Lev 1
1
Pla ghəŋ ŋa dray tsuh tsuh
1Ka hgaŋtá Yawe ta Musa daga ma tumpula guyaku, kaʼa nda tsi mantsa: 2« Ka mnanata ka ta la Israʼila: Ka ta kumay mndu mataba ghuni ta klanaktá skwa pla ghəŋ ta Yawe katsi, laviŋ lava ta zbapta mataba slaha ka rina fisik a tsi.
3Ka sla mbəha pla ghəŋa tsa mndu ya, ŋa dray tsuh tsuh katsi, kladaghata ni ta lghəŋ ya kul haɗ maslivinza tida. Ka kladaghata tsi ta wa tumpula guyaku, kada ŋwafta tsi ta kəma Yawe. 4Ka fafta tsi ta dzva ni ta ghəŋa tsa skwa pla ghəŋ ŋa dray tsuh tsuh ya, kada ŋwafta tsi, ŋa slərɓaptá zughu. 5Ka ghwanafta tsi ta tsa lghəŋ ya ta kəma Yawe. Ka klafta zwana Haruna gwal ta dra skwi ŋa Lazglafta ta usa ni, ka wutsikafta ta slərpuha gwir demdem ta wa tsa tumpula guyaku ya. 6Tahula klata tsa mndu ya ta huta ta tsa skwa pla ghəŋ ŋa dray tsuh tsuh ya, ŋa daganapta ni ka fay ka fay. 7Ka vafta zwana Haruna gwal ta dra skwi ŋa Lazglafta ta vu ta gwir, ka sərɓanaghatá hasuʼu ta ghəŋa ni. 8Ka hlafta həŋ ta tsa dagata ni ka fay ka fay ya, nda ghəŋa ni tani, nda vliha nda mala nda mala tani, ka sərɓafta həŋ ta tsa hasuʼu ta ghəŋa vu ta gwir ya. 9Ka ghuɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.
10Ka rina fisik mbəha pla ghəŋa tsa mndu ya ŋa dray tsuh tsuh katsi, kladaghata ni ta maŋazak, ka dugzum a tsi, ya kul haɗ maslivinza tida. 11Ka ghwanafta tsi ta kəma Yawe ta vata gwir nda ga mazlay. Ka klafta zwana Haruna gwal ta dra skwi ŋa Lazglafta ta usa ni ka wutsikafta ta slərpuha gwir demdem. 12Ka ɗatsanapta tsi ka fay ka fay, ŋa klafta mnda dra skwi ŋa Lazglafta, nda ghəŋa ni tani, nda vliha nda mala nda mala tani, ka sərɓafta demdem ta hasuʼu ta ghəŋa vu ta gwir. 13Ka ghwaɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.
14Ka ɗyak mbəha pla ghəŋa tsa mndu ya, ŋa dray tsuh tsuh ŋa Yawe katsi, kladaghata ni ta kukuha ka zwana ghərbuʼha a tsi. 15Ka klafta mnda dra skwi ŋa Lazglafta ta tsa ɗyak ya ta gwir. Ka tsiŋta tsi ta ghəŋa ni nda ɗahəŋ ka drafta ta gwir. Ka taɗafta tsi ta usa ni ta vata gwir. 16Ka kliŋta tsi ta mbughumbughwa nda skwi mida tani, ka vzata ta vata gwir nda ta tva safa fitik. Hada ta tska lu ta hutiɗifa gwir. 17Ka ŋaŋanata tsi ta guŋugh ka kuhwanapta ma takataka, ama haɗ dzaʼa dganatá tsa sləɓahuha ni ya wu, ŋa drafta mnda dra skwi ŋa Lazglafta ta hasuʼu ta ghəŋa vu ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe. »
Currently Selected:
Lev 1: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
