Lev 17
17
Nzakw manda ya ta kum Yawe
17–27
Zlahu ta ghəŋa us
1Ka Yawe nda Musa mantsa: 2« Mnana mna ta i Haruna nda zwana ni, nda inda la Israʼila kazlay na: Wya skwi mnaf Yawe: 3Ka lagha mnda Israʼila ka ghwanaftá sla, ka tuwak a tsi, ka gu a tsi ma ghuɓu ka ta hula ghuɓu a tsi, 4kul kladaghata ta wa tumpula guyaku ŋa vlaŋta ka mbəhu ta Yawe ta kəma tsa həga tumpula ni ya wu katsi, dguv ta ghəŋa tsa mndu ya us pghiŋ tsi. Pghiŋ pgha ta us, dabga tsa, dzaʼa kliŋ kla lu mataba mnduha ni. 5Mantsa tama, tsa má dzaʼa laghu la Israʼila da vlata ka skwa pla ghəŋ ma mtak ya ná, dzaʼa klanak kla həŋ ta Yawe ta wa tumpula guyaku ta kəma mnda dra skwi ŋa Lazglafta, ŋa vlaŋta taŋ ta Yawe ka pla ghəŋa zɗaku. 6Ɓhadaghata taŋ da hada, dzaʼa wutsikaf wutsika mnda dra skwi ŋa Lazglafta ta usa tsa skwi ya ta gwira Yawe ta wa tumpula guyaku. Tahula tsa, ŋa drafta ni ta ghwaviɗ zɗəgana həlata ni ta Yawe. 7Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.
8Ka ka nda həŋ na: Ka lagha mnda Israʼila, ka mataba gwal ka mayəm ta nzakw mataba ghuni a tsi, ka vlatá skwa pla ghəŋ ŋa dray tsuh tsuh, ka sana skwa pla ghəŋ a tsi, 9kul kladaghata ta wa tumpula guyaku ka mbəhu ŋa vlaŋtá Yawe wu, dzaʼa kliŋ kla lu ta tsa mndu ya mataba mnduha ni.
10Ka lagha mnda Israʼila, ka mataba gwal ka mayəm ta nzakw mataba ghuni a tsi, ka zutá us, dər má kinawu tsa us ya, nda iʼi nda tsa mndu ta zutá us ya, dzaʼa kliŋ kla yu mataba mnduha ni, 11kabga hafa skwi ná, ma us. Iʼi ta vlaghunatá tvi ŋa maga slna nda us ta gwir, ŋa slərɓaghunaptá zughu. Us ta slərɓaptá zughu kabga tsatsi hafu. 12Tsaya ta kəl iʼi Yawe ka mnay ŋa la Israʼila kazlay yaha mndu mataba ghuni da za us. Mndu ka mayəm ta nzakw mataba ghuni guli, yaha da za us kəʼa ya.
13Ka lagha mnda Israʼila, ka mndu ka mayəm ta nzakw mataba ghuni a tsi, ka ksafta ta raya ta nimtak, ka ɗyak ya ta zə lu a tsi, ka mbəziŋta tsi ta usa ni ta haɗik, ka səŋanaghata. 14Hafa inda skwi ta ndiri ná, tsaya usa ni ta vlaŋtá hafu. Tsaya kəl iʼi Yawe ka mnay nda la Israʼila: Yaha kuni da za usa dər wati ma inda skwi, kabga hafa inda skwi ta hafu ná, tsaya usa ni. Dər wati ma mndu ta zuta, dzaʼa kliŋ kla lu.
15Dər wati ma zwaŋa haɗik tsi, ka mndu ka mayəm ta nzakw mataba ghuni a tsi ta zutá mbla skwi, ka ya ksa nimtak a tsi, ghwaɓiŋta ni ta lgutha ni, mbazaghuha ta mbaza, ŋa nzata ni ka skwa tsaɗa ha ga hawu. Tahula tsa, dzaʼa nza nza kul haɗ skwa tsaɗa tida. 16Ka ghwaɓiŋ a tsi ta lgutha ni wu, mbazaghu a ta mbaza wu, dguv ta ghəŋa ni krughuva ni, » kaʼa.
Currently Selected:
Lev 17: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
