa kuni da vla tumpula guyaku, » kaʼa. Ka sab həŋ hkən hkən, ka labi. 5Ka saha Yawe ma sundula kusay, ka sladata ta wa tgha tumpula. Ka hgaŋtá tsi ta i Haruna nda Miryam, ka gavadaghatá həŋ his his. 6Kaʼa mantsa:
« Kdəkwakdək, fawa fa ɗina ta sləməŋ.
Ka mamu anaba Yawe mataba ghuni,
ta marava mara yu manda skwi ma suni da tsi,
manda skwi ma suni dzaʼa gwaɗganata yu.
7Mantsa ya a ŋa kwalva ɗa Musa wa.
Tsatsi ta nzakway ka mnda ɗa faf yu ta ghəŋ tida ŋa inda həga ɗa.
8Kuma nda kuma ta gwaɗa yu ta gwaɗa nda tsi,
baŋluwa, ŋa uwalay nda uwala a wu,
nda ngha ta tsatá Yawe.
Waká kuni kuratá raza kwalva ɗa Musa na? » kaʼa.
9Ka gufaftá ŋuɗufa Yawe ta ghəŋa taŋ, ka laghu tsi.
10Ta laghwa tsa kusay ta ghəŋa tumpul ya, ta ksaftá ghwaɗaka lku ta Miryam, ka ɓuta kuɗay manda papla. Kəʼa ka Haruna mbəɗavata təv Miryam ná, ghwaɗaka lku tida. 11Kaʼa nda Musa mantsa: « Kdəkkdək mghama ɗa! Wya dzvu, ma tsaŋnagha ka ta guma dmaku ŋni ya maga ŋni, ma ga rgha magata ŋni! 12Wya dzvu, ma nza tsi manda zwaŋ nda mta yaga lu, rwavaghu rwa rita sluʼuvgha ni ta saha tsi ma huɗa ma ni! » kaʼa.
13Ka wahu Musa ta wahu da Yawe: « Kdəkkdək Lazglafta ɗa, mbanaf mba gha, » kaʼa.
14Ka Yawe nda Musa mantsa: « Ka má si tfanam tfa da ni ta sərɗək ma kuma ná, haɗ má hula dzaʼa ksafta ka fitik ndəfáŋ wu ra? Ka kliŋ kla lu ma ghuɓu ŋa fitik ndəfáŋ, tahula tsa ŋa vrakta ni da taba ghuni, » kaʼa. 15Ka kliŋtá lu ta Miryam ma ghuɓu ŋa fitik ndəfáŋ. Gigɗava a la Israʼila ha ta vrakta ni wa. 16Tahula tsa, ka sliʼafta mnduha ma Hatserut ka laghu fatá ghuɓa taŋ ma mtaka Paraŋ.
Currently Selected:
Mbs 12: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
