Lev 22
22
Maga ɗasuwa nda mbəhuha nda ghuɓa
1Ka Yawe nda Musa mantsa: 2« Mnana mna ta i Haruna nda zwana ni ŋa magay taŋ ta ɗasuwa nda tva skwiha ŋa magay nda mbəhuha nda ghuɓa ta faghuta la Israʼila ŋa ɗa, kada kwala həŋ ta kfariŋtá hga ɗa nda ghuɓa. Iʼi ná, Yawe yu. 3Mnana mna ta həŋ: Daga ndanana ha ma zivira ghuni, ka nda nza sani mataba gwal ta dra skwi ŋa Lazglafta ka mndu ta tsaɗ lu, ama ka gavanavatá tsi ta mbəhuha nda ghuɓa ya pghaghu la Israʼila ŋa Yawe katsi, dzaʼa kliŋ kla lu ta tsa mndu ya ta kəma ɗa. Iʼi ná, Yawe yu.
4Dər wati ma mndu mataba zivira Haruna ksu ghwaɗaka lku, ka ta mbəzaku mndəra ni a tsi, haɗ dzaʼa za tsa mbəhuha nda ghuɓa ya ha ka kwala ni nzata kul tsaɗ lu wa. Mantsa ya guli dər wati ma mndu ta ksaŋtá skwi niŋ mbli ka mndu ta pghiŋtá vgha ni a tsi ka mndu ta tsaɗ lu, 5ka sana mndu ta ksaŋtá dər wati ma skwiha ta gigɗa vgha, ka mndu dzaʼa nighista ka mndu ta tsaɗ lu a tsi, dər mndərga wati ma skwi ta tsaɗ lu a tsi. 6Dzaʼa nza nza tsa mndu ta ksaŋtá tsa skwiha mantsa ya ka mndu ta tsaɗ lu ha ga hawu. Haɗ dzaʼa ɗaŋtá tsa mbəhuha nda ghuɓa ya ta kul mbazaghutá tsi ta mbaza wa. 7Na gi laghwa fitik da həga ma ni ya, ta haɗ skwa tsaɗa tida wa. Dzaʼa zay ta tsa skwiha nda ghuɓa ya. Skwa zay ni tsaya. 8Haɗ dzaʼa da za mbla skwi, ka ya ksa nimtak a tsi wu, dzaʼa niŋ na tsaya ka mndu ta tsaɗ lu. Iʼi ná, Yawe yu.
9Dzaʼa sna sna gwal ta dra skwi ŋa ɗa ta tva skwiha ŋa magihata, dá klanaktá həŋ ta ghəŋa taŋ ta dmaku, dá rwutá həŋ ma kfariŋta taŋ ta tsa tva skwi ŋa magay nda ghuɓa ya. Iʼi Yawe ta ghuɓiŋtá həŋ.
10Yaha dzibata mndu da za mbəhuha nda ghuɓa, dər mndu ta nzakw ga mnda dra skwi ŋa Lazglafta tsi, dər mndu ta maga slna tsedi a tsi, yaha da za mbəhuha nda ghuɓa. 11Ama dzaʼa zay vuʼa ya skwa mnda dra skwi ŋa Lazglafta nda tseda ni. Mantsa ya mndu ya yaga lu ma həga ga taŋ guli, dzaʼa zay hahəŋ ta tsa skwa zay ni ya. 12Yaha makwa mnda dra skwi ŋa Lazglafta ta wumatá dzibata mndu da za skwiha klap lu ma mbəhuha nda ghuɓa. 13Ama makwa mnda dra skwi ŋa Lazglafta ka wadgu ka ya ghəzliŋ zəʼala taŋ a tsi kul haɗ zwaŋa ni ta vradaghata nzata ga da ni, manda si nzakwa ni ka daghali, dzaʼa laviŋtá za tsa skwa zaya da ni ya. Ama yaha dər wati ma dzibata mndu da zay.
14Ka lagha mndu, nda kumay ni a wu ka zutá mbəhu nda ghuɓa katsi, dzaʼa sganagha sga ta ghəŋa ni ta turtuk ma dgata sgita mbəhu nda ghuɓa hutaf, ka vlaŋtá mnda dra skwi ŋa Lazglafta. 15Yaha gwal ta dra skwi ŋa Lazglafta da dmanaftá skwiha nda ghuɓa ta hlapta la Israʼila ŋa Yawe, 16nda ma zlanaŋta taŋ ta tvi ta dzibata mndu ka zuta mbəha taŋ nda ghuɓa. Tsaya ná, dzaʼa pgham pgha ta tsa dzibata mnduha ya da krughuvi dzaʼa mbla həŋ da zba paya tvi. Iʼi Yawe ta ghuɓiŋtá həŋ, » kaʼa.
Tva zbaptá rini ŋa pla ghəŋ
17Ka Yawe nda Musa mantsa: 18« Mnana mna ta i Haruna nda zwana ni, nda inda la Israʼila, ka ka nda həŋ na: Inda mndu ka si Israʼila tsi, ka dər mayəm a tsi ma səla la Israʼila ta kuma vlatá skwa pla ghəŋ ŋa dray tsuh tsuh ŋa Yawe, ŋa hɗamtá skwi waɗa tsi ta magay, ka dər mbəha rfa ŋuɗufa ni a tsi, 19kladaghata ni ta lghəŋ, ka maŋazak a tsi, ka dugzum a tsi, kul haɗ maslivinza tida, kada ŋwafta tsa pla ghəŋ ni ya. 20Yaha kuni da vlatá skwi nda səla nda maslivinza tida, kabga tsuʼaghunafta a yu wa.
21Mantsa ya guli, ka vlaŋ vla mndu ta Yawe ta skwa pla ghəŋa zɗaku ka sla, ka rina fisik a tsi, ŋa hɗamtá skwi waɗa tsi, ka dər mbəha rfa ŋuɗuf a tsi, dzaʼa kladagha kla ta ya bəzlər kul haɗ maslivinza tida kada tsuʼafta yu. 22Yaha kuni da vlay tama ŋa Yawe ta skwi nda səla nda ghulpa, ka ya nda ɓla səla a tsi, ka ya ka buɗuduŋ fawaya ni a tsi, ka ya nda mbuʼa tida a tsi, ka ya nda hwasigwa tida a tsi, ka ya nda sana ɗaŋwa tida a tsi. Yaha kuni da vlata ta gwir ta mndərga tsa skwi nda səla ya ka skwa pla ghəŋ ŋa dray ta vu ŋa Yawe. 23Ka tsa sla, dər rina fisik a tsi, ka malaghu mala slrakwa sana səla ni, ka hta nda hta a tsi, laviŋ lava kuni ta vlata manda mbəhu ya kumaŋ ŋuɗuf. Ama mndərga tsa skwi nda səla ya ná, tsuʼa a yu ŋa hɗamtá skwi ya waɗa lu wa.
24Yaha kuni da vlaŋtá Yawe ta skwi nda səla ya hwislaf lu, ka ya nda huʼa, nda ya tsahap lu nda tsaha, ka ya tsaghu lu nda tsa ta kuɗa ni a tsi. Yaha kuni da maga tsaya ma haɗika ghuni. 25Yaha kuni da tsuʼa mndərga tsa skwi nda səla ya ma dzva dər mayəm ŋa vlata ŋa skwa zaya Lazglafta ghuni. Haɗ dzaʼa ŋwaghunafta wu, kabga ka buɗuduŋ fawaya taŋ, ka maslivinza a ta həŋ, » kaʼa.
26Ka Yawe nda Musa mantsa: 27« Manda yatá zwaŋa sla, ka dər zwaŋa tuwak a tsi, ka dər zwaŋa gu a tsi, fitik ndəfáŋ dzaʼa zata tsi mista ma ni. Sliʼafta ta matghasa fitika ni dzaʼa kəl lu ka tsuʼaftá ka mbəhu ka skwa pla ghəŋ draf lu ta vu ŋa Yawe. 28Ama haɗ kuni dzaʼa walaŋtá ghwanafta baɗ turtuk ta sla, ka dər rina fisik a tsi nda zwaŋa ni tani wa. 29Ma vlay ghuni ta skwa pla ghəŋ ŋa zləzləva Yawe ya, magawa maga ta skwi ŋa ŋwafta ni. 30Baɗ va tsaya dzaʼa zuta lu, yaha kuni da pɗanata ŋa ga sərɗək mahtsim. Iʼi ná, Yawe yu.
31Dzaʼa ŋana ŋa kuni ta zlahuha ɗa, ka magay ghuni ta slna nda tsi. Iʼi ná, Yawe yu. 32Yaha kuni da kfariŋtá hga ɗa nda ghuɓa, kada nzakwa hga ɗa nda ghuɓa mataba la Israʼila. Iʼi Yawe ta naghunafta nda ghuɓa, 33ka hlagaghunapta ma haɗika Masar ŋa nzakwa ɗa ka Lazglafta ghuni. Iʼi ná, Yawe yu, » kaʼa.
Currently Selected:
Lev 22: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
