Ding Dalit 99
99
Ing Dios, ing Ari ding Sablang Ari
1 # Exo 25:22. Ing Ginu mag-ari ya,
at ding tau gagalgal la!
Makalukluk ya king tronu na babo da ring kerubin;
kabang makalukluk ya, ing yatu gagalgal ya.
2Ing Ginu mayupaya ya karin king Zion;
ya ing pamuntuk ding sablang bansa.
3Ing lagyu nang maula at makamal ding sabla karela yang purian.
Banal ya!
4Mayupayang Ari,#99:4 King Hebreo: Ing sikanan na ning ari. ing matulid yang kekang kaluguran;
king Israel tinatag mu ing katuliran;
at binie mung katuliran
at alang pamangabiran.
5Purian ya ing Ginung kekatamung Dios;
samba kayu arap nang tronu!
Banal ya ing Ginu!
6I Moises at i Aaron pari na la,
i Samuel naman menalangin ya;
deti ngan king Ginu minaus la, at pekibatan na la.
7 # Exo 33:9. Migsalita ya karela busal ning biga,
at tiparan da lang tuntunan at kautusan a binie ning Ginu karela.
8O Ginung kekaming Dios, pekibatan mu lang kekang memalen;
pepakit mu karela king Dios kang mapamatawad agyamang perusan mu la uling mikasala la.
9Ing Ginung kekatamung Dios kailangan yang purian;
king banal nang bunduk kekatamu yang samban,
uling banal ya ing Ginung kekatamung Dios.
Currently Selected:
Ding Dalit 99: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
